الموضوع: ورجعت من بوسعيد الحمد الله

أولاً :الحمد لله على سلامة الوصول وشكراً على التقرير السريع

ثانياً : سعر المريات تمام بس هل اشتريت الكتاوت الخاص بالمريات ولا المريات + المفتاح فقط! عشان الكتاوت ده لوحدة هتلقى بـ 120 أو 130 جنية هناك وفي القاهرة بيعمل 150 جنية

مفتاح الزجاج الرئيسى دركسيون شمال ولا يمين؟ لو شمال يبقى سعره ممتاز

الفتيس المانيوال بيعمل 400 جنية سواء s20 أو s40

المكن الـ d16z مش بتنزل دبل فتيك بتنزل vtec عادى الوحيدة الدبل هيا d15b ودى فعلاً في بورسعيد بتعمل حدود 3500 جنية

المكنه الـ d16y4 بالفتيس والكنترول والضفيرة و الكبالن تعمل 4000 جنية

اولا الف مبروووك بس سعر الكتاوت ده غريب اووى اووى

اقدر اعرف اسم المحل؟؟

المشاركة الأصلية كتبت بواسطة AHMED_HAMDY

المريات ضم كهرباء كامله بالمفتاح مش الكتاوت والكتاوت هناك ب 50 جنيه بس انا كلمت الكهربائي قالي مش تجيبهم وانا هشغلهملك
المفتاح للشمال
بالنسبه لمكنه الd16z فيه منا دوبل فيتيك ودي اول مره اعرفها النهارده بجد من واحد تاجر ومن ميكانيكي وتقريبا الوحيده اللي دا d16z6 او 7 حاجه منهم دوبل فتيك
بالنسبه لل d16y السعر ده بورسعيد ولا القاهره
اصلي بصراحه جايبها ب 4000 بالقواعد والبدالات والعدادات لاني كنت اوتو وقلبت منوال
والضفيره والكنترول وكل حاجه وفتيس بس حاسس اني مغلوب جاااااااامد
وانهي احسن هيا والا ال1500 دوبل فتيك لاني بصراحه اما جريت معا ال1500 طلعت منها مرتاااااااح

أحسن سعر سمعته في الكتاوت 100 جنية وكان من فترة عموماً 50 جنية سعر ممتاز

بص هو بعد الفحص والتمحيص فعلاً في مكنه وحيدة 1600cc دبل فيتك وكودها D16W9 بتنزل في الجيل السابع من السيفيك 2001-2005 بقوة 130 حصان

بالنسبة للسعر بتاع بورسعيد وطلما أنت واخدها بمشتملاتها وبحاجه المانيوال كمان يبقى السعر كويس وربنا يباركلك فيها ومتفكرش حتى لو دافع زيادة شوية المهم الحالة تكون حلوة

الـ D16y أفضل من D15b، من ناحية العزم ونسبة انضغاط المحرك و 100cc في حين الـ D15b الهورس باور بتاعها أعلى 10 حصان + VTEC ، في الجرى عوامل كثير بتأثر منها حالة الماتور و نوع الفتيس و وزن العربية ... ألخ

في النهاية الاختلاف مش كبير بينهم في القوة وان كنت شخصياً بفضل محركات الـ 1600cc المزودة بـ VTEC

اسم المحل ايه وارقام تليفونات ومكانوا بالظبط ضرورى جداااا