السلام عليكم ... عندي مشكلة ان لقيت في مياه لما فتحت احد البوجيهات لاحد الغرف وجدت اندفاع الماء .... فا اتاكد انو جوان وش سليندر فروحت للميكانيكي وفك الوش على امل انو هيغير الجوان فقط ولكني وجدت تاكل في غرف او ما يسمى فتحات المياه في وش السيلندر لدرجة الاقتراب تقريبا من غرف البساتم .... فقلي الحل انك تزود الفتحات دي عند الخراط يزودهالك عشان لو ركبنا وش السيلندر كدا بجوان جديد مش هيعمر معاك اخرو اسبوع .... تقترحو عليا ايه وشكرا
حصل معايا الموضوع ده قبل كده ورحت عملت ملو للوش عند الخراط وبعد اقل من اسبوع رجعت ريما لعدتها القديمه وفي الاخر رحت جبت وش استيراد كان عامل 700 جنيه وبعد الفصال اخدته ب 550 جنيه ورحت عند خراط علشان يقيسه وقالي تمام الوش سليم والميكانيكي كان معايا وقالي ان الوش ممتاز وطبعا اللي عملته قبل كده من حل وتركيب جوان جديد وملو الوش ولا كان ليه لزمه فلوس ادفعت على الفاضي
ملحوظه صغيره لما تروح تجيب وش استيراد خليه يفكه من موتور راكب في عربيه مش من الوشوش المفكوكه اصلا عنده علشان تضمن ان الوش الجديد تكوم حالته كويسه