الحمد لله ربنا وفقني واشتريت فليشيا 97 نضيفة
السلام عليكم ورحمة الله وبركاته
سبحان الله وبحمد ،سبحان الله العظيم
سبحان الذي سخر لنا هذا وما كنا له مقرنين وإن إلى ربنا لمنقلبون
انا الحمد لله ربنا وفقني واشتريت فليشيا 97 سليمة الحمد لله من يومين العربية سنتر وكاست وسماعات بيونير فبريكة جوه بالكامل رشه نضافة من الخارج اللون كحلي عملة 11000 كيلو فرش الفبريقة بالكامل حتى التبلوه 4 كوتش جديد بصارية جدية انا شريها بـ 32500 جنيه هل السعر ده كده كويس على العموم الحمد لله. المهم اخوكم ديه اول مرة اشتيري فيها عربية خالص وحتي انا لسه بتعلم السواقة ربنا ييسرلي الحال المهم انا عارف ان عيوب العربية انها ناشفة شوية بس ده مش هيفرق معايا علشان ديه اول مرة اركب عربية فا مش هلحظها والعيب التاني انها بتسخن وده عالجة اننا نباشرها بالمية على طول بس انا ملاحظ ان العربية حرارتها بتثبت عند 80 أو 90 والقربة ملاينه على اخرها كده فيه مشكلة ولا حاجه.
انا مستني نصيحكو ليه وجزاكم الله كل خير
صحيح فيه مشكلة اني اشتري جنوط مستعملة ولو عايز منين وبكام النضيف مقاس 14
الف مبروك .....وبارك الله فيها
الف مبروك...... ان شاء ربنا يعطيك خيرها ويكفيك شرها
علي فكره انا زيك بالظبط دي اول عربيه اشتريها واشتريتها بنفس السعر ونفس الموديل اللون اخضر وانا لله الحمد والمنه مبسوط منها جدا اللهم لك الحمد والله اسال يكفيني واياك شر الطريق وتحت امرك في اي معلومات في حدود معرفتي علي اساس اننا عندنا نفس العربيه والموصفات:victory::victory::victory: