عربيتي عليها ستيكر ماسك فيها جامد وشلت منه حرف بالعافية بضوافري. بس صعب هقدر أشيل الاستيكر كله
أنا ندمت اني حطيته وعايز أشيله كله بدون ما يأثر علي البوية أو اللمعة أو يتم خدش العربية ؟
أعمل ايييية ؟ :((
عرض للطباعة
عربيتي عليها ستيكر ماسك فيها جامد وشلت منه حرف بالعافية بضوافري. بس صعب هقدر أشيل الاستيكر كله
أنا ندمت اني حطيته وعايز أشيله كله بدون ما يأثر علي البوية أو اللمعة أو يتم خدش العربية ؟
أعمل ايييية ؟ :((
محلات لصق الاستيكرز بيعرفوا يشيلوه انا رحت لواحد مره فى امبابة شالى القديم بحرفية جدا وركبت واحد جديد هو طلع طرفه وبداء يشيل بحرفيه وكان معاه فوطة مش عارف فيها ايه بيدعك بيها مكان القديم
احسن طريقه المياه الساخنه او الهواء الساخن
شويه بنزين
بنزين
و ادعك جامد
حط عليه wd-40 وسيبه شوية هتلاقيه باش
فكرتني بالاستيكر بتاع 25 يناير على شكل نمر العربيات ... الناس زبلت عربيتها ولزقتوو عليها ، وانا أستغربت وقلت ولاد اللزينه هيطلعو الاستيكر ازاي ، وبالذات أنو بعد كم يوم تطلع عليه الشمس خلاص علم على العربية ... ويخلي العربية شكلها جربانه .
ومش بعيد جمال ولا علاء بعت للصين جاب شحنت أستيكرات وأعلام أيام الثورة وقال يالله نطلع من البلد دي بقرشين قبل ما نمشي ههههههههههههههههههه .
عامةً ... علشان تطلع الاستيكر من على القزاز بتاع العربية ميه سخنه + موس وتقعد تكحت كده براحة .
أما من على الصاج بتاع العربية في حاجه أسمها تينر فرن ... هتلقيه عند الي بيبيع بويات العربيات الاسكينز والكابسي وكده ... قطنه بلها شوية تينر فرن وأمسح بيها هتلقيها طلعت على طول ... وبعد كده هات قطنة مع شوية بوليش وأديها تلميعه خفيفة ... وتحياتي
25 يناير برضو مش كده ههههههههههههههههههههه
ده الشعب كلو عربيتهم باظت بسبب الاستيكر دهو ... بس بجد نفسي أفهم مين أبن اللعيبة الي قدر بسرعة يطبع الكمية دي ويستوردها ويجيب كل الاعلام دي وصور للشهداء ، يعني أيمتى لحق يسافر ويرجع للصين بالسرعة دي ويستورد السلعه دي ويوزعها ويغرق السوق بيها بالشكل ده .
شوف كده الاستيكر ب 5 جنيه أضرب على الاقل في مليون يبقى عندك خمسة مليون جنيه ... وهوتمنو تلاته تعريفه ..
وعندك العلم الواحد ب25 جنيه في مليون ب خمسه وعشرين مليون جنية يامعلم ... ده انا لومكانو خلاص أعتزل وأطلع معا مبكر وأروح أقعد في شالية في مرينا مدى الحياة .
ده غير أستيكرات مصر أولاً ... وغير الشمسات بتاعت العربيات الي عليها علم مصر أرفع راسك أنتا مصري والدليات الي في المرايات .
طب بالزمة مش لو الفلوس دي اتجمعت كانو بنو بيها عشر مصانع أستيكر وكنا شغلنا الشباب كلها فيها هههههههههه
طيب أنا هجرب أشيلها بالبنزين لاني حاسس ان ده أنسب حل ومش هيأثرعلي اللمعة أو البوية :)
ادعولي :)) حاسس اني في مهمة صعبة :d