1- قواعد ماتور 250 ج
5- شداد موتور 1000 ج
7- تغير نظام الفرامل الي abs
1200 ج
دول النقاط الاساسية
ممكن باه تاخد من السيتم القديم :
1- الفتيس
2- الضفيرة
3- الكرونة
4- فلتر الهواء
5- طرومبة الباور
6- الفلانشة
8- الدينامو
عرض للطباعة
الإخوة ماشاء الله أعطوك كل التفاصيل
و التكلفة بالوضع ده حتكون من 5000 إلى 6000 جنيه
ولكنك ستنتقل بسيارتك لمرحلة تساوى أكثر من هذا المبلغ بكثير
وعلى فكرة مثل هذه المواتيير الرياضية بتفرق كتير عند البيع
يا جماعة هو فعلا الماتور مالوش قطع غيار عشان كدة مرطرد فى الحرفين و ما حدش بيشترية زى ما تقلى فى الحرفين
الرد على سؤالك من نفس كلامك
منين انه متوفر جدا وفى نفس الوقت مالهوش قطع غيار ؟
يعنى المستورد صعب عليه يحل المكن اللى بيجيبه خاصة انه لما يبيعه قطع غيار مكسبه
حيكون مضاعف من انه يبيعه زى ما هو
وغير كده قطع الغيار الجديدة متوفرة يا عزيزى
كل ما فى الامر انه بيشجعك تاخد ماتور 6 سيلندر علشان تشترى من عنده حاجات اكثر
ومصنعيات اكتر
ونصيحة لوجه الله ابعد عن الحرفيين بدل ما يتلعب بيك خاصة لو متعرفش حد هناك
انا يا جماعه كنت ناوي اسقط ال 2000 الاسود بس
رجعت في كلامي وفكيتني من الاشاعات المغرضه ال حوالين ال اي اس 1800
حاليا مفيش مشكله في قطع غياره
وحامي ورياضي
مش هنغير العفشه كلها الاماميه بس عشان الموتور ده تقيل
كنت قاعد مع حد من بره الحرفيين تاجر تقيل
وقالي والكردان هيفضل ونا هغير الكرونا بكرونا بنفس الرقم المناسب لكرونه عربيتي
وهركب فلتر رياضي طبعا
سؤالي الي شيكو
التعديلات ال انت بتقولها الهدف منها رفع مستوي الاداء اكتر ولا ايه؟
انا هجيب كراسي وهغير الاكصدامات وعندي الكهربا غايره هصلحها كلها
عايز اعرف حاجه لو هركب جنط 5 خرم ايه المطلوب تعديلو في العفشه؟
وشكرا
اللي انا كتبو لو اتعمل كله هتاخد ال 140 حصان كاملين
و عشان تركب 5 خرم لازم تعديل في الطناير و نظام الفرامل
أنا مسقط الموتور دا من سنتين عندي , انا كان موتوري الأصلي M40 ,من اللي أنا فهمتوا انك راكب e36
1-الموتور دا قواعده هيدروليك (جواها زيت) بس عادي ممكن تستعمل قواعدك عادي, أنا و اتنين كمان أعرفهم حطينا قواعد ال 25 الأبيض (أقوى .. كأنها قواعد سبور,بس فيه تزنيد خفيف ,أنا عن نفسي مش مضايقني)
2-الكردان نفس الطول لأنوا نفس الفتيس أصلا (مانيوال getrag 240
3-الكرونة بتاعة الموتور أصلا 4.10 ولكن اللي أنا فهمتوا ان عربيتك اوتوماتيك ,علشان كده أتوقع انها تكون أقصر, ممكن 4.27 أو 4.45 مفيش مشكلة أنا أصلا ركبت 4.45 و لغاية لما شلت الموتور مفيش IS طلع مني
4-الموتور دا اصلان بيجي بheader ,أنا في الشكمان ليا رأي كل واحد ليه حاجة يفضلها حسب انتا عايز الباور يكون فين و أزاي (يعني عايزه RPM واطي ولا عالي) لو مش عايز وجع دماغ ركب بتاع الموتور ,بس دا مش أحسن حاجة,علبة الشكمان ال IS أول حاجة تغيرها ب علبة مدخلها 2.5 أو
