الموضوع: سؤال عن hondaس cbr 1000rr 2012

اهلا بيك ونورتنا فى عالم البايكس

بالنسبه لسعر الهوندا ال1000 تقريبا عامل فى حدود 98 الف على ما اعتقد

وبالنسبه للتوكيل فا توكيل هوندا موجود فى المنهدسين على سور نادى الترسانه وموجوده عنده البايك دى

وسرعته تقريبا 300كم/س والخوزه ممكن تجيبها من اى معرض ودول كتير ولبس السيفتى كله متوفر فى اماكن كتيره

بس انا ليا رأى انت لسه صغير شوية على مكنه 1000 لو عايز تركب دلوقتى اركب 250 هتعجبك اوى وهتبقى مناسبه لحجم جسمك

ربنا يوفقك

المشاركة الأصلية كتبت بواسطة hifzy

اشكرك اخى عمرو على مرورك الجميل وبجد ربنا يجزيك خير ..بس ايه الاحسن ..هوندا ولا يا ماها ولا كاواساكى ولا هارلى .. ويا ترى لو مثلا هو بيمشى ب 300 كم/ساعه فى العداد الديجيتال ..يا ترى العداد دع بيخرف ولا دى سرعته بجد..وهل ينفع مثلا لما اجيبه امشى اسافر بيه مثلا من لقاهره لاسيوط مثلا ..مع العلم ان الماسفه طويــــــــــــله ..وهل يا ترى بيتغير له زيت كل قد ايه ..وبياخد كام لتر بنزين كل كام كيلو ؟؟ اى ما كعدل استهلاكه للبنزين..ويا ترى ايه الفرق الكبير بين ال250 وال1000 معلش متقل عليكم يا جماعه :c_laugh[1]:

اسف على الاطاااالة ,, بس انا موهوم بالموتوسيكلات

حفيدك في الحاجات الي انا اعرفها

بخصوص السرعه فالعداد لا بخرف ولا شئ العداد حقيقي والسرعه حقيقة 100%

بخصوص السفر ما اعرفش ينفع تسافر فيه ولا لأ لكن ليه لا ممكن تسافر فيه مع شوية وجع في ظهرك
من ركبته ههه ,,تغير الزيت ما اعرفش عنه حاجه بخصوص الريسات .. والفرق بين 250 و1000

هو حجم المتور وقوته وسحبه وعدد احصنته والسرعه وحاجات زي كدة اغلبها متقاربة من ناحية الوظائف بس ال1000مواصفاته اعلا واحدث طبعا . استهلاكه للبنزين كام معرفش :$ ,, لكن التنك يستوعب حوالي 18لتر والله أعلم .

ويفيدوك باقي الاخواان :)

ونصيحتي ابتدي بريس250 اذا مصمم تبدأ بريسات بلاش من ال1000 علي طول لانك مش حتقدر عليه.

انتا سنك صغير علي 1000 زي الراجل دا ما قال واهلا بيك

بص موضوع الزيت ده حسب نوع الزيت

يعنى فى زيت بتمشى بى 1000 كيلو فى زيت بتمشى بى 2000 فى زيت بيمشيك 5000 كيلو

الاحسن فى مصر الهوندا بكل انواعه لتوافر قطع الغير

موضوع السفر ده عادى جدا المكنه مش هتعترض معاك على حاجه بس انت تستحمل

الاستهلاك اعتقد هيبقى عالى شوية لانها مكنه 1000 بس مش حريقة بنزين برضه لانها انجكشن


وبرضه اسمع كلامى لو عايز تركب اوعى تركب حاجه اعلى من 250 لو عايز تدوس اوى فى حوار البايكس ده لازم تبتدى بحاجه صغيره

بس يا باشا هوا انا هارد عليك بره الموضوع شويه أو شويتين بس انت قولت في موضوعك أنك نفسك تدخل طب
نصييييييييحه أخوية والله اوعي تعملها
عشان دي غلطه تندم عليها بقيت عمرك
اشتري بايك 3000 سي سي و ما تدخلش طب
طب في مصر لأأأأأأأأ


