الى الساده مالكى السبورتاج . هل فيه ايه ملاحظات على العربيه او أى مشاكل ظهرت فى الفتره الاخيره .
رجاء ان لا تبخلوا علينا بأيه معلومات حتى تعم الفائده.
ولكم جزيل الشكر
عرض للطباعة
الى الساده مالكى السبورتاج . هل فيه ايه ملاحظات على العربيه او أى مشاكل ظهرت فى الفتره الاخيره .
رجاء ان لا تبخلوا علينا بأيه معلومات حتى تعم الفائده.
ولكم جزيل الشكر
انا مش عارف مالكى السبورتاج راحوا فين يارب يرجعوا تانى ياربhttp://www.nilemotors.net/Nile/image...ajd%284%29.gif
ارجعوا احنا بنحبكوا
فين الردود يا رجاله
انا النهارده اتصلت بواحد معاه سبورتاج تانى فئه عامل 2000كم شكرلى فى كل حاجه و بالذات التجميع السريع وأنها شغاله فله مع ال 92 بنزين
ولكنه معجبوش فيها الثبات وهو ماشى على سرعه 150 كم
بص يا سيدي العيوب
1- صوت الهوا مسموع وده له حل وإن شاء الله لما اعمله حاقولك
2-التكيف لما تسيبه كذا يوم بـتحس إن فيه ريحة تراب يمكن مفيش فلتر تكييف (زي الياريس )
3- الثبات كويس بـال نسبة لعربية عليا
4-استهلاك البنزين
ماتزعلش على التأخير أنا كنت مسافر ولسة واصل من يومين كده
أولا حمدلله على سلامتك
بتقول ان صوت الهوا مسموع ده فيه واحد عامل موضوع عن السبورتاج و قايل ان عزلها ممتاز
http://www.nilemotors.net/Nile/257711-2012-3.html
حمدلله على سلامتك
هر اراء الناس نسبيه يعنى كل واحد بيقول من وجهه نظره و ده بيحصل فى اى عربيه عمرك ما هتلاقى الناس رأيها واحد و المهم هنا رايك انت ايه لانك اللى هتشترى و علشان كده نصيحتى ليك روح اعملها تست درايف و جرب بنفسك و شوف هيبقى ايه رايك بعد التجربه الفعليه :crashcomputer5:
أولا العفشه مش ناشفة هي في الأول بس وده طبيعي جدا علشان لسة جديدة
صوت الهوا بيبقه مسموع وهي ماشية مش وهي وقفة لييه علشان الكاوتش اللي في الباب مش على الحرف جوه شوية فـالهوى وإنت ماشي بيدخل الحتة الصغيرة ده وبـ تسمع صوته وده بيتجاب كاوتش يتحط على الحرف ويزود العزل وبرده ده طبيعي
الثبات لازم يبقه اقل من السيدان ده قانون فيزيائي لأن بين العربية وال ارض المسافة أكبر فـكمية الهوا بـتزيد اللي بين العربية وال أرض فالثبات بيقل وده برده طبيعي بس ثابتها مش وحش
بـمعناه أصح هما وصله لأحسن ثبات ممكن لعربية علية عن الأرض
استهلاك البنزين مش وحش بس عالي وده برده طبيعي عربية 1600 140 حصان أكيد أكيد حتسحب بنزين
أُمّال حيطلعلك el-140 حصان دول منين
وطبعا تنك البنزين الصغير بيساعد إنك تحس إن استهلاكها عالي
يعني عربية تنكها 60 لتر حتحط بنزين مرة كل أسبوع وعربية تنكها 30 لتر أكيد حتحط بنزين مرتين في الأسبوع
فيه حاجة كمان المساحات بـتعمل صوت عرفين صوت احتكاك الكاوتش بـال ازاز لما يبقه ناشف
بـتعمل كده حتى ولو الدنيا بـتشتي وطبعا ده يرجع ل الخامة بتاعت المساحات