الموضوع: ................إزاي تركب الفيميه...............

السلام عليكم

تكملة لموضوع الأخ axel
لإستخدام إيدك في كل حاجة تقدر تعملها
diy
do it your self

المهم

الفيميه

االرول تكفي الاربع أبواب بالظبط
.
النهاردة روحت جبت رولين درجة لايت .. درجة خفيفة بتغمق بالليل .. وبالنهار تدي تظليل خفيف ماحدش هيعلق عليه ف المرور
الرولتين بــ 24 ج
أنا جبت واحدة زيادة إحتياطي


الموضوع سهل جدي
تقطع الرول على أد الزجاج بتاعك
وبسن المشرط(طبعا تجيب مشرط) تطلع الطبقة الخفيفة من عليه
وتسحب بالراحة . وإنت بتسحب ترش ميه ببريل ببخاخة(طبعا تجيب بخاخة)
وتحطها على الزجاج بتاعك(بعد مايتنضف كويس أوي) وتبدأ تفرغ الهوا بالأستيكة(كلكم عارفنها طبعا وهي حتت بلاستيك مربعة صغننة بتجيبها من نفس المحل الي جبت من الفيميه)
وبعد ماتفرغ معظم الهوا والميه بالاستيكة
تقطع الزيادات بسن المشرط
وتكمل تفريغ
وتبص من بره الزجاج .. وتشوف لسه فيه فقاقيع ولا لأ
لو فيه .. شيلها برضووو بإنك تزقها للأطراف


وبعد ماتخلص.. للضمان يعني
تلزق علي طرف الزجاج.. شريط إسود مطفي رفيع خالص

وطبعا
العملية دي من جوه.. مش من بره

الموضوع سهل جداا بغباء
وتوفر الــ60 ج إلي بيطلبوها

وأهي حاجة خايبة جداااا
تتسلى تعملها في ساعة بالنهار

مش عارف بالظبط مقاس كام.. هشوفلك الفارغ
وبالنسبة للخلفي
صعب شويتين .. لكن مش مستحيل
عموما عندي
انا كنت مفيم الي ورا من زمان بلاك..
وعملت الاربع ابواب بسسسسسسسسس
واكتشفت ان الرول بييجي معاها الاستيكة في نفس العبوة