2.25
5-مش محتاج شداد موتور ,أكيد وجودوا أفضل بس هيا مش نازلة بيه أصلا من المصنع
6-الفرامل بردوا مش محتاجة ABS ,اصلا دا مش بيقوي الفرامل دا بيمنع ال Locking بس لكن مش أقوى ولا حاجة
7-نفس طرمبة الباور,كباس التكيف, ... تقريبا كل أدوات التغذية
8-البنزين تقريبا هوا هوا
9-فيه فرق كبير في السحب
10-لو حد هيركبوا مانيوال ركب الflywheel بتاعت ال M40 اخف بكتير من ال double mass flywheel بتاعتوا ,بتفرق كتير في الاولاتي والتاني
11-الموتور دا الكامات بتاعتوا adjustable فيها 6 درجات تقديم و تأخير و بردة الظبطة حسب سواقتك
12-الموتور دا FORGED Internals يعني يتحمل الرعد و ممكن يوصل RPM ل 7500 عادي , و لو حابب ممكن أدلك على ماقع بتعمل custom tuned chips ليه و مش غالية أوي
13- الموتور فيه knock sensor ,حساس تسقيف و ده مكنشي موجود في النسخة اللي نزلت في الي e30 يعني ينفع تحط بنزين 90,92,95 الموتور هوا لوحده هيأخر الكهرباء أو يقدمها
14-فيه DISA و دا solenoid على Intake manifold بيتحكم في طوله فا كأنك مركب short intake mani بيقولوا بيفرق 5% و دا حاجة راكبة تحت البوابة, لو سألت أي ميكانيكي هيقولك دا بتاع البيئة يا بيه
15-البوابة بتاعتوا بتفتح على مرحلتين ,واحدة و أنتا دايس نص دوس علشان متكلشي بنزين,التانية لما تدوس على الأخر الاتنين يفتحوا
بص أنا ممكن أقعد أحكي عنوا لبكرة, الموتور دا عبقري دا فيه رشاشات زيت جوا الموتور علشان تبرد البساتم,لو عندك اي سؤال فيه أنا أكون سعيد اني أجاوبك
أنا أصلا كنت حاطوا علشان اتربنوا
, انتظر قريبا IS متربن ,مش أنا دا واحد صاحبي :-)
دا IS مع 20 :-)
Stock E30 sprint 320i vs. 318is - YouTube
E36 318is VS E30 325i
E36 318is VS E30 325i - YouTube
كلامك ممتاز جداً و تقرير ممتاز مشاء الله
يدل عن تجربة حقيقية
لكن ليا كام سؤال
ماتورك كان راكب في عربية ايه ؟
يا تري هل قمت بقياس الهورس باور علي الكمبيوتر ؟
ما هو نعديل الفرامل اللي كنت عامله و يا ريت بالتفصيل عشان الاعضاء تستفيد ؟
و شكرا ليك يا زميلنا العزيز
كلام جميل لكن اللى سمعته من ملاكل الموتور ده
انه خشن شويه
قطع غياره فعلا غاليه مثال على كده
الشكمان ب 1200 جنيه
سلك البوجيهات استيراد طبعا ب 500 جنيه
المكنه دى اغلب التجار مش بيفكوا منها حاجه وان فكوا بيبعوها غاليه لانها قليله وده بيسيب عندهم قطع غيار كتير غير مطلوبه لقلة اعطالها عشان كده بيطلعوه كامل
دى معلوماتى عل ىالموتور ده وانا اسمع عنه سمع خير وشوفته بعينى فى اوتوكروس السنه اللى قبل اللى فاتت فعلا كان بيقلب الاسفلت :)