المشاركة الأصلية كتبت بواسطة Manchestrawy
ألسلام عليكم ورحمه الله.. انا بعتذر بشده عن انقطاعي عن القسم وتأخر ردي عليك يا دكتور يوسف
الحمدلله رحت النهارده التوكيل وغيرت المقصات الاماميه وكانت التكلفه 630 *2 للقطع الغيار
و 165 مصنعيه بس مع الخصومات كان المبلغ الاجمالي 1217 جنيه وتم عمل فحص مجاني مره تانيه
جزاه الله خير البشمهندس اسلام في الاتو ايجيبت .. وعلى فكره المقصات القديمه معايا
مش عارف صرفتها ايه .. لو حد عنده فكره يفيدني ..
بعد ما ركبت المقصات رحت وركبت الكوتشين الجداد الي قدام ورحت اضبط زوايا قالي الكوتش الشمال
راجع للخلف درجه ونص وده سببها غالبا الانكماش في فرده الشاسيه
وقالي عشان تعدل الطاره محتاج تصلح علبه الدركسيون في الحرفين وهتكلفك 300 جنيه
وصراحه الفني الي في fit&fix كان شكله فاهم اوي ولا كأنه مهندس
وان شاء الله هنزلكم صورة لنتيجه ضبط الزوايا ..
هوا قالي كدا الزوايا مضبوطه بس العربيه هتحدف شمال شوية واكد عليه تصليح فرده الشاسيه
خلال اسبوع وإلا هيأثر على الكوتشات الجديده ..
ودي اخر الاخبار في انتظار الاستاذ احمد يجي معايا ع الحرفين في الوقت الي يكون هوا متفرغ فيه بأذن الله .. في انتظار مشاركاتكم يا صقور :)