سولا ولا لانسر شارك

**MIVEC.A92** · 28-02-2012 11:12 PM

^^ هي ايه اللي حضرتك بتكلم عليها و معرض ميتسوبيشي اللي فين ؟

**ser3a** · 29-02-2012 12:05 AM

الامارات
و الشارك اللي بتكلم عليها

**MIVEC.A92** · 29-02-2012 12:18 AM

هو حضرتك هتجبها من الأمارات ولا من مصر ؟

دايموند موتورز الوكيل بتاع ميتسوبيشي في مصر هو هو الوكيل بتاع ميتسوبيشي في الكويت فهتلاقي المواصفات بتاعت اللي في الكويت قريبة من هنا و في مصر بتنزل 1600 سي سي مش 2000 .

**ser3a** · 29-02-2012 12:22 AM

1500 لحد دلوقتي
انا هنزلها مصر ان شاء الله بس مش دلوقتي
ايه رايك بقي في الحيره
هههه

**MIVEC.A92** · 29-02-2012 12:49 AM

ال 1600 موجودة عند دايموند موتورز اللي علي طريق مصر أسكندرية الصحراوي بس و متسمعش كلام اي حد تاني لأن حتي الموزعين المعتمدين ليه مش فاهمين اي حاجة, انا في الأول رحت للمصرية للسيارات اللي في كلية البنات و كان دايموند موتورز اللي قايلي عليه موزع معتمد ليه, قالي العربية ال 1600 مش نازلة دلوقتي خااااااااااالص و ان ال 2011 و ال 2012 منزلوووش أبيض خالص و مفيش منهم لون أبيض و كنت هخلص في واحدة 2011 و 1500سي سي بس بالصدفة كلمت دايموند موتورز الفرع الرئيسي اللي علي طريق مصر اسكندرية الصحراوي و لقيت عندهم ال 1600 و لون أبيض !

**ser3a** · 29-02-2012 01:09 AM

يبقي بقي ممكن استنها هنا 1600 لما تنول لان اول مره متنزلش رقم واحد 1 فممكن علشان كده
و قولي انت رايك في الجين2 لانها بصراحه واكله دماغي

**mohamed1979** · 29-02-2012 09:12 AM

الشارك افصل و خصوصا انها 1600 دلوقتى

**Dawns_Mist** · 29-02-2012 08:00 PM

مبدئيا مدام هتدفع فلوس كتير و زيرو ... يبقى بلاش نتكلم في أي كوري لإن لحد دلوقتي مافيش ولا كوري في مصر ممكن يناهض الشارك أو الفليوانس .. بالتالي إنسى سول ... كيا سول أنا عارفها كويس جدا .. صدقني مافيش فيها أي ميزة غير الشكل الخارجي .. ضيقة من جوه و أدائها سيء حتى كمالياتها ماتستاهلش .. نصيحة بلاش منها خالص و خلينا نتكلم في المفيد بقى ...

الجين تو مظلومه جدا جدا في المنافسه دي .. لاحظ إنك بتتكلم في أكتر من 70 % زيادة في السعر
الجين تو لو هتقارنها بأي كوري أو صيني .. ولو هتقارنها بأي عربية أقل من 100 ألف هقولك و انا مغمض جين تو .. لكن مش لدرجة الشارك و الفليوانس

الشارك أدائها اعلى ... و يمكن من أحسن العربيات الـلي في فئتها في الأداء .. موتور ممتاز و تسارع ممتاز
الفليوانس راحة أكتر ، و كماليات وهمية في الهاي لاين ، و عزل أحسن
في الثبات ماقدرش أفتيك لإني ماجربتش الفليوانس بنفسي في الثبات لكن أعتقد هيكونوا متقاربين جدا لإن الفليوانس بيم عرضي مع باك عريضة جدا و متنفخه مع جنوط عريضة و مساحات احتكاك بالهوا كبيرة معناها ثبات ممتاز جدا ، و برضه الشارك عفشة مالتي مع مساحات احتكاك رأسية للهوا مناسبة و عرض مناسب و شاسية تقيل جدا بالتالي برضه ممتازة.
قطع الغيار ( و ده اللي الناس مش عارفاه كتير ) الفليوانس أرخص داخل التوكيل .. ادخل على قسم رينو و شوف الأسعار بنفسك .. الفانوس الخلفي للفليوانس بنص ثمن فانوس الشارك في التوكيل ..

في النهاية أنا هتكلم عن نفسي ... أنا لو مكانك و معايا 160 ألف هشتري الهاي لاين فليوانس بدون تفكير
أما لو مش معايا حق الهاي لاين يبقى الشارك ...

بالتوفيق ..

**ser3a** · 29-02-2012 09:17 PM

الفلوانس الهاي لاين غاليه
و انا مش حاببها
و انا كده شكلي هرسي علي الجين2
و اهي الناس كلها بتشكر فيها و لو علي التوكيل
ف انا ان شاء الله هتابعها هنا ف دبي
متيالي كده احسن الاختيارات لانها فل اوبشن
و الشارك الباسيك اصلا اغلي منها
و رقم كبير مع فرق الجمارك
فاعتقد هي في الذيذ