مساعدة من الخبراء, جيتا 2007 خليجى

**hassanelzaeem** · 24-01-2012 12:11 PM

السلام عليكم ... معروض عليا جيتا 2007 خليجى بس فيها مشكلة ان الفتيس بيقرا متاخر يعنى تبقى جايب على rوبعدين تجيب d تلقيه لسه على الr تتطلع بالعربية تطفى الr وبعدين تلاقى كله منور احمر والفتيس مش منور على حاجة لازم اجيب الn الفتيس ياخد شوية يقرا الn وبعدين اجيب الd وامشى عادى ده بئاه عيب ايه ...وكنت عايز اسال على السرفيس بتاعها يكلف كام صيانة 100000 كم....... ارجو الرد شكرا

**Mohab.Nabil** · 24-01-2012 06:31 PM

لو فتيس dsg ابعد عنها

**farahat** · 25-01-2012 12:19 AM

2007 مفيش فيها dsg أصلاً !

بالنسبة لسؤال صاحب الموضوع ، المشكلة دي شكلها عيب في الكنترول بتاع الفتيس أو على أبسط الفروض هيكون في حساسات العصاية نفسها بتاعت الفتيس ، وفي الحالتين محتاج كشف كويس على العربية دي ، مش مجرد كشف عند مكانيكي عادي يا إما حد متخصص يا إما التوكيل .

**TOOLA** · 26-01-2012 12:08 PM

بص من الأخر, انا كنت بدور على جيتا او اوكتافيا 5 مودلات قديمة شوية (2005 - 2006) على قد فلوسى, المهم خلاص رسيت على اوكتافيا 5 م 2006 ماشية قليل حالة جيدا جدا,و خدت رقم هانى سمير من واحد صاحبى معاه جيتا و بيتعامل معاه, كلمتو عشان احدد ميعاد للكشف و كنت بطمن من حوار زيت الفتيس, لأن صاحب السيارة مغيرو على 80,000 ك و معلوماتى انه مفروض يتغير على 60,000 ك, المهم قالى هوا الرينج عموما من 60 ل 80 بس يفضل تغير على 60, و سألنى العربية موديل كام قولتيلو 2006, قلى فكك منها خالص!!!!!!!,سألت ليه (كان ممكن يقولى القول تعالى اكشف وياحد السبوبة) لكن جابهالى من الأخر,قالى جيتا و اوكتافيا و جولف 5 فيه عيب صناعة فى عقل الفتيس و اجلا او عاجلا غالبا العيب ده هيظهر معاك و بيحتاج تغيير فى التوكيل بتكلفة 13000 او 14000ج, يهتغير الفتيس الأوتو باخر استيراد (من 15 ل 20 الف جنيه), يا حل اخير احنا بنعملو و هو اننا نحل الفتيس و نطلع العقل نغسلو و نعملو صيانة و اديك ضمان 1000ك بس بردومضمنهوش اوى بعد كده, فالأحسن سيبك من العربية و دور على موديلات بدءا من 2008.

و أنا بصراحة خدت بنصحتو و كبرت دماغى.

**TOOLA** · 26-01-2012 12:10 PM

نسيت أقول على حسب كلامو العيب ده فى موديلات من 2005 ل 2007, عشان كده قلى دور على عربيات بدءا من موديلات 2008.

و هانى سمير للميعرفهوش اشهر و اقوى ورشة للفولكس و السكودا بعد التوكيل.

**hany63** · 26-01-2012 12:26 PM

كلام حضرتك مظبوط و حصل ل 3 عربيات اعرفها a5 2006 و باسات 2007

**Kareem.ElAraby** · 26-01-2012 12:30 PM

متابع

**hassanelzaeem** · 26-01-2012 01:28 PM

شكرا للرد... يعنى رائيكو ابعد عنها بس هى الصراحة كنت هاخدها بمبلغ كويس 90000 الف...طيب لو موديل اعلى هدخل برده فى مشكلة dsg ايه الحوارده بئاه

**hany63** · 26-01-2012 06:05 PM

جيتا 2008 و 2009 مش dsg

**hamade** · 11-02-2012 07:02 PM

يا جماعه عايز تليفون هاني سمير

الموضوع: مساعدة من الخبراء, جيتا 2007 خليجى

LinkBack

أدوات الموضوع

عرض

-

-

-

-

المواضيع المتشابهه

اشترى جيتا 2009 خليجى مستعمل ولا كيا ريو 2013 زيرو.. مساعدة من اهل الخبرة ارجوكم

مشكلة فى جيتا 2009 خليجى

صيانة دورية لسيارة جيتا خليجى

جيتا خليجى ولا BMW116i ؟؟؟

احسن معرض لشراء جيتا خليجى ؟؟

الكلمات الدلالية لهذا الموضوع

المفضلات

المفضلات

ضوابط المشاركة