الموضوع: تجربتي مع " أوتوايجيبت " واسعار بعض قطع الغيار الاصليه

السلام عليكم ورحمه الله ..
امبارح الحمدلله رحت توكيل اوتوايجبت الي على طريق اسكنددريه
وفحصت السياره في الفحص المجاني .. والفحص شامل الميكانيكه فقط
ومش شآمل السمكره والبودي الخارجي
اولا المكان بسم الله ماشآء الله قمة في الروعه
الاهتمام بالعملاء راقي جدا .. والمهندس الي رافق عربيتي انسآن خلوق جدا
وصدره رحب ومرح .. بنصح اي واحد ناوي يروح
يسأل على البشمهندس اسلام وده الكرت بتآآآعه

...............

ده نتيجه الفحص وهضع بعض الملااحظآآت تحت كل صورة

ملاحظاتي على نتيجه الفحص
* حاجات تم تصنيفها بأنها شغاله وهيا مش شغاله
1- انوار التكيف مش شغآله ( مش عارف هوا حاطط صح على انوار العدادات فقط ولا الانوار كلها ؟ )
2- الكلاكس عندي صوته غريب وضعيف .. مش صوت كلاكس عادي
3-كاوتش المساحات مقطع .
4- عندي الكشاف الخلفي اليمين مشروخ او بمعنى اصح مكسور
5- السيور تالفه تمآآمآآ

حاجات تم تصنيفها على انها منتهيه مع انها صالحه
1-لسا مغير زيت المحرك (موبيل 1 - 10000 كيلو ) والفرامل والاستيرنج كمان ..ممشتش اكتر من 2000 كيلو
2- مياه التبريد .. انا لسا مشتري من عندهم 5 ليتر مياه خضرا ومزود الريديتر ..
3- مش عارف ايه تعليقهم على الشكماآآآن ؟؟؟؟؟

1- بخصوص البطاريه همممم انا شايف انها ممتازه بس هما ادرى
2-الكاوتش تمام .. انا لسا مركبتش الكوتشات الجديده الي قدام
3- الطنابير الخلفيه سليمه وانا متأكد والااماميه سيئة

1- علبه الدريكسيون محتاج اغيرها وده اكتر حاجه مضايقاني لان حضراتكم عارفين تكلفتها الغاليه جدا
2- الريديتر سليم .. وقلت للبشمهندس اسلام ان الريديتر سليم قالي بس في مسمار من الي بيمسكوه مكسور

ودي بعض الاسعار في التوكيل

............

1- الطنابير ( خلفيه او اماميه ) 473 جنيه *2
2- التيل الامامي بـ 300
3- التيل الخلفي بـ 350
4- علبه الدريكسيون 4508 جنيه + 135 تركيب
5-المقصات 630 *2
6- دهان كامل للسياره 4500 جنيه ( غير شامل السمكره )

الاسعار غير شامله الضريبه وبدون اي خصومات

في انتظآآآر ارائكم ومقترحاتكم

-----------
تم حذف الصور لمخالفة قواعد المنتدى
مشرف القسم
1ب

بص يا باشا ..
واضح ان العربية حالتها فعلا سيئة وما اتغيرش فيها اى حاجة من وقت الزيرو + طريقة استعمال أثرت سلبا على العفشة بالكامل (مقصات - بارات - علبة دركسيون - كاوتشات تراب - مساعدين - ....)
وعشان ما احبطكش ولا احد يضحك عليك .. صعب جدااااااااااا كل الحاجات دى تتصلح بالمبلغ اللى حضرتك ذكرته من قبل (5000ج)
فخلينا نفكر بموضوعية ونرتب افكارنا واولوياتنا
1. اهم حاجة وحضرتك ما جبتش سيرتها هى تأثير الخبطة فى الوش على شاسيه العربية وتكلفة استعدالها فى التوكيل وجدواها

اه معلش مذكرتهاش بس استاذ اسلام ذكرها ..
قالي لازم يتم عمل قيآس للاعوجاج في فرده الشاسيه وعلى اساسها هيتم تغير الفرده ولا لا .. بس مقالش تكلفتها

2. لا جدال على شرائك الطنابير والتيل امامى وخلفى أصلى من التوكيل لأن مهما جبت من برة وباسعار اقل كتير عمرهم الافتراضى وكفائتهم دون المستوى
طيب ممكن اغير الي قدام من التوكيل والخلفي من برا التوكيل ؟
لان والله صعب اغير الاتنين من التوكيل ..

وممكن التفاوض على المقصات وكاوتشات تراب المساعدين (يتجابوا من برة مش مشكلة)

المساعدين شغالين ونتيجه الفحص ليهم ممتآزه بس محتاجين كوتش تراب
وعلى فكره انا مغير المساعدين كلهم من 8 شهور تقريبا
بالنسبه للمقصات مش ممكن اجيبهم ياباني من برا ؟ ولا اجيب تايلاندي وخلاص ؟


3. علبة الدركسيون ممكن تتصلح برة حسب حالتها طبعا زى ما الزملاء قالولك عند اى عفشجى عشان تكلفتها العالية جوة التوكيل
.. الخلاصة: لا تهاون فى اصلاح العفشة والفرامل واستعدال الشاسيه للحفاظ على الكاوتشات الجديدة ولدواعى امنية وسلامة على الطرق ..
4. اجراء صيانة دورية (ممكن تتأجل لفترة ليست بعيدة) وتغيير فلاتر وسيور وبوجيهات (كما وضحتلك من قبل عن محتوى صيانة ال40 الف كم) لأن شكلك غيرت زيت بدون تغيير فلتر وما وضحتش غيرت باقى السوائل ولا كملتها فقط !!!

انا غيرت الزيت والفلتر .. ولكن باقي الزيوت انا زودتها بس مغيرتهاش بالكامل

5. الكشف على التسريبات فى المحرك والفتيس وصلاحية علبة الشكمان (تتعمل برة عند اى ميكانيكى محترم)
6. آخر حاجة ممكن تفكر فيها هو الفوانيس المشروخة والدهان والكبوت والرفرف استيراد ولا سمكرة الكلام ده كله
----------------------------------------------
أنا استغربت الصراحة من ملاحظاتك المتعلقة بالاتى:
1. انوار التكيف مش شغآله .. لأنه بالطبع بيكشف على نور التابلوه والعدادات والفوانيس والاشارات وده اللى كاتبه ويقصده والاهم طبعا من مؤشرات التكييف
2. الكلاكس وصوته الغريب والضعيف .. اكيد فردة العالى فاصلة او محتاجة تغيير
3. كاوتش المساحات مقطع .. يعنى بينى وبينك كده انا لو مكان الفنى اللى بيكشف ع العربية ولقيتها كده هاكتبها مثلا واسيب حاجات تانية كتير أهم !!!

صدقني والله يا استاذ يوسف .. توكيل نيسآن في الامارات ( المسعود للنيسان ) كان بيطلع كل الحاجات دي في الكشف .. لكن ممكن يكون السبب ان الفحص مجآني وعلى العموم حضرتك ادرى


4. البطارية .. هو بيقيس شحنها وبيتعامل بارقام ورينجات مش مسألة لسه شاريها ولا منظرها الخارجى نضيف ولا لأ


وتسلم تعبتك معايا والله