شويه اسئله عن لانوس 2012

**fghahkj** · 29-01-2012 07:48 PM

بعد اذنكم شويه اسئله عن لانوس 2012

اولا لانوس دلوقتى 3 فئات الاولى الهاف تكيف وباور والثانيه بتزيد زجاج كهربا وسنتر والثالثه بتزيد تغير القماش الداخلى لاابواب والسقف وفاميه للزجاج الخلفى وتغير الكاسيت هل كل الكلام ده صحيح ولا فى حاجه غلط .

تانيا هوالكاسيت نوعه ايه وفى usb ولا لاء والزجاج الفاميه ايه نظامه فى الرخصه .

ثالثا انا ركبت الانوس كتير وسافرت بيها 3 مرات شرم الشيخ وكنت بمشى من طور سينا الى شرم على 180 كم والثبات بتعها مرضى جدا لكن الى بقراه على المنتديات بحس من كتر شكاوا الاعضاء انها عربيه كارو بالرغم فى اثنين صحابى معاهم شيفروليه لانوس بقالها اكتر من 20 شهر ولا شكوا منها ابد

اخيرا انا اعرف واحد بقالو 4 سنين بيحط بنزين 80 ومشتكاش منو خالص
انا اسف على الاطاله.............

**mailo** · 29-01-2012 08:18 PM

أنا معرفش إن فيه منها 3 فئات أنا ككنت فاكرها 2 بس زي ال دايو

أكيد هيتكتب في الرخصة إن فيه زجاج ملون فالعربية بدام خارجة من المصنع كده

وأنا سافرت بيها مصر كلها ولعربية ماشتكتش خالص وزي الفل وثابتة على 180 كويس وحلوة في الملفات الطرق السريعة

بص لو إنت مقتنع بالعربية هاتها وسيبك من الكلام بتاع أي حد عشان كل واحد بيتكلم عن وجهة نظره أو على كلمة سمعها من حد تاني وكده كده إنت اللي هتسوق مش هتجيب حد تاني يسوقهالك

**biomedo** · 29-01-2012 09:15 PM

المشاركة الأصلية كتبت بواسطة mailo

سيبك من الكلام بتاع أي حد عشان كل واحد بيتكلم عن وجهة نظره أو على كلمة سمعها من حد تاني وكده كده إنت اللي هتسوق مش هتجيب حد تاني يسوقهالك

وكمان ناس كتيير شايفه عربياتها هيا احسن حاجه و الباقي زباله و خصوصا لو نفس الفئه او نفس السعر

**engaass** · 29-01-2012 10:52 PM

ال لانوس فئتين فقط

**fghahkj** · 29-01-2012 11:58 PM

المشاركة الأصلية كتبت بواسطة engaass

ال لانوس فئتين فقط

بس انا بشوف لانوس كامله بزجاج حرارى ومن غير اريال يعنى 2012 ولكن من غير فاميه تقدر تقول ده اسمو ايه؟؟؟؟؟؟؟

كمان لودخلت على كونكت كار هتلاقى 3 اسعار

**biomedo** · 30-01-2012 12:40 AM

المشاركة الأصلية كتبت بواسطة fghahkj

بس انا بشوف لانوس كامله بزجاج حرارى ومن غير اريال يعنى 2012 ولكن من غير فاميه تقدر تقول ده اسمو ايه؟؟؟؟؟؟؟

كمان لودخلت على كونكت كار هتلاقى 3 اسعار

سعرين بس

[url=http://nwww.contactcars.com/NewCars_Models.asp?CarMake=21&CarModel=334]ContactCars |

**Abdm** · 30-01-2012 10:26 AM

اللانوس نوعين فقط
النوع الآول هو اللى فى التصنيف الآول بتاعك
النوع الثانى هو اللى فى التصنيف الثانى والثالث بتاعك
الأسعار اللى موجودة على كونتكت كارز دة داخل فيها موديلات 2011 و 2012

والله الموفق والمستعان

**i_samy** · 30-01-2012 09:28 PM

شوف يا عزيزى يجب أولا أن تعلم أنها سيارة ركوب وليست سيارة سباق
يكفى لو هانقارن بقدرة الحصان هاتلاقيها 86 حصان مع العلم إنها 1500 والسيارة بروتون ساجا أقل فى السى سى 1300 ولكنها 94 حصان .... إذا إنت هاتجيب سيارة إقتصادية فى كل حاجة وصيانتها عن البقال .... ولكن من ركوبى ليها من سيارات أصدقائى 2011 و 2010 وبين سيارتى 2006 تبين لى بالفعل أن شيفورليه لانوس مستوى الخلوص بينها وبين الأرض أكبر من الدايو لانوس مما قد وأنا بقول قد يسبب الإحساس بعدم الثبات فى بعض الأحيان ..... ولكن ده ميقللش أبدا منها كسيارة ...... ثانيا فعلا الفيميه يثبت فى الرخصة لإن السيارة نازلة كده من الشركة ..... ثالثا بالنسبة لبنزين 80 يكفى أن تظبط فيشة الأوكتان -- المنتدى هنا فيه موضوع كامل عنه -- حتى يتم الإحتراق الأمثل للبنزين بدون هدر مع ضمان سلامة السيارة