المرور ف اسكندرية احترم نفسه بعد الثورة. أنا نزلت يوم 7:30 الصبح دخلت بيتي الساعة 3 مساءا معايا الرخصة باسمي. وبصراحة مرور طوسون بيخلص بسرعة.. بس شوف الأول الاجراءات اللي حاتعملها بالظبط ف طوسون والباقي تكمله ف المرور اللي حاتنقله ان شاء الله
عرض للطباعة
مطابقة البصمة هتروح المرور اللى انت هترخص فيه هيكتبلك على ورق الفحص من الخلف جواب موجه للمرور اللى العربيية اصلا تبعه بتروح تعمله لو العربية ملفها موجود هتاخد الورقة ديه بس(بدون السيارة) لو اتحرق هتعمل مطابقة بصمة بالعربية نفسها وبعدين ترجع تكمل بقية الاجراءات فى المرور بتاعك
طبعا شهاده البيانات مطلوبه اذا كانت الرخصه منتهيه فقط ولكن مطلوب شهاده مخلفات فقط من اسكندريه وبعدين مطابقه البصمات اظن انها مطلوبه فى السيارات القديمه فقط يبقى تسأل الاول فى مرور عبود اذا كان مطلوب مطابقه بصمات ولا لأ واذا كان فانت بتاخد شهاده الفحص من مرور عبود وبعد الفحص تروح اسكندريه تعمل المطابقه والمخالفات مره واحده يعنى مطلوب منك الذهاب للاسكندريه مره واحده فقط ان شاء الله بس تسأل الاول فى مرور عبود وبلتوفيق ان شاء الله
أغلب الملفات في طوسون اتحرقت وفيه منها موجود. كمان سؤال أنا مش عارفه لو صاحب الموضوع نسي يسأله.. هو ينقل مرور الأول وبعدها يبقي يغير ملكية ويجدد براحته؟ ولا تغيير الملكية والنقل ممكن يتم ف خطوة واحدة؟ أنا أعرف (ودا اللي عملته) اني غيرت ملكية و جددت ف نفس الوقت بس المشكلة انه أساسا في محافظة تانية (أعتقد) فا المفروض نقل المرور دا أهم خطوة ولازم يتأكد ان ورقه كامل قبل ما يتحرك من اسكندرية.
كمان هل لازم ينقل ملكية (تبقي العربية باسمه ع الرخصة) قبل ما ينقل المرور ولا ممكن تتم بعقد مسجل؟
مانت لازم تعرف راسك من رجليك..
ماتجيش بعد ما ترجع من اسكندرية يقولك لأ مش حاستلم غير من اللي الرخصة باسمه. أو لأ كان المفروض تطابق هناك أو تفحص هناك. أنا بافكر لو مافيش فرق تعمل فحص ومطابقة احتياطي ف اسكندرية احتاجوهم بها ونعمة هم وانزاح ماحتاجوهمش يبقي انت ف السليم.
بالمرة طلع معاك شهادة بيانات حاتفيد برضه..
مش عارف.. أنا دخت معاك :hlopaet_prv:
لأ مش مشكلة...مش عايزك تقلق انا عندى كام مشوار عايز اقضيهم فى اسكندرية فممكن اطلع معاك اسليك فى الطريق :hlopaet_prv:
بص انت مش هاتمشى ورا كلام بتوع المرور و لا حاجة ...اعتقد اقصى حاجة هتحتاج تعملها هى انك تروح مرتين ...
مرة للمخالفات و البيانات ....و يمكن مرة تانية للبصمة
هو اللى اكيد لازم تعمله مبدأياً هو شهادة المخالفات ...و ديه لو حد من الاعضاء الاسكندرانية الافاضل يفيدك فى خطواتها بالظبط...و المكان اللى هتروحه عشان مش شرط تكون فى نفس مكان المرور..
ده طبعاً بالنسبة لمرور المنتزه اللى انت تبعه...كده هتبقى وفرت ع نفسك اللف و السؤال بنسبة كبيرة
تانى حاجة بقى موضوع شهادة البيانات ....انا مش عارف اذا كنت هترخص قبل ما الرخصة تنتهى و لا مش هتلحق....عشان تقدر تحدد اذا كنت هحتاجها و لا لأ
بس شكلك كده هترخص بعد الرخصة ما تنتهى فهتضطر تجيبها من هناك
تالت حاجة و هى موضوع البصمة....انا بصراحة ما عنديش خلفية عنه بس اللى اعرفه انه لازم يطلع طلب بيه من المرور اللى انت بترخص فيه
ما ينفعش تقولهم انك عايز مطابقة بصمة من نفسك ..بس زى ما بقولك انا ما عنديش دراية كبيرة بالموضوع
فلو تعرف تستفسر من حد فى المرور او حد عنده خبرة.....و تعرف اذا كنت تقدر تعملها مع نفسك قبل ما تروح مرور عبود يبقى تضرب التلاتة فى يوم واحد و تريح نفسك
بس طبعاً لما تسأل تبقى تاخد الاجابة من حد عنده دراية بالموضوع بشكل عملى مش نظرى
يعنى فيه حاجات نظرياً و طبقاً للقواعد و القوانين ما بتمشيش...بس ع ارض الواقع ليها سكة
و مش قصدى برده الفلوس و الوسايط عشان ما تفهمنيش صح ...انا اقصد الاجراءات و طريقة
التعامل معاها او التحايل ع قرفها و انك تبقى عارف ايه اللى ما ينفعش يتعمل فعلاً و ايه اللى
بيستهبلوا فيه... و واهمين الناس انه ما نفعش
عشان كده بقولك اسأل حد فاهم كويس
و ربنا يعينك ع قضاك....يعنى كان ماله الخلاط....ما كنت تسيبه يا راجل بدل وجع القلب ده!!!