حلول بديلة ضروري

**MNabeih** · 26-01-2012 11:55 PM

أخر الاخبار بقي الحمد لله
الحاوية اللي فيها النص و بقيت الحاجة اللي المفروض جايبها اتسرقت(علي حد كلام التاجر)
بعد ما طلعها امبارح من الجمرك
اتصل بيا النهاردة و بعتلي العربون اللي كنت دافعهوله
ممكن يكون بيحور عشان يزود السعر بتاع الحاجة لأنه قاللي تابعني عشان اللي سرقوا الحاوية اتصلوا بيه و عاوزين 150 الف و يرجعوله الحاجة فلو رجع الحاجة طبعا هايزود السعر

دلوقتي بقي انا اتخنقت لاني بقالي 5 شهور مستني النص!!!!!!
يا ريت اللي عنده حلول بديلة يقوللي عشان انا بفكر جديا اني اركن العربية كدة زي ما هي و اجيب عربية تانية و انجز.
تحياتي.

**ZOoOoMA** · 27-01-2012 01:31 AM

لا حول ولا قوه الا ب الله انا متابع الموضوع بتاعك من زمان و فعلا انت طلع عينك و شكل الراجل كده بيحور انت لو في مقدروك تجيب عربيه تانيه هات عربيه تانيه و بيع ديه ب اي طريقه و ربنا يستر عليك

**تامر.محمد** · 27-01-2012 01:40 AM

واقعيا منظره بيحور طحن
الراجل يا عايز يزود عليك (مش عارف كان الكلام يستاهل ده كله بس لو عشان يزود توقع زيادة سعر جامدة شويتين)
يا اما مافيش اصلا حاوية و مافيش نص

ربنا معاك و الله

انا عندي سؤال قد يكون غبي بس اديني بافكر بصوت عالي
ما فكرتش تسافر بنفسك تشوف حاجة زي دي ؟
متهيأ لي لو نخربت ورا الموضوع كويس هاتقدر تعرف بتتجاب الحاجات دي منين بالظبط في انهي بلد
هاتلبس شحن جامد انا متوقع , بس كده كده الموضوع هايكلف

**Ghamrawy** · 27-01-2012 02:38 AM

لو المكنة عندك سليمة اشترى لينيا عادية و سقط المكنة بالفرامل و خلص الموضوع
كانك اشتريت عربية كورى

و فى حتة الفا سبايدر على كونتاكت
تحفة
لو معايا فلوسها زيادة كنت جبتها

**MNabeih** · 27-01-2012 04:13 AM

المشاركة الأصلية كتبت بواسطة zooooma

لا حول ولا قوه الا ب الله انا متابع الموضوع بتاعك من زمان و فعلا انت طلع عينك و شكل الراجل كده بيحور انت لو في مقدروك تجيب عربيه تانيه هات عربيه تانيه و بيع ديه ب اي طريقه و ربنا يستر عليك

انا الحمد لله ممكن اجيب بس حاجة كدة علي ما تفرج
و بصراحة مش هاين عليا ابيعها اصلها غالية عليا اوي العربية دي

**MNabeih** · 27-01-2012 04:16 AM

المشاركة الأصلية كتبت بواسطة تامر.محمد

واقعيا منظره بيحور طحن
الراجل يا عايز يزود عليك (مش عارف كان الكلام يستاهل ده كله بس لو عشان يزود توقع زيادة سعر جامدة شويتين)
يا اما مافيش اصلا حاوية و مافيش نص

ربنا معاك و الله

انا عندي سؤال قد يكون غبي بس اديني بافكر بصوت عالي
ما فكرتش تسافر بنفسك تشوف حاجة زي دي ؟
متهيأ لي لو نخربت ورا الموضوع كويس هاتقدر تعرف بتتجاب الحاجات دي منين بالظبط في انهي بلد
هاتلبس شحن جامد انا متوقع , بس كده كده الموضوع هايكلف

و الله فكرت و عرفت الاجرائات و العربية دي موجودة في تركيا كتير جدا هي بتتجمع هناك اساسا
بس مش عرف متردد شوية و تكاليف كمان السفر و الشحن هاتبقي ميزانية تانيه خالص

**MNabeih** · 27-01-2012 04:18 AM

المشاركة الأصلية كتبت بواسطة medo.malek

لا حول و لا قوة الا بالله
ربنا يعينك و يصبرك على ابتلائك
انا من رأى تجيب عربية تمشى امورك بيها و العربية دى صلحها واحدة بواحده ان شاء الله على 5 سنين قدام حتى
لكن ما توقفش حالك عشانها

دي الفكرة اللي فعلا مشعلله في دماغي جدا دلوقتي

**MNabeih** · 27-01-2012 04:27 AM

المشاركة الأصلية كتبت بواسطة ghamrawy

لو المكنة عندك سليمة اشترى لينيا عادية و سقط المكنة بالفرامل و خلص الموضوع
كانك اشتريت عربية كورى

و فى حتة الفا سبايدر على كونتاكت
تحفة
لو معايا فلوسها زيادة كنت جبتها

هي فكرة والله حكاية اللينيا العادية بس هاتبقي بكام يا محمد؟؟!!!
الالفا شوفتها يا غمراوي يا نهاااااار علي الفجر بس ب 85 الف جندي مولعه
انا بفكر جديا في الفا 156

**misoalex** · 27-01-2012 07:17 AM

الراجل ده مجابش حاجه وبيثبتك وخلاص

انت منزلتش بور سعيد ؟؟؟؟

بص ده رقم واحد اسمه ايمن 0114040018

هو من بورسعيد وشغال فى قطع الغيار وليه مكان فى القاهره

هو اغلبيه شغله من على النت من موقع مشهور بيعرض فيه اللى عنده ولو حد عاوز حاجه بيجبهاله وفيه ناس كتير اتعاملت معاه وبتشكر فيه

المهم كلمه وقوله يتصرفلك فى النص ده بأى طريقه حتى لو يجيبهولك مخصوص وهو طالما حيلاقيك جاد والموضوع فيه مكسب ليه حيتصرفلك ويجيبهولك

واهو على الاقل تبقى عارف بورسعيد فيها النص ده ولالا لو موجود كان بها طلع مش موجود يبقى تشيل بورسعيد من حسبتك

ويارب تلاقيه

الموضوع: حلول بديلة ضروري

LinkBack

أدوات الموضوع

عرض

حلول بديلة ضروري - انشر الموضوع فى :

-

-

-

-

-

المواضيع المتشابهه

جديد من byd , بديلة ال f3 صور byd g3

شيفروليه سيل - هل تكون بديلة الافيو ؟؟

ايه الاجهزة اللى بديلة للكاسيت

بديلة السابا

i20 بديلة الجتز و i10 بديلة الاتوس و i40 ???

الكلمات الدلالية لهذا الموضوع

المفضلات

المفضلات

ضوابط المشاركة