ازاى الصق الباكتات

**samirsaid1** · 29-01-2012 05:57 PM

انا الحمد لله اشتريت البكتات اللى بتتلزق على الإكصدامات بس اللزق بتاعها ضعيف
وكنت عاوز اعرف اقويها ازاى هو الراجل ادانى بكرة لزق دبل فيس زيادة

بس ياترى لو زودت نوع لصق تانى اية اللى ينفع بحيث انه ما يأثرش على الدهان وخصوصا انى عاوز اركب على الأبواب كمان

فية ناس قالت الكله الحمرا على اساس انها بتتشال تانى لما بتتفرق بالإيد
ولا سيليكون زى بتاع الزجاج
ولا رأيكو إيه

وشكرا

**Ayman-Ahmed** · 30-01-2012 08:57 AM

ولا كلة ولا اى حاجة من ديه خالص.

-اهم حاجة هل نوع الدبل فيس 3m ولا نوع تانى.لو مش 3m يبقى تنزل تجيب بكرة من التوفيقية من عند محمد ابراهيم السمك التخين

-تقطعها على قد الباكيتة عرض وطول وتشيل الدبل فيس القديم خالص وتمسح مكانه كويس .

-تروح الصيدلية وتجيب ازازة كحول ايثيلى ومنديل او قطنة وتمسح الاكصدام او مكان ما هتلزق الباكيتات بالكحول وتلزق الباكيتة واضغط عليها كويس ومتجبش عليها مياه لمدة ساعتين مثلا وارجع اضغط تانى على الباكيتات وانسى انها تفك تانى.

**koshary** · 30-01-2012 02:27 PM

المشاركة الأصلية كتبت بواسطة ayman-ahmed

ولا كلة ولا اى حاجة من ديه خالص.

-اهم حاجة هل نوع الدبل فيس 3m ولا نوع تانى.لو مش 3m يبقى تنزل تجيب بكرة من التوفيقية من عند محمد ابراهيم السمك التخين

-تقطعها على قد الباكيتة عرض وطول وتشيل الدبل فيس القديم خالص وتمسح مكانه كويس .

-تروح الصيدلية وتجيب ازازة كحول ايثيلى ومنديل او قطنة وتمسح الاكصدام او مكان ما هتلزق الباكيتات بالكحول وتلزق الباكيتة واضغط عليها كويس ومتجبش عليها مياه لمدة ساعتين مثلا وارجع اضغط تانى على الباكيتات وانسى انها تفك تانى.

+11111111