الموضوع: صوت احتكاك من المساعدين الاماميين ,السبب والحل؟؟

السلام عليكم ورحمه الله وبركاته..
انا غيرت عفشه امامي من 3 شهور جديده كلها (بيض مقصات-طنابير-تيل-بيض تيش -عماويد ميزان)
وغيرت 2 شمعدان استيراد بحاله الزيرو (مساعد -سوسته-كبايه-بطاحه)
بدات المشكله اني باسمع صوت احتكاك حديد في حديد زي مايكون حد بيسن سكنتين في بعض باسمع الصوت ده لما العربيه بتنزل من مستوي اعلي لاخر ادني .يعني لو في فرق في الاسفلت او نقره مفاجاه والاغرب اني مابسمعوش الا لما ببقي لوحدي ,يعني لو جنبي اي حد ونفس النقره ,مفيش صوت
-الحمد لله توصلت للسبب وهو ان السوست بتحك في القاعده بتاعتها (جراب المساعد)
-الحل كان بسيط جدا وهو اني لبست طرف السوسته المحتك بالمساعد من تحت خرطوم بلاستيك ..ايوه خرطوم ميه من اللي المتر ب1ج ده ,شحمت طرف السوسته وسخنت الخرطوم ودخلته شحط
-النتيجه الصوت راااااااح وبقيت اتنطت علي نفس النقر ادبا ليها
-الحمد لله علي كل شيء انا قولت احكيلكم علشان لو حد عنده نفس المشكله يبقي عارف السبب
ودي صور المساعدين بعد تركيب الخرطوم...