تجربتى مع الزينون (معلومات وحقائق)

**ZALABANY** · 27-02-2012 10:46 AM

لو عايز 55 يبقى خليك في الكوبرا ls1090 بيشكر فيه جامد
بس على فكره ال vision من الموديولات الجامده لأن الأمبير بتاعه عالي 25 أمبير وده السبب في انه بيسخن بسرعه لأن الولد وراني حاجات تاني صيني الأمبير بتاعها 3.2 أمبير بس طالما هاتكلف عدسات يبقى هات الكوبرا

**TOOLA** · 29-02-2012 03:50 PM

يا باشا, يا ريت تبعتلى رقم الشركة أو الوكيل الخاص بكوبرا.

**ls1090** · 29-02-2012 04:12 PM

وكيل cobra , canbus
حمادة غزى واتاكد ان الجهاز ياباتى مش صينى
وكيل vision -فى محل فى شارع دمشق اسمه المدنية جنب السجان بيدى ضمان 18 شهر
وفى واحد تانى بتاع قطع غيار مرسيدس جنب محطة شل وجنب واحد بتاع كوتش بيبعه ب 400 ضمان سنة على المديول واللمبة
وفى 6 اكتوبر واحد فى الاردنية اسمه تريبو جنب محل عصير قصب

**TOOLA** · 29-02-2012 04:12 PM

انا عربيتى بورا, و الفوانبس حالتها كويسة مش مضلمة بس النور ضعيف, مش متشتت بس قوة النور ضعيف,و السيارة ديه عالى وواطى فى لمبة واحدة ومفيش كتاوت, و كان اتعرض عليا اركب زينون بالعدسات, بس ده هيستلزم ان الفانوس يتخلع و يتركب, و انا بصراحة مش مقتنع, و كمان قالولى فى فوانيس بتتباع بالعدسات علطول, حد يعرف بتتباع فين و ايه الأسعار؟؟؟

**ali.mahmoud** · 05-03-2012 03:16 AM

عايز اجيب زينون عالى وواطى 55 w اجيبه منين والاسعار كام ؟ بس يكون عن تجربه ومضمون وتركيبه مش ممكن يبوظ حاجة وانا بركبه ؟

**ali.mahmoud** · 05-03-2012 03:16 AM

وتكون الاضائه مش اللون الازرق اوى

**madaxman** · 05-03-2012 04:27 AM

علي أد ما غيرت أجهزه زينون بس الموضوع دا فادني اوي انا اول جهاز ركبته من 3 سنين كدا ايام الصيني لما كان نازل جديد بس كان جامد اوي وقعد معايا فتره بعد كدا غيرته وكله بقا مضروب بس انا عندي كام سؤال كدا

اولا عايز اعرف العربيات المنتشره بيركبلها زينون ايه ؟؟؟؟
يعني صاحبي جيه يركب امبارح جهاز طلعت اللمبات كبيره العربيه النترا 2010 انا استغربت وعايز اعرف ايه الفرق بين اللمبه ال h4 و h7 و h1 ف شكل اللمبه نفسه
وحوار المكثفات بتاع السيراتو دا انا مش فاهمه مع اني قريت عنه كتير

وشكر لصاحب الموضوع ع مجهود الرائع

**amenoera** · 05-03-2012 06:45 AM

بسم الله الرحمن الرحيم ،
بصو يا جماعه بعد طول عناء في اختيار الزينون الحمد لله اخترت صح . انا امبارح جبت لينس من اللي بتيجي فيها رينج ولمبه h1 نوعها vision وركبت عليهم موديولين اي كلام كده من الصيني دول 35 watt بصراحه فرق اللينس عن الزينون العادي فرق السما والارض فرق شاسع جدا وواضح جدا جدا النور قوي جدا لدرجه بضايق كل الناس ده غير انه منور اجناب الطريق كلها ومنور الارض قوي ، بس خلي بالكو علشان انا نزلت التوفيقيه ولاقيت من اللنس دي اشكال كتير ورخيصه وبصراحه انا جايبهم من عند واحد في العجوزه اسمه احمد زكي وربنا يكرمه فعلا وتمنهم 750 جنيه ، وان شاء الله ناوي اغير الموديولات دي واجيب ال 55 watt وانصح اي حد بيدور علي قوة الاضاء يجيب اللنس دي وعلي ضمانتي والله ، علي بكره انا مركبها علي عربيه دايو جولييت .