الموضوع: رجرجة جامدة على السلانسة صباحا فقط, برجاء المساعدة

للاسف الرجة رجعت تانى و حصلت 3 مرات لحد دلوقتى خلال اسبوعين, رغم ان مركز كرفان نضفولى البوابة و الحساسات مرتين لكن بردة الرجة لسة موجودة فى الصبح!!!
العربية موديل 2009 و عاملة 24 الف كيلو, و غيرتلها فى صيانة العشرين فلتر الهوا و البوجيهات و المشكلة دى كانت بتحصل قبل صيانة العشرين بردة, يعنى المشكلة مش من فلتر الهوا ولا البوجيهات ولا البوابة ولا الحساسات!!!
التوكيل بيقول لازم تبيت العربية عندنا علشان نشوف الرجة الصبح لما تحصل... المشكلة ان الرجة دى بحالات يعنى ممكن تقعد اسبوعين كاملين متحصلش و ممكن تحصل كل يومين او ثلاثة, طب انا حروح التوكيل كل يوم ادورها و لو محصلش حاجة اسبها و امشى!!!
انا مش فارقة معايا الرجة لانها بتحصل 30 ثانية و تروح بس انا حطلع برة الضمان بعد شهرين و كنت خايف العربية يكون فيها حاجة كبيرة او حاجة فى الماتور...
تنصحونى اعمل اية؟؟؟
شكلى حسبها على الله بقى و ربنا يستر...