استفسار لكا من يملك بومة 2007

**mody1221** · 26-01-2012 12:57 AM

السلام عليكم اعضاء المنتدى الكرام كنت عايز اعرف هل لمبة srs المفروض انها تنور لما اجى ادور العربية وبعدين تنطفى ولا اللمبة دى مابتنورش الا فى حالة الحوادث لا قدر الله ؟؟؟؟ العربية 2007 اوتوماتيك فيها ايرباج يعنى المفروض انها تنور وتطفى لما اجى ادور صح ولا اية ؟.؟ زى لمبة abs
ارجوكم يا جماعة افيدونى عشان اتأكد وهل معنى انها مش بتنور كدة العربية ممكن تكون فتحت الايرباج قبل كدة ولا دة عيب مثلا ف اللمبة ولا اية انا قلقان جدااا

**Ibrahim Nabil** · 26-01-2012 02:13 AM

المشاركة الأصلية كتبت بواسطة mody1221

السلام عليكم اعضاء المنتدى الكرام كنت عايز اعرف هل لمبة srs المفروض انها تنور لما اجى ادور العربية وبعدين تنطفى ولا اللمبة دى مابتنورش الا فى حالة الحوادث لا قدر الله ؟؟؟؟ العربية 2007 اوتوماتيك فيها ايرباج يعنى المفروض انها تنور وتطفى لما اجى ادور صح ولا اية ؟.؟ زى لمبة abs
ارجوكم يا جماعة افيدونى عشان اتأكد وهل معنى انها مش بتنور كدة العربية ممكن تكون فتحت الايرباج قبل كدة ولا دة عيب مثلا ف اللمبة ولا اية انا قلقان جدااا

السلام عليكم
يا فندم الطبيعى بتاع اللمبة انها بتنور زى لمبة abs وبتطفى لكن بعدها بثوانى بسيطة وكون انها مبتنورش خالص فده ممكن تكون اللمبة نفسها محروقة وممكن الكهربائى يكشفلك عليها بسهولة

**mody1221** · 26-01-2012 02:44 AM

الاخ الفاضل monol الف شكر على رد حضرك بس عايز اعرف لو اللمبة محروقة هل دة يستدعى فك التابلوة ولا حيتم اصلاحها ازاى وهل اروح التوكيل ولا عند اى كهربائى يعملها ومش مستاهلة توكيل ؟

**Ibrahim Nabil** · 26-01-2012 02:53 AM

المشاركة الأصلية كتبت بواسطة mody1221

الاخ الفاضل monol الف شكر على رد حضرك بس عايز اعرف لو اللمبة محروقة هل دة يستدعى فك التابلوة ولا حيتم اصلاحها ازاى وهل اروح التوكيل ولا عند اى كهربائى يعملها ومش مستاهلة توكيل ؟

لا شكر على واجب اخى
الكهربائى بيفك الجزء اللى فيه العدادات بس وده سهل ومفيهوش اى مشكلة باذن الله
اخوك ابراهيم

**mody1221** · 26-01-2012 03:40 AM

ربنا يباركللك يا كبير والله انت طمنتنى وانا تحت امرك ف اى حاجة اخوك محمود

**Ibrahim Nabil** · 26-01-2012 04:52 PM

المشاركة الأصلية كتبت بواسطة mody1221

ربنا يباركللك يا كبير والله انت طمنتنى وانا تحت امرك ف اى حاجة اخوك محمود

الله يكرمك يا عم محمود وربنا يبارك فيك
اخوك ابراهيم من المنصورة

**almoslem233** · 26-01-2012 11:32 PM

وممكن يكون الفيوز بتاع الاير باج اللى ف علبة الفيوزات اتحرق

**mody1221** · 27-01-2012 12:05 AM

المشاركة الأصلية كتبت بواسطة almoslem233

وممكن يكون الفيوز بتاع الاير باج اللى ف علبة الفيوزات اتحرق

شوفت الكتالوج لاقيت مافيش فيوز للايرباج ولا فيوز للمبة الحزام .
اكيد لية حوار تانى مش فيوز

**ahmed_bq** · 30-01-2012 10:44 AM

هيا بتنور ثواني وتطفي لو محصلش كده روح لكهربائي يشيك على الفيوز ولو القيوز تمام يبقى اللمبه بتاعتها محروقه ومتقلقش الموضوع بسيط ان شاء الله ومش مكلف

**flight** · 31-01-2012 01:40 AM

شريط الايرباج الموجود في الدركسيون في الموديل ده معروف انه من العيوب الشائعه جدا انه بييبوظ بعد حوالي ال 80 الف الاولي و اللمبه بالتالي بتنور علي الدوام ولا تطفئ و تغيير الشريط اما استيراد معرفش بكام او جديد بحوالي 1300 جنيه في التوكيل و غير موجود حاليا و ساعات بيتلحم في الحرفيين و يكلف حوالي 50 جنيه وكثير لما يجوا يببيعوا العربيه بيلغوا اللمبه اصلا علشان ميبنش ان الشريط بايظ وارجو ان يكون المشكله عندك في اللمبه فقط تحياتي