الموضوع: بفكر أعرض عربيتى للبيع حد يقولى سعر مبدئى..

المشاركة الأصلية كتبت بواسطة semsem_uno

ربنا يخليك و يباركلك يا رب :) الواحد لازم يبقى عارف قيمة الحاجة اللي معاه و ميديش فرصة لأى حد انه يظلمها لأن ده للأسف اللي مبوظ الدنيا في الشارع المعارض و الوكلاء بيضحكوا على الناس بشوية اعلانات لعربيات متسواش و يلعبوا في تفكير الناس و يخلوهم بمعنى اخر "حافظين مش فاهمين"
و المفروض اللي بيشترى عربية يبحث عن موديلاتها و تاريخها بحث محترم و يقدرها بعد كده
مش يشترى اي عربية غالية لمجرد انتشارها و خلاص

اؤمن تماما ان الواحد لما يحب يشترى عربيه جديده لازم يجيبها عربيه بنت أصول بالظبط كانه بيدور على زوجه..
الشركات الأوروبيه شركات عريقة ليها أصل وتاريخ و بقاء العربيات اللى أكبر منى فى السن لحد النهارده وتطور المصنعين دول المذهل بيشهد بكده ... فولكس .. أوبل .. مرسيدس بنز .. بى إم دبليو .. فيات .. تكنولوجيا سابقه عصرها ومهما طال الزمن بتكتشف تفاصيل صغيره فى العربيه تلاقى نفسك منبهر بجد
على كل حال انا محتفظ بعربيتى الغاليه لحد ما يجيلها صاحب نصيبها وحتى الوقت ده
هافضل حاسس بالفخر وانا سايقها :)
العربيه الوحيده اللى بجد اتمنيت امتلكها هيا اللانشيا دلتا hpe hf وليس كل ما يتمناه المرء يدركه.