philips x-treme vision 100%

**Land_Cruiser** · 30-01-2012 07:46 AM

المشاركة الأصلية كتبت بواسطة y2y1500

بصراحة من الصور والكتابة اللى عليه .. شايف انه ما يفرقش عن الاوسرام نايت برايكر بلاس اللى ركبته عندى فوق h4 واشتريت منه h3 للفوجات ولسه ما ركبتوش واسعارهم كانت 125 و90 جنيه على الترتيب للزوج
ونفس الاضاءة والقوة 55/60 وات - 12 فولت - قوة اضاءة 90% اكتر و35 متر زيادة
يعنى هو هو بس اغلى من الاوسرام !!!
وممكن تسأل عليهم فى محل المدينة بشارع دمشق بخصوص سعرهم هنا فى مصر كام

عندك فكره يا باشا ال h3 بتوع الفوجات بيركبوا ازاى؟ يعنى بيفكوا ايه علشان يركبوهم؟ اصل أنا بافكر اجيبهم بس قلقان من التركيب علشان مكانهم رخم

**AhmdDomar** · 30-01-2012 10:33 AM

المشاركة الأصلية كتبت بواسطة _hema

سؤال بعد اذنك يا joo :))

هو الاوسرام نايت برايكر بلاس نفس اضاءة الزينون ونفس اللون وكدة ؟؟

المشاركة الأصلية كتبت بواسطة ahmazong

لأ اقوى منها كتيييييييييير يا دووووووك

بعد إذن الدكتور يوسف والدكتور أحمد ، لأ هو الزينون أقوى بكتير علشان أنا مركب الزينون في الفوجات ، والأوسرم في العالي

تقبلوا تحياتي

**Dr'AhmZZong** · 30-01-2012 10:43 AM

المشاركة الأصلية كتبت بواسطة ahmddomar

بعد إذن الدكتور يوسف والدكتور أحمد ، لأ هو الزينون أقوى بكتير علشان أنا مركب الزينون في الفوجات ، والأوسرم في العالي

تقبلوا تحياتي

اكيد يا باشا الزنون اعلى من أي لمبة عادية ..

أنا لما قلت < اقوي> أنا كان قصدي إن أورسام اقوى من لمض العربية الأصلية .. بس أكيد مش اقوى من زنون ..

حضرتك بس فهمت غلط .....

تحياتي لحضرتك ..

**Youssef.Awad** · 30-01-2012 06:28 PM

المشاركة الأصلية كتبت بواسطة wshawky

عندك فكره يا باشا ال h3 بتوع الفوجات بيركبوا ازاى؟ يعنى بيفكوا ايه علشان يركبوهم؟ اصل أنا بافكر اجيبهم بس قلقان من التركيب علشان مكانهم رخم

انا جبتهم من المدينة ب90ج وروحت مع واحد صاحبى عند كهربائى معرفة عشان اركبهم وهو كان رايح يظبط سرينة الانذار
لقيت الراجل نام تحت وش العربية وفك صامولة تثبيت فانوس الشابورة واحد واحد بحيث يطلعه فى ايده كامل من الامام وبعد كده فك طبة الفانوس من الخلف وشال اللمبة من جوة الدواية وركب الجديدة وقفل ورجع الفانوس وربط وطبعا جربت انها شغالة من دراع النور قبل ما يربط وفى الاخر خد منى 5 ج عشان دخل المصنعيات فى بعضها انا وصاحبى اللى سمعت الراجل وهو بيسأله على جنب (لما هما شغالين اهم .. امال غيرهم ليه!!!

)
--------------------
النور بعد التغيير رجع لنور الزيرو وبقى نفس درجة الاضاءة بتاعت النور العادى عالى وواطى h4 عكس الاول كانت الفوجات لونها اصفر اكتر

المشاركة الأصلية كتبت بواسطة Ahmazong

اكيد يا باشا الزنون اعلى من أي لمبة عادية ..

أنا لما قلت < اقوي> أنا كان قصدي إن أورسام اقوى من لمض العربية الأصلية .. بس أكيد مش اقوى من زنون ..

تمام كده .. ولو فوانيس العربية اصلا لسه زيرو مش هاتحس بفرق كبير خالص