الموضوع: ارجو النصيحة من خبراء الفيات و خاصة البونتو كلاسيك

اين الخبراء راحت عليهم نومة و الا انا جيت بدري؟ههههههههههههههه

المشاركة الأصلية كتبت بواسطة Moe86

ممكن تشتريهم مستعملين "إستيراد" من الحرفيين أو وكالة البلح, تمنهم الاتنين كاملين حوالى 800 جنيه بعد الفصال
يفضل تكلم النمر فى الموضوع دة الأول علشان تسأل لو موجودة
http://www.nilemotors.net/Nile/264370-a.html

اولا احب ان اتوجه بالشكر للاخ / Moe86 علي نصيحته الغالية و التي افادتني جدا
اليوم خلصت شغل بدري قلت ابص علي موضوع الحرفيين ده للفوجات لاني بصراحة مذهول من المبلغ اللي قالوا عليه بالتوكيل 2250 جنيه خامات فوجات و فيبرتين و المفتاح غير تقريبا من 150 الي 200 مصنعية يعني دخلنا تقريبا في الفين و نص و ده مبلغ ارهابي بهذا الزمن و لفيت لفة علي بتوع الاستيراد مالقيت فوجات غير عند واحد فقط و حالتهم يرثى لها و يقول اخرهم 900 و قافش علي كده و الفيبرة بتاعة واحد منهم مشروخة و العدسات مجرحة شوية
ربنا وقتها رزقني بواحد ابن حلال قال لي ماتشوف جديد افضل و وصف لي واحد اسمه الصعيدي و الحمد لله وجدت الفوجات ماركة ديبو و الفيبر الاصلي الايطالي سالته بكام قال ب 650 الطقم كله يمين و شمال بالفيبر الاصلي قلت له و المفتاح قال لي تشوفه استعمال موش هاتلاقيه جديد الا في التوكيل المهم لاقيته عند واحد و قفش في 250 الا جنيه لا جيت افاصل خده من ايدي و رماه عالرف قلت لنفسي لو ببلاش من وشه موش هااخده و شوية ولاقيته عند محل اسمه الابيض بدأ كلام ب 250 بس وشه سمح و فاصلت و اخدته ب 200 عالتجربة و رجعت اخدت الفوجات بالفيبر بتاعها الاصلي جديد و لمبتين خلصتهم ب 570 و ان شاء الله بكرة هااركب و اظن التركيب يكون سهل ان شاء الله لاني من التوكيل عرفت ان الضفيرة جاهزة يعني تركيب فوانيس و تشبيط فيش بس و هنا ياتي سؤال انا جيبت لمبات 100 وات و لما رجعت البيت لاقيت ان الكاتالوج فيه ان اللمبات لابد ان تكون 55 وات فهل هناك مشكلة بذلك؟؟؟؟
و ان شاء الله يستم تصوير المراحل كلها بكرة و افيدكم بالنتيجة لعل احد الاخوان يستفيد من التجربة

المشاركة الأصلية كتبت بواسطة moe86

عفوا, دى أقل حاجة من "فيتاوى" سابق و مبروك مقدما
ممكن تقول مين الغلس اللى خد المفتاح و رماه ده ؟
الأبيض إتعاملت معاه قبل كدة , ذوق فعلا
بالنسبة لللمبة, كويس إنك سألت لأن لو حضرتك ركبت ال100 وات البلاستيك الشفاف هيسيح, و كمان ممكن يبقى تأثيرها سلبى على كمبيوتر العربية ecu و أسف إنى إتأخرت فى الرد

ممكن تشرح لي و يعني ايه ecu و اكرر لك شكري هو بيتهيأ لي الاسكندراني اللي قفش و كانه بيقول قران كريم لا يناقش

المشاركة الأصلية كتبت بواسطة kenesh

ممكن تشرح لي و يعني ايه ecu و اكرر لك شكري هو بيتهيأ لي الاسكندراني اللي قفش و كانه بيقول قران كريم لا يناقش

الكنترول بتاع العربية

ecu كمبيوتر العربية .... طب معلش انا عندي استفسار هو حضرتك غيرت الاكصدام الامامي ولا في مكان اصلا للفوجات في الاكصدام الاصلي ...