عرض للطباعة
مشكلة هايفة قوى و عايز اخد رايكم فيها (بس بلاش تريقة لانها هايفة) انا ساكن فى منطقة مصر الجديدة و السكان كلهم ناس محترمة المهم عندنا شقة اتأجرت قانون جديد لناس مش مصريين بس عندهم ولاد اشقياء جدا و بيضربوا الجرس و يجروا المهم بعت البواب لابوهم و من بعد كدة الولاد لموا نفسهم
بس امبارح رجعوا يعملوا كدة تانى مش عارف اعمل اية ومش عايز مشاكل مع حد و مش عيز اعمل عقلى بعقل العيال
كهرب الجرس :36_2_33:
كان لازم اهزر اعزرني بجد مقدرتش امسك نفسي
والله ياباشا مفتكرش ان قدامك حل غير انك تقول للبواب يكلم ابوهم تاني او انت تكلمه بنفسك
تحياتي
ممكن حضرتك تعزل:Copy of majd(4):
او
فى مثل بيقول لو مقدرتش عليهم خليك معاهم:36_1_31:
بمعنى حاول جبلهم اى حاجة حلوة لرمزية طبعا شيكولاتة مثلا ( متزدش عن جنية عشان ميطمعوش فيك ويبقى ابتزاز) او تهزر هزار خفيف معاهم:plusone1:
هيخدوا عليك ويطلعوا عنيك:bump1:
اسف
هيخدوا عليك ويبطلوا يضايقوك:36_3_18[1]:
كان عندي نفس المشكلة وعملت زرار فصل للجرس من جوا وعملت لمبه تنور بس ههههههه
وهما ييجوا يدوسوا مايسمعوش الجرس يفضلوا دايسين واللمبة تنور لغاية لما عملتلهم كمين :) ومسكتهم وظبطهم ومن ساعتها وانا مظبطهم :)
هههههههههههههههههه نفس اللي بيحصل عندي بالظبط ......... اول ما العيل يرن افتح الباب و ابصله بنظره ناريه يروح يعيط في حضن امه علي طول و معتش يعملها تاني
احمد ربنا
انا عندي بيعملوا حاجه انيل من كده
مفتاح الكهرباء العمومي بتاع الشقه بره
بيطلعوا عالسلم ويقفلوه
حصلت مرتين
مره مراتي كانت لوحدها وصباح الرعب
ومره كنت معاها بس نايمين وصحيت لقيت الشقه مفيش نور
ببص عالسلم لقيته منور
ولقيت المفتاح مقفول
طبعا التلاجه والاجهزه كلها بتفصل ده غير ان لا قدر الله ممكن حد فيهم يلمس السلك ويروح فيها
العيال بقت عاوزه يتولع فيها
احنا بقى بيرنوا جرس البيت من بره ويجروا والمصيبه انهم عيال معرفهاش
بس بصراحه بقعد اضحك واقعد اقول لنفسى (كما تدين تدان)
اصلى كنت بعمل كده وانا صغير
ياااااااااااااه
كنت فعلا داخل أقول كهرب الجرز
ههههههههههههههههه
حط يافطة(إخترس من الكلب)
ههههههههههههههههههههههههه جامدة اوي موضوع لمبة تنور من جوا دا
انا مرة واحدة حصلت لا مرتين بنت رنته وجريت ونا شفتها وقلتلها هقول لباباكي
راحت كررتها مرة تاني ونا كنت نيمة صحيت وفضلت ترن رحت فتحة بسرعه ولطشاها بالقلم وزعقتلها ونا ماسكاها ولا مرات الأب
مكنش قلم جامد يعني بس قلت عشان تحترم نفسها
بس بيني وبينكم..انا كنت بعشق الحركة دي ونا صغيرة
كنت لما بكون ف عمارة مش عمارتنا بنزل جري ع السلم وارن الجرس بتاع دور آه ودور لأ
وبستمتع جدا ونا نازلة جررررررررري وبهرب.._احم_ دا كان ايام شقاوة ابتدائي بقي
اقلك بقى ياسيدى انت جربت الحسنا والادب منفعش صحاقتباس:
المشاركة الأصلية كتبت بواسطة bodo122
يبقى الحديد بالحديد يوكل يامعلم يعنى اية؟ اقلك
عاندك اخوات صغيرين ؟ لو عاندك خليهم يعملوا زى ما هما بيعملوا
طب معندكش اعمل انت كدة واطلع رن الجرس جامد وانزل ولو طلع حد كلمك اعمل عبيط وكناك ماتعرفش حاجة وماعملتش حاجة لغاية ما تزهاهم فى حياتهم وخد من دة كتير انا مش هااقلك ازاى لحد ما يقولوا حقى برقبتى وكل دة وانت بارد جدا ولا توجع فى قلبك واى خدمة
انا فعلا فكرت امل كدة بس قلت لو اتقفشت حيكون شكلى وحش قوىاقتباس:
المشاركة الأصلية كتبت بواسطة mo3tazanas
ههههههه بعانى من نفس المشكلة ومش لاقيلها حل
الجرس اللي يجيلك منه الريح شيله واستريح
او زي الاستاذ mo3tazanas ماقترح عليك
والعين بالعين والسن بالسن والبادي اظلم
نياااااههههههههههه
أهم حاجة تظبطهم و هما بيرنوا الجرس قبل ما يجروا و ساعتها هتعرف تتصرف معاهم زي ما أنت عايز.
