أستشارة سريعة بخصوص نقل ملكية وترخيص

**Eng.Geo** · 29-01-2012 12:37 AM

المشاركة الأصلية كتبت بواسطة crayvor

أغلب الملفات في طوسون اتحرقت وفيه منها موجود. كمان سؤال أنا مش عارفه لو صاحب الموضوع نسي يسأله.. هو ينقل مرور الأول وبعدها يبقي يغير ملكية ويجدد براحته؟ ولا تغيير الملكية والنقل ممكن يتم ف خطوة واحدة؟ أنا أعرف (ودا اللي عملته) اني غيرت ملكية و جددت ف نفس الوقت بس المشكلة انه أساسا في محافظة تانية (أعتقد) فا المفروض نقل المرور دا أهم خطوة ولازم يتأكد ان ورقه كامل قبل ما يتحرك من اسكندرية.
كمان هل لازم ينقل ملكية (تبقي العربية باسمه ع الرخصة) قبل ما ينقل المرور ولا ممكن تتم بعقد مسجل؟

انا كدة أتسوحت

**crayvor** · 29-01-2012 12:41 AM

المشاركة الأصلية كتبت بواسطة Eng.Geo

انا كدة أتسوحت

مانت لازم تعرف راسك من رجليك..
ماتجيش بعد ما ترجع من اسكندرية يقولك لأ مش حاستلم غير من اللي الرخصة باسمه. أو لأ كان المفروض تطابق هناك أو تفحص هناك. أنا بافكر لو مافيش فرق تعمل فحص ومطابقة احتياطي ف اسكندرية احتاجوهم بها ونعمة هم وانزاح ماحتاجوهمش يبقي انت ف السليم.
بالمرة طلع معاك شهادة بيانات حاتفيد برضه..

مش عارف.. أنا دخت معاك

**Eng.Geo** · 29-01-2012 12:46 AM

المشاركة الأصلية كتبت بواسطة crayvor

مانت لازم تعرف راسك من رجليك..
ماتجيش بعد ما ترجع من اسكندرية يقولك لأ مش حاستلم غير من اللي الرخصة باسمه. أو لأ كان المفروض تطابق هناك أو تفحص هناك. أنا بافكر لو مافيش فرق تعمل فحص ومطابقة احتياطي ف اسكندرية احتاجوهم بها ونعمة هم وانزاح ماحتاجوهمش يبقي انت ف السليم.
بالمرة طلع معاك شهادة بيانات حاتفيد برضه..

مش عارف.. أنا دخت معاك

انا تعبتك معايا جامد
انا أركب دقن :)

**agwaa** · 29-01-2012 11:34 AM

المشاركة الأصلية كتبت بواسطة eng.geo

انا تعبتك معايا جامد
انا أركب دقن :)

وبعد ما تركب دقن تروح لأبوها ( العربية طبعاً ... أيوة ماتفهمنيش غلط )
أولاً :
مبروك يا هندسة العربية الجديدة ( هو إنت غيرت الأفيو ؟ طب غيرت الأفيو بإيه ؟! )
ياللا... ربنا يملاها لك بركة .. ويرزقك خيرها .. ويكفيك شرها
ثانياً :
معلومة إن المرور لم نفسه بعد الثورة دي موش صحيحة لأن الكلام دة كان في حموتها( يعني في الأيام إللي كانت بعد الثورة مباشرة فقط ) دلوقتي رجعت ريمة لعادتها القديمة .....
أنا حبيت أحذرك علشان ماتتعشمش قوي ...
بس الملاحظ إن الوزير الجديد ( اللواء / محمد إبراهيم ) راجل محترم وشايف شغله كويس فيمكن يكونوا الموظفين محترمين بالتبعية ....!!!
ثالتاً :
أنا سعيد جداً بمساعدة إخواتنا الزملاء..

**Eng.Geo** · 01-02-2012 04:26 PM

المشاركة الأصلية كتبت بواسطة agwaa

وبعد ما تركب دقن تروح لأبوها ( العربية طبعاً ... أيوة ماتفهمنيش غلط )
ههههههههههههه
أولاً :
مبروك يا هندسة العربية الجديدة ( هو إنت غيرت الأفيو ؟ طب غيرت الأفيو بإيه ؟! )
ياللا... ربنا يملاها لك بركة .. ويرزقك خيرها .. ويكفيك شرها
الله يبارك فيك :)
انا مكانش معايا أفيو ... كان معايا أوبترا
جبت نوبيرا 1
ثانياً :
معلومة إن المرور لم نفسه بعد الثورة دي موش صحيحة لأن الكلام دة كان في حموتها( يعني في الأيام إللي كانت بعد الثورة مباشرة فقط ) دلوقتي رجعت ريمة لعادتها القديمة .....
أنا حبيت أحذرك علشان ماتتعشمش قوي ...
بس الملاحظ إن الوزير الجديد ( اللواء / محمد إبراهيم ) راجل محترم وشايف شغله كويس فيمكن يكونوا الموظفين محترمين بالتبعية ....!!!
ثالتاً :
أنا سعيد جداً بمساعدة إخواتنا الزملاء..

وانا كمان سعيد جدا :)