الموضوع: إحم إحم .. سرعتي المتواضعة بالفلوينس " لا عزاء للحاقدين"

الف مبروك يا باشا

و العربية فعلا ماتورها كويس بس محتاج اللى يتجاوب معاه مش يضغط بنزين و خلاص ، لا محتاج شوية تفاعل معاه .. انا جربتها على طريق شرم الشيخ بس معرفتش اعدى الـ 185 بيها بس الطريق مكانش مساعد بصراحة الطريق مش مزدوج و الناس ماشية بلامبالاة خالص فجأة تلاقى مقطورة جاية فى وشك .. نفسى اجربها فى طريق العين السخنة كده مرة لوحدى فى الخباثة .. الميجان جابت معايا حوالى 215 و كانت ممكن تجيب اكثر بس كان على طريق السخنة وقت بعد الثورة على طول و مكانش فيه حد غيرى انا و صاحبى تقريبا على الطريق .. بس فعلا الفلوينس من العربيات المحترمة جدا و القعدة فيها و مسكة الدريكسيون تحسسك انها فئة اعلى من المنافسين

المشاركة الأصلية كتبت بواسطة lanos2004

انا بمشى بلانوس فوق 200 ومن غير مراجيح ولا حاجه جنوط 14 فقط لا اكثر ولا اقل وبعدين الفخامه لو معاها قوة يبقه شىء محصلش

يا باشا الثبات نسبى يختلف من شخص لشخص ، و مستحيل ان اللانوس هيبقى ثباتها زى الفلوينس و دا مش لعيب فى اللانوس بس لاختلاف الفئات ، طبيعى اللى اتصرف على ديه فى التصميم و التصنيع مش زى ديه و ربنا يبارك لحضرتك فى العربية .. و فعلا الفخامة لو معاها قوة يبقى شىء ممتاز بس اللى قادر انه يدفع بقى