طريقه مجربه هيرنوا اول مرة سيبهم بس استناهم ورا الباب فهيرنوا تاني تقوم انت فاتح الباب وماسك الواد .......يفضل انك متضربوش عشان متعملش مشاكل بس تاخده وتعمل الواجب مع ابوه
حط كرتونه تحت زرار الجرس و حط عليه شوية كله ( او مادة لاصقه اللى بتمسك الفيران ) و طبعا اللى هيرن الجرس هيقف على الكرتونه و هتلزق فى رجله ... و طبعا مش هيعرف يتحرك ...و ساعتها تسيبه لازق مكانه كده و تطلع تجيب اهله من فوق يشوفوه متلبس....... و تقول لابوه المرة الجايه هحطله لغم ارضى ....
الحل التقليدي انك ترفع زرار الجرس لفوق شويه علشان ميطولوش
بس طبعا لازم تكلم ابوهم
ولو مفيش نتيجه يبقي المعامله بالمثل :)) حتي لو حد فتح بسرعه قوله مساء الخير وامشي عادي يعني
او تكبر دماغك خالص فتره والمفروض هم هيبطلو لأن هيلاقو اللي بيعملوه ملوش رد فعل فا مش هيعملو كده
هي العيال الصغيره كده ، زي لما يعيط تقوله اسكت يعيط اكتر ، لو قلتله عيط اكتر كمان برافو علي صوتك وتسقفله هيتصدم ويسكت
تصدق فكره هههههههه لو عدي كذا ساعه مضربوش الجرس تروح تسأل عليهم الولاد كويسين يا جماعه ؟ مضربوش الجرس النهارده
ولما تشوفهم قولهم برافو يا حبايبي عشره علي عشره ، كل يوم اضربو الجرس واجرو
شيل الجرس خالص واللي عاوز يخبط عليك بلا وجع دماغ عيال قليله الادب (ايه ده يعني انا كنت قليل الادب وانا صغير
حلو موضوع اللمبه ده
انت بقي اعمل عمليه انتقاميه
هاتلك انبوبتين لزق امير
واحده خلصها علي مفتاح الجرس بتاعهم
وواحده علي العين السحريه
وممكن واحده علي مفتاح الباب
ولو ابوهم كلمك قوله بابتسامه صفرا
عيال وبتلعب يا اخي والاطفال احباب الله
ألغى الجرس و كبر دماغك
طيب انا ححكيلكم تجربتى الماساوية.كان جرس الباب عندى من النوع الى بيدى رنتين"تن تن" وسبب وصفى لة نصيحتى ليكم بان كل واحد يشيلة لان العيال لما ضربوا الجرس وكنت مش موجود زرار الجرس علق وفضل الجرس واصلة كهربا ونتج عن كدة انى بفتح باب الشقة لقيت الجرس مولع وسايح وواقع على الارض والنار ماسكة فى السجادة. جزء كبير من سقف الصالة اسود من النار ومحتاج دهان وبدون مبالغة كل الشقة وكل العفش عالية هباب اسود وستر الله انى وصلت فى الوقت المناسب لان النار كانت ماسكة فى السجادة وماشية ناحية السفرة وبفضل الله طفيتها ودة تحذير من الجرس دة بالذات .افضل جرس ممكن استعمالة الجرس الذى يعمل بدايرة الكترونية زى جرس العصافير.
التعامل بالحسنى قد يكون افضل وخاصة فى البداية
لما تشوف الاولاد دول ياريت تكلمهم كويس وتعطى كل واحد شوكولاتة او بونبون على سبيل الهدية البسيطة وبعد كده كلمهم بطريقة ظريفة انه يا ولاد اللى بتعملوه كدة عيب وما يصحش والكلام ده واعتقد هيستجيبوا ان شاء الله
الله يكون معاك اخى الكريم موضوع سخيف جدا
++++++++111111111111111اقتباس:
المشاركة الأصلية كتبت بواسطة fiat128man
انقل مفتاح الجرس لمكان اعلى
كان بيحصل معانا ف البيت بس من الانتركم ف الشارع (من إسبوعين)
والله ف مرة حسيت إن عيل هيرن ويجرى طلعت وقفت ف الشباك وأول ما الواد جيه
قولتله أنا عارفك وهروح أقول لأمك المهم مفيش دقيقتين وبصيت من الشباك لقيت أمه معدية من تحت البيت ووالدتى كانت واقفة ف البلكونة راحت قالت لأم الواد لو سمحتى إبنك بيرن علينا ويجرى ودة ميصحش وكدة
من ساعتها الموضوع دة متكررش تانى ابدا
بس أنا عن نفسى لو كنت نزلتله كنت هديله جوز إقلام محترمين عشان أادبه
بص فى طريقتين
اول حاجة تجربها تتربص للعيال وتصطادهم وتشخطلك شخطك معتبرة ووشك يكون مقلوب جامد بحيث ان العيال تترعب منك , ساعتها لو حد شافك فى حته حيجري يستخبي مش حيبطلوا رن بس .
لو دي منفعتش يبقي العيال دي رزلة رزلة
فى الحالة دي تكبر دماغك خالص وتسبهم يرنوا ولا كانك فى البيت العيال حتزهق وبعد كدا حشوفوا حاجة تانية يتسلوا بيها
بس اوعي تضرب عيل صغير عشان متوقعش نفسك فى غلط ومتشتكيش لان العيال دي لو اهاليها عارفه توقفها مكنوش عملوا كدا فيك وفي الجيران .
الطريقتين عن تجربة