الموضوع: كوبلن فيكترا بي

الموضوع بدء اني كنت في شغل في الشيخ زايد ولبست مطب وانا سرحان و كنت عارف ان العربية هيحصلها حاجة عدي يومين و بدات الطقطقة مبروووووووووووك عليا الكوبلن اتكل علي الله قولت كويس انا اساسا عايز اغيرو بقالو 4 سنين و قلقان منو ركنتها شوية و بقيت بسافر بالباسات لحد مشوف كوبلن كويس روحت سألت عم احمد - الميكانيكي بتاعي - قالي جيب استيراد ارخص و احسن من الصيني ميت مرة ولاني بكرة المستعمل جدااا نزلت ادور علي الجديد ملقتش غير صيني و باسعار عجيبة 200 جنية و 150 لدرجة في واحد صاحبي من بورسعيد قالي ابعتلك بكرة 4 ب 200 كلهم وانا برضو بدور علي الجديد لحد مفتكرت محل اسمو المصرية في ميدان لبنان كنت بتعامل معاه اي نعم غالي حبة بس نضيف وسمعتو كويسة روحت و قعدت ارغي معاه المهم لقيت كوبلن ايطالي عندو عامل 150 جنية قولت زي الفل دفعتلو 50 جنية وقولتلو انا جاي بعد بكرة وفعلا روحت لقيتو بيقولي ده بقي 180 عشان اليورو سعرو زاد المهم اديتو 10 جنية اداني الاثتنين ب 300 جنية -شعب عجيب - ركبتهم في حوالي ساعة ونص بالكثير و كمان جبت زر بتاع التكيف اللي علية رسمة العربية ب 30 جنية من عند سوسو اللي في المريوطية فيصل لانو جنب بيتي مع ان الزر في منصور ب 160 و برة جديد ب 120 جنية - مش بقول شعب عجيب - الخلاصة الاوبل تروقها عفشة و موتور تلاقي وحش علي الطريق
معلش طولت عليكو

الله يبارك فيك يا طنطاي :)