حد جرب أو عنده gm كينوود 720 4 شانل على صب بايونير 1400 ؟

**Omar_H** · 28-01-2012 03:55 PM

السلام عليكم يا رجالة ...معلش أنا عارف إني مكفر الناس معايا في الموضوع التاني

بس قلت أعمل موضوع جديد أسأل بس فيه لو حد جرب أو عنده gm كينوود 720 4 شانل على صب بايونير 1400 يقولي الأداء عامل إزاي ؟

عشان أنا هوصل عليه سمعتين 400 بايونير و دول هيقومهم كويس إن شاء الله بس عايز أعرف بقى هيعمل إيه مع الصب ... أنا عارف إنه مش هيقومه بأقصى قدرته بس يعني اللي مجرب أو عنده يقولي الأداء مع الصب وحش قوي يعني ولا كويس ؟

و محدش يقولي تاني هات سيفوني عشان ماشي أنا عارف إن السفوني هيبقى اجمد مع الصب بس أنا عايز gm محترم عشان عايز صوت نقي من السماعات مش كل همي أي هبد و رزع و خلاص

و كنت عايز أعرف هو ال كينوود ال 720 اللي موجود دلوقتي ده
http://images.kenwood.eu/files/image...AC-7404_KE.jpg
ولا ده
Kenwood Electronics UK Ltd. | Amplifiers > KAC-7405

و موجود عند ارخصهم في التوفيقية ولا عند من ؟

و لو فيه gm كينوود أكتر من ال 720 ده حد يقولي كام وات وبيتباع فين فين و بكام ؟ أنا على حد معلوماتي ال 720 ب 750 تقريبا

و شكرا جزيلا

**ahmedaglan** · 28-01-2012 05:03 PM

الجى ام كويس وممتاز واتوكل علي الله وهاتو واعرف ان هو قليل ف السوق وهتلاقية بمشيئة الله عند السجان الي ف شارع دمشق او عند التوكيل بتاع كينوود الي ميدان سانت فاطيمة وتمنة 750ج
وبالتوفيق

**ahmedaglan** · 28-01-2012 05:06 PM

http://www.nilemotors.net/Nile/267724-720.html

**Omar_H** · 28-01-2012 08:31 PM

ألف شكر يا باشا هو عندك يعني و مجربه مع البايونير ال 1400 ؟
و ألف شكر عاللينك بس أنا بافضل اجيب جديد

**Omar_H** · 28-01-2012 08:34 PM

و هو يا رجالة مفيش gm بايونير يكون 800 وات ولا حاجة كده ... أصل أنا نفسي يكون العدة كلها عندي بايونير

**usama_esam** · 28-01-2012 10:04 PM

الخلاصة في موضوعك انا جايب العدة كلها بايونير الامبليفير بايونير 760 وات واقوي من الكينود وللاسف مش مشغل الصب 1400 كويس لكن مع السماعات تمام الصب شغال باقل من نصف كفائتة عشان يشتغل صح ومتقعشي في غلطتي محتاج امبليفير لوحدة لو لاقيت كينود 600 تمام وياريت تقوللي لاني قلبت الدنيا علية هوة وبايونير فئة d تقريبا 820 وات لو يأست هات السيمفوني 600 للصب