الموضوع: ممكن تجيب عربية نقل و تبقا هي ديه عربيتك؟؟

انا اقدر اقولك لأني معايا ميتسوبيشي ملاكي وميتسوبيشي نقل
انا بصراحه بحب النقل عن الملاكي بكتييييييييييير
بس للأسف في البلد دي ماينفعش الواحد يركب نقل بجد هتتبهدل
وعلي فكره هتقدر تمشي قبل 8 بليل عادي بس ممنوع في شارع الاقصر العيني وكوبري اكتوبر والازهر والكورنيش وحاجات كتير علشان كده انصحك خليك في الملاكي دي بلد زباله فاكرين بتوع النقل دول متسولين وما تقلقش هتتعامل معاملتهم زي انا مابتعاملها بالظبط لكن لما بركب الملاكي بكون باشا وادوس علي اعظم واحد فيهم
تعمل ايه بقي هي دي مصر

ويبقي انت اكيد.. اكيد في مصر.. :) :) :)

انا يا جماعه مش شايف فيها اي مشكله اني اجيبها لظروف الشغل او لأي ظروف تتطلبها مادام موجود البديل الي هو سياره ملاكي مدنيه اقدر اخرج اتفسح بيها و تكون مريحه اكتر في السفر و كده,
انما البيك أب هتكون للظروف المتطلباها فقط,
و للجماعه الي بيقولوا الدودج رام :للاسف الدودج تخرج عن المنافسه مع دول خالص:-
اولا: لانها بنزين مش ديزل و الموضوع عن الديزل (5800سي سي بنزين " خراب ديااااااااااااااااار " )
ثانيا:ترخيصها نقل هي كمان يعني نفس العيوب الي بنقول عليها
وكمان عن حوار ان الكمين لازم يرخم على الي راكب نقل فبصراحه انا شايف ان الرخامه دي طبيعيه و تكاد تكون واجبه,(من غير اي تعصب عليا )
لان لو بصينلها من ناحيه تانيه هنلاقي ان معظم الي راكبين عربيات نقل معهمش رخص و سلوكياتهم زفت و واخدينها بلطجه و بيمشوا عكس الطريق و الي مش مصدقني يروح مدينة 6 اكتوبر يشوف العربيات الي اسمها مخصوص هناك معظم الي سايقينها عيال صغيره معهمش رخص و بقوا وباء زي التوكتوك كده
و اغلب الحوادث بتكون بسببهم اصلا, و كان في موضوع كان اثاره الاستاذ "حسام حسن" عن السياره النقل الي كانت ماشيه مخالف في المقطم و هو مشكور تصرف تصرّف بطولي معاها
فحكاية ان المرور يمنعهم من طلوع الكباري ده حاجه كويسه لحمايه العربيات الملاكي الي راكبها ناس عاديه مش سواقين واخدينها بلطجه
و من ناحيه تانيه معتقدش ان لو الظابط الي في الكمين لو لاقاني ملتزم بتعاليم المرور و ورقي سليم و وجد ان انا شخص محترم و صاحب العربيه مش شغال عليها
معتقدش انه هيرخم عليا بل بالعكس ممكن يحترمني
و انا عن نفسي عايز اشتري واحده جديا
فا يا ريت اي حد عنده معلومات عن كامل اسعارهم و اماكن بيعهم يفيدني
و يا ريت لو حد كمان يقدر يفيدني بشروط الترخيص بتاعتها و ايه الاوراق المطلوبه
و شكرا,,,

انا امنية حياتى

DODGE RAM SRT-10 نفس محرك الفايبر و كفاية شكلها :) بس تبقى 4 ابواب :)



و لو مش ممكن كفاية ال HEMI 5700 سى سى :)




انا مرة سألت على سعرها عند الطارق قالولى 300 الف لو نقل و لو ملاكى تزود 300 الف كمان :(

والله يا جماعه انا عن نفسى عايز اشترى عربية نقل بس اعلى شوية من اللى بتتكلموا فيه
امنيتى أجيب Scania R500 اللى هى صورتها فى توقيعى
انا بحب الشاحنات جدا جدا جدا ونفسى اشوف شاحنة
دودج رام ايه ولا فورد اف 150 ايه بس اللى بتتكلموا فيه ده :)