ممكن حد يفدني فى الحكاية دي يااصحاب الخبرة بارك الله فيكم؟؟!!

**muslem** · 28-05-2008 05:56 PM

اصلى لسه شاري عربية متورها ميتسوبيشي بس هى مش ميتسوبيشي و كنت لسه حرخصها و رايح ارخصها لقيتها سخنت على الآخر يعني لما المؤشر وصل للاحمر اشتغلت المروحة و رجعت بيها الصيانة من غير ما ارخصها علشان يغيروا الثرموثتات و حيعملوا عليها تشيك كلها و ربنا يستر بقي على المتور معرفش لسه سليم ولة خلص خصوصا انها مشيت مسافة من المخزن للمعرض وانا مكنتش سايقها و معرفش عملت كده مع اللى جابها من المخزن ولة لا
بس بيقولوا طالما التكييف كان شغال فده بيبرد المتور علشان مروحة التكييف بتبرد شوية على الرادياتير و اللى جاب العربية للمعرض كان مشغل التكييف
يا رب بقي انها مكنتش سخنة لما جابها احسن المتور يعمل وش سلندر من غير ما استعمله حتى!
ممكن رأى اصحاب الخبرة والله انا خايف تكون العربية من بتاعت عربية يوم الجمعة دي

**muslem** · 28-05-2008 06:14 PM

طيب ممكن حد يفيدنى فى حكاية تغيير العربية مثلا طالما انها لم ترخص هى اصلا آبت انها تترخص و عطلت و اذا حد يعرف ازاى اتصرف معهم على اساس ان اغير العربية كلها بعربية تانية طالما لم تدخل ملكيتي و لم ترخص؟

**wild_man** · 28-05-2008 06:19 PM

طبعا من حقك انك ما تستلمهاش طالما مادخلتش ملكيتك و محصلش تسجيل لأرقام الموتور و الشاسيه

و لو عصلجوا معاك اطلع على جهاز حماية المستهلك...

بس انا ليا ملحوظتين..

أولا الموتور بيسخن جدا لما تكون مشغل التكييف.. اللي قالك ان مروحة التكييف بتبرد الموتور ده غلطان

ثانيا التكييف مش مفروض يشتغل في أول 1500 كيلو !!

ثالثا و أخيرا... و للمرة التانية.. اتمسك بحقك انتا مش شاري عربية جديدة و دافع فيها عشان في الاخر تطلع معيوبة

**muslem** · 28-05-2008 06:27 PM

جزاك الله خيرا اخى ويلد مان على الرد
انا قلت لهم انا مش عايز العربية دي غيرها لى قال لى الورق راح الدراسة و تكاليف و قال لى حنشوف !!

ثالثا و أخيرا... و للمرة التانية.. اتمسك بحقك انتا مش شاري عربية جديدة و دافع فيها عشان في الاخر تطلع معيوبة

ايوة والله ده القسط حيقطم وسطي اصلا بس قلت اهى استثمار برضوة

**أبومعاذ** · 28-05-2008 06:34 PM

هي العربية دي byd?

**muslem** · 28-05-2008 07:19 PM

يا مسلم باشا ممكن التفاصيل بوضوح ...انا نش فاهم حاجة ابداً
-نوع العربية -ايى اللى حصل بالترتيب -مشيت اد اية فى وقت اد اية - والخونية كانت على كام -كان فى دخان ..فوران فى القربة ..تبطيل ..؟؟؟؟؟

انت اللى باشا ربنا يكرمك
هى bydf3المتور الميستوبيشي هو اللى عمل سخونة بس من غير فوران ولة حاجة هو بس المؤشر وصل للاحمر و انا كنت بصراحة مشغل التكييف على رقم1 فطبعا قلقت لان ال125 عندى ما شاء الله مش بتعمل كده خالص و اتشأمت من العربية لانى افتكرت عربيات يوم الجمعة كما قال احد الاخوة عندنا هنا فى المنتدى اللى بتكون معمولة اخر يوم فى الاسبوع قلت لتكون دى زي بتوع يوم الجمعة
انا اصلى سألت عليها كتير قبل ما اجبها و كمان عرفت من واحد عنده منها من سنة و نصف و مش بيشتكي منها خالص و كذا واحد اعرفهم اشتروها و بيشكروا فيها جدا و عملوا صيانة المئة الف و مغيرش الا الزيت و الفلتر بس
بس يظهر ان اللى اخترتها دي بتاعت يوم الجمعة خصوصا لما يكون المتور الياباني هو اللى عمل كده مش الصيني!!

**eldeplomasy** · 28-05-2008 08:49 PM

لأ طبعا متسبش حقك وارجعلهم مليون مرة حتى لو رسيت انك تفضل عندهم ليل ونهار وهدد استخدم كل الاساليب علشان تاخد حقك كامل ولا تتنازل ويقلك طيب نص عليك ونص علينا اوعى

ده في ناس جابو نوبيرا جديده سخنتهم منهم يوم الاستلام وجابت وش سلندر في اول يوم ليها ولسه الموتور معملش غير 80 كيلو ورجع تاني واجبرهم يغيروا العربية وغيرها بنوبيرا تانيه جديده بلون مختلف في نفس اليوم

فاوعى تسبهم ولو عصلجوا معاك ابقى قلنا هنا واحنا ممكن نساعدك باي حاجه بس اهم متطولش علشان ممكن يقولك دي معاك اديلها كذا يوم

وبعدين حاجه تانيه متخليهمش يغيروا الثرموستات انت اطلب وتمسك بتغيير العربية كلها بلون تاني علشان تتاكد انهم غيروها ولو رفضوا اطلب فلوسك بس ان شاء الله الموضوع ميوصلش لحد كده وتتحل سلمي وربنا يوفقك وتاخد حقك كامل

**Ghamrawy** · 28-05-2008 11:03 PM

يا جماعة بلاش تسخنوا الراجل كده العربية ان شاء الله مافيهاش حاجة و هو قال بنفسه لما المؤشر وصل للاحمر المروحة اشتغلت و رجع بيها عادى على الصيانة يعنى لو كانت حاتعمل حاجة كانت عملتها منه و هو راجع بيها .
و اذا كنت خايف من اللى ساق العربية قابلك بص على العداد و ياريت تكون فاكر العربية كانت ماشية كام كيلو اول ما استلمتها علشان ممكن العربية تكون جاية على كساحة و متكنش مشيت اساسا .
الموضوع كله مشكلة فى دورة التبريد و لو عايز تغير العربية بلون تانى حاول مش حاتخسر حاجة .
و فعلا مروحة التكييف بتبرد العربية شوية

**muslem** · 29-05-2008 12:34 AM

فاوعى تسبهم ولو عصلجوا معاك ابقى قلنا هنا واحنا ممكن نساعدك باي حاجه بس اهم متطولش علشان ممكن يقولك دي معاك اديلها كذا يوم

شكرا اخى لنصحتك الغالية
الحمد لله غيرت العربية ونقيت واحدة تانية و هم استجابوا معى الحمد لله على طول شكرا لتجاوبكم معى يا جماعة وشكرا لردودكم
وان شاء الله بكرة هحاول أرخص دعواتكم بقي لى ان شاء الله ربنا يسترها معى باذن الله