للهم ما بلغت اللهم فاشهد

المشاركة الأصلية كتبت بواسطة nooox85

بس يا باشا هوا انا هارد عليك بره الموضوع شويه أو شويتين بس انت قولت في موضوعك أنك نفسك تدخل طب
نصييييييييحه أخوية والله اوعي تعملها
عشان دي غلطه تندم عليها بقيت عمرك
اشتري بايك 3000 سي سي و ما تدخلش طب
طب في مصر لأأأأأأأأ


للهم ما بلغت اللهم فاشهد

أنا بأيد الرأي ده .. عايز تدخل طب .. لو امكانياتك تساعدك ادخل في اي دولة انما مصر لا حراااام .. أنا عملت الغلطة الفظيعة دي وضيعت سنتين عالفاضي .. وغيري ضيع اكتر قبل ما ياخد قرار جريء انه يغير مسار حياته .. أو يفضل متعقد ويكمل .. وممكن تدرس في روسيا او في المانيا .. اسعار دراسة بسيطة وبيعلموك اللغة بالنسبة لروسيا من 1500 ل 2500 دولار سنويا والاقامة في مدينة او عند اسرة من 100 دولار شهريا يزيدوا حسب عوامل كتير .. بالنسبة لالمانيا برضه اسعار الدراسة لا تذكر 500 دولار سنويا على ما اذكر .. بس المشكلة في تكلفة الاقامة تقريبا 600 يورو عالاقل شهريا .. ووالدك يكتب تعهد انه هيحولك مبلغ معين في السفارة بتاعتهم .. متوسط يزيد وينقص حسب نمط حياتك .. ممكن جنوب افريقا متطورين جدا وجامعاتهم اخدة ترتيبات في افضل 100 جامعة عالميا .. غير ان 3 سنين اقامة يحقلك تطلب الباسبور .. يعني جنسية وبلاها جيش وضيف على ده باسبورهم بتقدر تدخل بيه 92 دولة بدون فيزا .. جتنا نيلة على حظنا الهباب .. بس مشكلة جنوب افريقيا في الامن .. دي نصيحة اعتبرها من اخ كبير ليك بدل ما تتغرم اد كدة علشان دروس ووجع دماغ وبعد ما يطلع عينك اقل كلية خاصة هنا اغلى من ده كله

بالنسبة للموتوسيكلات .. الفرق بين ال250 وال1000 .. ال250 وال 400 والكلام ده انا بعتبره تهريج .. لان بتبقى موديلات قديمة والاهتزاز بتاعها عالي .. غير انك هتدوخ اصلاح ووجع دماغ .. واللي بيقولك هوندا قطع غياره متوفرة .. كبر دماغك انت اي قطع غيار محتاجها لاي نوع ممكن تجيبها استيراد .. وهنا في اسكندرية في معرض ريسات استيراد بحالة حلوة اوي .. في 600 وفي 750 وفي 1000 زي منتا عايز .. موديلات جديدة لو جربت القديم وجربته هتحس بفرق فظيع خصوصا في ناحية الاهتزاز وانت راكبه .. وده حاجة سيئة جدا على اعصابك حتى لما تسوق فترة طويلة

لو عايز 250 خدلك كاوازاكي نينجا وده ليه وكيل في مصر ولو جبته من برا بالجمارك وكدة هيعمل في حدود 32 الف جنيه زيرو .. شكل رائع واكيد عامل الاهتزاز معالجينه لان كل سنة اهم حاجة الperformance وكمان راحة الركوب وحالة الحب اللي بيحاولوا يوجدوها بين البايكرز والبايك .. واللي بتخلي الشخص ده يبقى منتمي للشركة دي علطول .. اصل بسمع تهريج هوندا 97 ب18 وال400 بيوصل 22 واحيانا اكتر .. وشكل بصراحة مش بيعجبني نهائي ولمباته شبه عين الدبانة .. حد يركب دبانة بالسعر ده .. يا ساتر

عموما حبيت افيدك .. انت في عمر اخويا الصغير وعلشان كدة نصحتك .. وربنا يوفقك للي فيه الخير ليك ويكرمك ويحققلك كل امنياتك يا رب