طلب مساعده من اهل المنصوره

**Samah AbdAllah** · 25-01-2012 01:42 AM

المشاركة الأصلية كتبت بواسطة FunnyMickey

هوا انتي هناك بجد؟
بتعملي ايه

انا مش جي بكره
لسه محددتش

كنت فى فرح والعيال شبطوا يقعدوا شوية
وماما بلغتهم يمنعونى من الرجوع لحد ما 25 يعدى

مسمعتش عن الشتا اللى شغال هناك
ماهو جاى ورايا من اليكس :))

المشاركة الأصلية كتبت بواسطة kareem_adel

لا يا سما مش للدرجة دى يعنى هيا بجد المنصورة عيبها الوحيد مفيش فيها خروجات كتير يعنى اخرك نوادى ومستشفيات ههههههه

لا متعقدش الرجل مش كده
هى حلوة خصوصا يوم الجمعة
تحس انك فى التلاتينات وانت لوحدك فى مصر

**kareem_adel** · 25-01-2012 01:49 AM

لا متعقدش الرجل مش كده
هى حلوة خصوصا يوم الجمعة
تحس انك فى التلاتينات وانت لوحدك فى مصر [/QUOTE]

انتى شكلك بقالك كتير مبتجيش يوم الجمعة او يمكن حاسة بالفرق الفظيع عشان اسكندرية زحمة دايما بس هوا يوم الجمعة بيبقا هادى بس مش لدرجة التلاتينات يعنى متعقديش الراجل هههه

**FunnyMickey** · 25-01-2012 01:49 AM

مانا جي وحعرف
قولي في ودني قولي في ودني
لو حد جدع بقي يختارلي يوم حازم شومان يبقي بيدي درس
عشان اجي احضره بالمره

**bmya** · 25-01-2012 02:39 AM

ايه يا جماعه انتم محسسني انكم بتكلموا عن شنباره الميمون مش المنصوره :)
المنصوره من اجمل المدن في مصر على فكره ودي معروفه اكيد مش هتكون زي القاهره او اسكندريه عشان مفيش حد زي الاتنين دول بس اعتقد انها تيجي بعدهم على طول
دي المنصوووووووووووره ف ايه :))
هي طبعا مفيش فيها اماكن فسح كتير بس ده بالمقارنه ب القاهره وحنا قلنا مفيش مقارنه
بص ياباشا انت نازل تقضي شغل وانت متعرفش حد هناك يبقى مش هتعرف تستمتع بالبلد حاول تخلص شغلك وترجع افضل
مصنع عقل بعد طلخا بحاجه بسيطه
حضرتك لو هتركب سوبر جيت يبقى هتنزل في محطه السوبر جيت جمب المحافظه ممكن تركب ميكروباص لطلخا وتركب من طلخا تاكسي لمصنع عقل كده المسافه قربت وهتوفر معاك في الفلوس لو مش فارقه معاك يبقى تركب تاكسي مباشر من الموقف لمصنع عقل وهياخد تقريبا 7-10 بالكتير وانت راجع ممكن توقف اي ميكروباص من الطريق او لو حظك حلو تلاقي تاكسي او تتفق مع التاكسي يستناك بس لو هتتأخر اكيد هيدفعك كتير
بالنسبه للاكل عندك طبعا مطاعم التيك اواي على المشايه وعندك البغل ده اشهر واحد بتاع فوووووووول تاكل عنده فول بس فول تحفففففه وفي واحد قريب من الموقف على فكره في شارع قناه السويس جمب المحافظه
وتنور المنصوره ان شاء الله ياباشا

**FunnyMickey** · 25-01-2012 02:26 PM

انا رحت راس البر كتير
وكنت عاوز تغيير مش اكتر

**Medicalist** · 25-01-2012 05:35 PM

ههههه الرجاله جابت من الاخر المنصوره مفيش فيها فسح ولف كتير لو معاك عربيه و الطرق فاضيه ممكن تلفها من اولها لاخرها فى 5 دقايق بالظبط
انا رايى يا باشا تخلص وترجع فى نفس اليوم
انت ممكن تركب المنصوره من رمسيس او تركب عبود و تركب ميكروباص للمنصوره بس تقوله انك هتنزل الموقف الجديد الى فى الطريق لطلخا من بره المنصورة او موقف طلخا الجديد الموقف ده على يمين الطريق وانت رايح طلخا هتنزل توقف تاكسى تقوله مصانع عقل الى قدام وتشور لقدام عشان تحسسه انك فاهم هيمشى بيك علطول على اليمين حولى كيلو مثلا مصانع عقل هتشوفها على الطريق من الناحيه التانيه هيلف من اى يو تيرن و ينزلك ادام المصنع ولما تخلص ممكن اى حد من الشركه ترجع على نفس الطريق و تعدى الناحيه التانيه للموقف وترجع بدون الدخول جوه المنصوره وكده وممكن تلاقى تاكسيات عادى لانه المسافه قريبه واى تاكسى هيقفلك مش هيقولك لا عكس لو اخدت التاكسى من جوه المنصوره والمشوار ده ما تديهوش اكتر من 3 جنيه

لو هتبات عندك فندق مارشال على المشايه ارخص من رمادا و هتلاقى حوالك كل المطاعم كنتاكى و بيتزا هات وكود دور كلهم جمب بعض على المشايه بس من فوق ناحيه مستشفيات الجامعه والكليات وعندك البارون للحلويات قعدته ظريفه غير كده مش هتنبسط اوى
ورحلة موفقه ان شاء الله