ثانى التقرير الحصريا كيا سبورتاج 2012 هاي لاين صور + تقرير مفصل

**fgfg1975** · 25-11-2011 12:00 AM

فين بقى [marq="3;up;1;alternate"]التقرير[/marq]

**mohaismail** · 27-11-2011 08:25 PM

ما شاء الله ربنا يباركلك فيها
ياريت تقرير مفصل عن الاداء
اخبار العزل بتاعها ايه ؟ هلى صوت الموتور مسموع سواء على السرعات البطيئة والسريعة ؟ هل صوت الطريق مسموع يعنى صوت الهواء وصوت احتكاك الكاوتش بالطريق؟
اخبار استهلاك البنزين بتاعها ايه ؟وهل حطتلها 95 ولا 92 ؟
الاتساع عامل ايه وخصوصا فى الكنبة الخلفية ؟

**ahmed_halim197** · 27-11-2011 09:14 PM

متابع

**aafawaz** · 27-11-2011 09:59 PM

اخبار استهلاك البنزين بتاعها ايه

**fgfg1975** · 27-11-2011 10:48 PM

متااااااااابع باهتمام

**scobedo** · 27-11-2011 11:04 PM

المشاركة الأصلية كتبت بواسطة mohaismail

ما شاء الله ربنا يباركلك فيها
ياريت تقرير مفصل عن الاداء
اخبار العزل بتاعها ايه ؟ هلى صوت الموتور مسموع سواء على السرعات البطيئة والسريعة ؟ هل صوت الطريق مسموع يعنى صوت الهواء وصوت احتكاك الكاوتش بالطريق؟
اخبار استهلاك البنزين بتاعها ايه ؟وهل حطتلها 95 ولا 92 ؟
الاتساع عامل ايه وخصوصا فى الكنبة الخلفية ؟

مبدئيا متشكر جدا على كل الدعوات والمباركات والتهاني دي كلها .

العربية بقالها معايا 8 ايام فولتها مرتين 92 تنكها تقريبا 55 لتر المتوسط بتاعها 10 لتر لكل 100 كيلو يعني 50 لتر عملوا 500 كم وكسور وامبارح بس قلت اجرب 95 فولتها وجربت بصراحة مفيش فرق جامد غير في السحبة مع الكيك داون او التسارع المفاجئ ( كانت تجربة بس )ال 95 احسن بس شهاده لله ال 92 كان ذي الفل ومفيش تسقيف ولا تقطيع والعزم شديد ( والرزق يزيد ) بهرج يعني اصلي مش مشغلها اجره .

بالنسبة للعزل بصراحة ممتاز لما الشبابيك بتكون مقفولة ولا الهوى ولما بفتح الشباك بسمع صوت الكاوتش على خفيف وده بيتهيقلى لأنة عريض هو نوعه كومهو سولاس مقاس 225/60 .17 صوت الهواء بقى ده بسمعة جدا لما بكوت فاتح السقف على الوضع المائل بس مع السرعات العالية لكن في الهادي حلو قوي وبيتهيقلي ده طبيعي على فكرة انا اول مرة اجيب عربية بفتحة سقف

اما بالنسبة للوسع فحدث ولا حرج .

على فكرة انا كنت ناوي على القشقاي وجربتها مع واحد صحبى الفتيس المانوال ناعم اه بس مانوال برضو لكن الأوتوماتك في بلدنا مطلوب جدا انا ساكن في 6 اكتوبر بس لما بنزل شغلي في الزمالك عن طريق المحور بحمد ربنا اني صممت على الأوتوماتك

على فكرة عفشتها انعم من القشقاي بكتير وعن تجربه وشنطتها اوسع برضو بكتير وعلى فكرة انا مش متحيز للسبورتاج انا كنت هتجنن على القشقاي وسوقتها وجربتها بس صبرت وربنا رزقني بالكيا الحمد لله .

ارجو ان اكون وضحت بعض المعلومات واسف على الأطاله .

انتظروا باقي الصور .

**ابو ليلى** · 28-11-2011 12:53 AM

الف مبروك وربنا يبارك فيها ويحرسها من شر العين
فى كتير من الصور مش واضحة لو محتاج مساعدة فى تنزيل الصور فى الموضوع
جمعهم كلهم فى فولدر وارفعه على اى موقع رفع وهات اللينك وانا هخادهم وانزلهم فى الموضوع
او اقرا المواضيع دى
http://www.nilemotors.net/Nile/180938-a.html
http://www.nilemotors.net/Nile/197456-a.html
http://www.nilemotors.net/Nile/14760...ucket-com.html

بعد ما تخلص الصور هطلب من الادارة انهم يخلوها فى بداية الموضوع