مساعدة/المتور كده خبط ولا ايه دخان ابيض خفيف يطلع من الشكمان:(

**ztx** · 25-01-2012 05:59 PM

سلام عليكم

يسعد مساكم اخواني ,,عندي مشكلة في المكنة بجاج 200

بس احط المكنة بوضع المور ودوس بنزين علي الاخر الاحظ دخان ابيض خفيف يطلع من الشكمان

هل ده معناته ان المكنة بدأت تخبط وانه البستم بتاعها بدا يبوظ ولا ايه ؟؟ لإني رحت لميكانيكي وقالي
انه البستم بدأ يضرب بس انا ما اقتنعتش بكلامه لإن صوت المكنة تمام وما الاحظ اي دخان وانا ماشي وسحبها ممتاز وتوصل لسرعتها القصوي تمام وبدون اي صوت غريب بالمتور.

بس بوضع المور و دوس بنزين علي الاخر يطلع دخان ابيض خفيف جدا علما انها ما كانتش تطلع دخنه إيه المشكلة بقي ,علما اني غيرت الزيت اليوم وبرضو الدخنه هي هي ما راحتش ,ساعدوني مش عايز أوقع بين الميكانيكية السفاحين

الزيت الي انا بستعمله موبيل 20w50

وتحيااتي للجميع وللدكتور دياب :)

**mohm82** · 25-01-2012 09:42 PM

الموتور ليه سعة برضه و التحميل عليه بدون حمل بيبهدل الموتور بس المكنة واضح ان مفهاش حاجة و فى السرعات الكبيرة (دروان المحك العالى) متهيألى طبيعى ان حبة زيت يهربوا لغرفة المحرك بس لو فضلت تعمل كده حبضيع.
يعنى من فضلك متحملش على الموتور بالحركة دى!
هذا و الله أعلم

**ztx** · 25-01-2012 10:06 PM

المشاركة الأصلية كتبت بواسطة mohm82

الموتور ليه سعة برضه و التحميل عليه بدون حمل بيبهدل الموتور بس المكنة واضح ان مفهاش حاجة و فى السرعات الكبيرة (دروان المحك العالى) متهيألى طبيعى ان حبة زيت يهربوا لغرفة المحرك بس لو فضلت تعمل كده حبضيع.
يعنى من فضلك متحملش على الموتور بالحركة دى!
هذا و الله أعلم

متشكر ليك علي سرعه الرد ,,انا نادر بس اسوي الحركة هذه بس من اليوم وعد ما اعملهاش مرة تانية

بس المتور سليم دلوقت ولا راح فيها :(؟,,وبخصوص السرعه العالية عادي لو دايما اكون عليها؟ولا الموتور ينضر بقي ؟

**Shady_mas2000** · 26-01-2012 03:34 AM

بتهيألى السقعه برضو عليها عامل الدخان بيطلع يتكثف
فى الجو البارد زى بخار الماء الخارج من الفم بالظبط..

**zocor742** · 26-01-2012 05:07 AM

ممكن يكون بخار ميا اى محرك فى الساقعة بيجيب بخار
اهم حاجة الزيت عندك بينقص ولا عادى لو بينقص ممكن يبقى خف
بس حضرتك تقصد اية من ان الحركة دى غلط وبتبهدل المتور
قصدك على التفصيل فى وضع المور

**yascro** · 26-01-2012 02:32 PM

الموتور سليم كل ده من الساقعه متقلقش

**ztx** · 26-01-2012 05:21 PM

المشاركة الأصلية كتبت بواسطة Shady_mas2000

بتهيألى السقعه برضو عليها عامل الدخان بيطلع يتكثف
فى الجو البارد زى بخار الماء الخارج من الفم بالظبط..

الله يطمن قلبك ويعطيك العافية اخي بجد مش عارف كيف اتشكر ليكم

المشاركة الأصلية كتبت بواسطة zocor742

ممكن يكون بخار ميا اى محرك فى الساقعة بيجيب بخار
اهم حاجة الزيت عندك بينقص ولا عادى لو بينقص ممكن يبقى خف
بس حضرتك تقصد اية من ان الحركة دى غلط وبتبهدل المتور
قصدك على التفصيل فى وضع المور

الزيت عندي نقص شئ بسيط غير ملحوظ قبل ما اغيره بس دلوقت تمام ما نقصش حاجه ,,يمكن خف شوي مع تشغيل المكنة في الساقعه؟
-انا لاحظت الشئ هذا بوضع المور لإني ما اقدرش اطلع علي الشكمان وانا ماشي علشان ما اخبطش
حاجه

فبوضع المور اطلع علي الشكمان براحتي :)
لكن قصدك ايه بأنه الزيت ممكن خف ؟

ومتشكر ليك جدا يا برنس

المشاركة الأصلية كتبت بواسطة yascro

الموتور سليم كل ده من الساقعه متقلقش

تسلم يا ديبو يا وحش الريس :)
نورت الصفحه

الله يطمنكم كلكم ومتشكر ليكم قوي .

أرفع قبعتي احتراما لكم

(بالمناسبة انا اغير الزيت كل 1500 كيلو كده كويس ولا لأ؟نوع الزيت موبيل (20w50)

**m3_dolphen** · 27-01-2012 12:09 AM

الموضوع ده لسه حاصل معايا قريب ورحت للميكانيكى قالى طقم شنبر بس انا بردو مقتنعتش رحت لواحد تانى قالى
ده بخار ميه ولو طقم شنبر يبقى لازم الزيت ينقص زودت الزيت وقيسته بعد حوالى شهر لقيته نفس الكمية تقريبا
ده غير ان البخار مبقاش يطلع اصلا .. عموما اكبر دليل على وجود مشكلة داخلية فى المحرك هو ان احد شمعات الاشتعال
يتوقف عن العمل نتيجة وصول الزيت اليه وهذا لا يحدث الا اذا كان هناك مشكلة فى المحرك

عموما اطمئن وان شاء الله الموضوع بسيط

بالنسبة لتغيير الزيت حلو جدا 3000 كيلومتر والعبرة مش بلون الزيت ولكن بمدى لزوجته

**ztx** · 27-01-2012 12:53 AM

المشاركة الأصلية كتبت بواسطة m3_dolphen

الموضوع ده لسه حاصل معايا قريب ورحت للميكانيكى قالى طقم شنبر بس انا بردو مقتنعتش رحت لواحد تانى قالى
ده بخار ميه ولو طقم شنبر يبقى لازم الزيت ينقص زودت الزيت وقيسته بعد حوالى شهر لقيته نفس الكمية تقريبا
ده غير ان البخار مبقاش يطلع اصلا .. عموما اكبر دليل على وجود مشكلة داخلية فى المحرك هو ان احد شمعات الاشتعال
يتوقف عن العمل نتيجة وصول الزيت اليه وهذا لا يحدث الا اذا كان هناك مشكلة فى المحرك

عموما اطمئن وان شاء الله الموضوع بسيط

بالنسبة لتغيير الزيت حلو جدا 3000 كيلومتر والعبرة مش بلون الزيت ولكن بمدى لزوجته

متشكر ليك يا باشا وفعلا اغلب الميكانيكية ما عندهمش اي ضمير

متشكر ليك اوي غلبتكم معايا .