خدو بالكو من عيالكو-معاصرة لواقعة خطف طفل

**Karim_Monir** · 28-01-2012 02:57 AM

السلام عليكم ورحمه الله
زي ما باين من العنوان ظاهرة خطف الاطفال وطلب فديه ما زالت مستمرة بقوة
ومن خلال معاصرتي لواقعة خطف طفل
الاخ الاصغر لخطيبة اخي محمد
وهو طفل على 5 بنات فطبعا واخد دلع شويتين
ووالده احد المحامين ورجال الاعمال الكبار
ورغم انهم من سكان مدينة نصر
الا ان والده كان بياخده معاه لمكتبة في الزاوية الحمرا عشان الواد يتدردح
الطفل ده عنده 5 سنوات
واللي خطفو من اقرب اقرباء رجل الاعمال
واللي لسه مكسب الخاطف 40 الف جنيه في النتخبات الماضيه فقط
وحما اخي هذا من الناس العصامية فعلا ورجل تقي وبيحج سنويا وخير جدا ومحترم جدا
وكلمته مسموعة في المنطقة
ويكفي انكم تعرفو ان هو اللي فصل في خناقة الزاوية الحمراء اللي فاتت بين سواقين الميكروباصات من شهرين
اللي الحكومة خافت تنزل المنطقة يومها من كمية الدم والسلاح
ودفع الفدية لغاية مالواد رجع في تفاصيل درامية فعلا
والخاطف كان معاهم ليل نهار قاعد بينهم ويواسي الاب والام
وحاليا تم القبض على 4 وفاضل 2
وهو اللي جابهم للمباحث
بس طبعا لازم يتكتب اسماء البشوات في الجرنال عشان الترقية
ماتسيبوش عيالكم تنزل لوحدها
بقولها تاني
اللي اتخطف ابوه بيتعمله الف حساب في المنطقة مش شخص مسالم زينا
فتخيلو جبروت الخاطفين
ربنا يكفيكو شر الكلاب المسعورة دي

من جرنال الاخبار النهاردة

**A7MED_PHARMA** · 28-01-2012 03:20 AM

لاحول ولاقوة الا بالله
وشعبان كان بيقولي دولة القانون .. سبع الليل بتاعتي هيجيلها وقت ونحتاجها

ربنا يعدي الايام دي على خير
والبهوات البشوات يتقوا الله .. ويحللوا الفلوس إلي بيقبضوها والعربيات التيجو الزيرو الي ركبوها

**misoalex** · 28-01-2012 04:43 AM

ربنا يستر على اولادنا واهلنا

عشان البلد دى بقت صعب العيشه فيها فعلا

وعمر الشرطه ما حتتغير حتفضل اغلبها جبانه مش بتستقوى غير على الغلبان او اللى عارفه ديته

**walidzakzok** · 28-01-2012 08:46 AM

الزاوية الحمرا دي من الحتت اللبش

**MNabeih** · 28-01-2012 10:23 AM

يا رب استرها معانا جميعا

**BUNSH** · 28-01-2012 12:14 PM

جزاك الله كل خير ,, وربنا يسترها ويعدى الايام دى على خير ان شاء الله .

**Karim_Monir** · 29-01-2012 01:34 PM

المشاركة الأصلية كتبت بواسطة rompo10

ربنا يسترها علينا يارب وعلي اخواتنا وعلي اولا دنا (بس الصحافه دي هبله اوي بيقولوا طلبوا 500000 ودفع 200000 مش يركزوا) واخيرا حمدا لله علي سلامته يا استاذ كريم

هما طلبو نص مليون فعلا
واستقروا على 200 الف
ومش قادر اقولكم الشخص اللي تزعم الموضوع قريب منهم قد ايه
الفلوس سعرت الناس

-

الموضوع: خدو بالكو من عيالكو-معاصرة لواقعة خطف طفل

LinkBack

أدوات الموضوع

عرض

خدو بالكو من عيالكو-معاصرة لواقعة خطف طفل - انشر الموضوع فى :

-

-

-

-

-

-

المواضيع المتشابهه

خدو بالكو من الموضوع ده

خلو بالكو يا رجالة

امثال مصرية معاصرة

خلي بالكو من عيالكو واخواتكو الصغيرين والكبار

الكلمات الدلالية لهذا الموضوع

المفضلات

المفضلات

ضوابط المشاركة