من سمعة عربيتى عمى اشترى اللوجان

**ch_mahm2024** · 26-01-2012 03:41 PM

بكل اختصار انا معايا لوجان f/o من سنة تقريبا وعمى اعجب بعربيتى خالص خلال الفترة دى لانى عملت معاه سفريات كتير وحصلت مواقف كتير من ضمنها مرة روحنا الغردقة وكان معانا قريبنا معاه ماتركس وكانت الملاحظات التالى 1- استهلاك بنزين اللوجان لا يذكر بالنسبة للماتركس
2- الماتركس ادعكت حك فى الارض واللوجان ولله الحمد
ولسه من فترة قريبة اشترى عربية لابنه سكودا حاجة كده شديدة معرفش الموديل بتاعها بس سعرها 190 الف وكنا رايحين الاقصر مع بعض برده وفوجئ عمى عند مرورهم على مطب الاسكودا سلمت على الارض بحكة محتررمة
وعشان كده باع عربيته البيجو 504 واشترى اللوجان لنفسه من يومين

**ahmadmidop** · 26-01-2012 04:42 PM

تمام مافيش عربية في علو اللوجان اصلا ... بس بردو مش معياري وانا بشتري العربية انها متحكش
طبعا حضرتك عارف ان العربيات الالماني والايطالي والفرنساوي كمان معمولة للبلاد الاجنبية واللي حضرتك عارف شوارعها عاملة ازااي .. وطبعا اللوجان عربية موجهة لدول العالم التالت وبالتالي ملائمة للشوارع عندنا والجبال مش المطبات ...
خلاصة الكلام علو العربية يتحسب لصالح اللوجان بس مش كل الناس بتركز على النقطة دي

**wassim_nasser** · 26-01-2012 05:22 PM

اللوجان كلها علي بعضها كده عربية جميلة من السرعة للثبات للإتساع الداخلي للعلو عن الارض .. الله اعلم هما حاطين اعمال ولا احجبة تحت الفرش تخليك تحب العربية اكتر من كونها عربيتك .. تحس كده انها رفيقة درب واكلين عيش و ملح سوا .. يمكن عشان معظم اللي اشتراها كانت اول عربية له زيى أو يمكن عشان تغيير من حاجه قديمة فا جاية بعد شوقة .. ماعرفش .. المهم انها حاجه حلوة ف حياه الواحد .. بالمناسبه حضرتك تقصد سكودا فانتازيا ودي حاجه كده خيال علمي من جوة .. بس مع المطبات تظل الكلمة الاولي والاخيرة للوجي

**mirra** · 26-01-2012 11:38 PM

انا كمان بمووووت فى اللوجان رغم انى امتلك وحش لادا 2107.

**Super_Star_h** · 27-01-2012 10:28 AM

دى احسن ميزه فى اللوجان
مع ان فيهاا ميزات كتيره الثبات والراحه حتى لو فضلت سايق 24 ساعه مبتعبش
واحساسك بالأمان وانت سايق عربيه فراملهاا ما شاء الله عليهاا بتسعفك فى اي وقت