أراء مالكى الميجان فى فتحة السقف

**Investor** · 29-05-2008 03:35 PM

أرجو أبداء الرأى فى فتحة السقف بالميجان ..
ماهى ضرورتها بالنسبة لك ؟ مجرد شكل جمالى أم هناك فائدة عملية؟
ماهى مميزاتها ؟
ماهى عيوبها ؟ (مع ذكر أى أعطال إذا كان هناك أعطال حدثت وتكلفة إصلاحها)
هل ترى أن المناخ بمصر ملائم للأوبشن دة:
1-(أمطار، حرارة شديدة)..
2- ثقافة الشعب أطفاله بيلعبوا مع بعض بالطوب (خصوصا أن ثمن زجاجها 4950 جنيه)؟؟

ما رأيك فى الغطاء الداخلى الذى لايحجب الضوء إلا بصورة جزئية .. بمعنى عدم التحكم الكامل فى الإضاءة الداخلية ؟؟؟

**Abo_Lina** · 29-05-2008 05:33 PM

هو كأوبشن ظريف ان الناس و هما جوا العربية(ماعدا السائق طبعا) يقدرو يشوفو السما و العربية ماشية وكده فهو اوبشن دلع يعني
ماعتقدش ان لها عيوب او اضرار وهيا لما تتقفل بتبقى ولا كأنها موجودة
بالنسبة لاطفال الحجارة الي ف الشوارع فالطوب ده ممكن يجي ف اي حته ف العربية زي الزجاج الامامي او الخلفي او الفوانيس واكيد الحاجات دي كلها بفلوس فربنا يستر

**Amr_Moh** · 29-05-2008 08:57 PM

ana 3alatool basta7demha lama el gaw ykoon 7elw mawdoo3 el ta7akom fe el doo2 bshakl goz2ii deh mish da7`la dma3`y, maho el doo2 keda keda da7el men kol 7eta

3andi kawetsha we23et men el megra bta3etaha bas lesa ma3rafsh bkaml

**fahd_628** · 30-05-2008 12:25 AM

بصراحة فى الستيشن فتحة السقف تحفة لأنها جزئين و احنا مبنفتحهاش بنسبها مقفولة و بنفتح الحتة الى جوة دية بس الزجاج بيبقى مقفول و بس بتدى منظر جميل للركاب و السائق مش بيستفاد منها اوى

فى النهار بيبقى متعة بجد و حتى النور داخل العربية بيبقى جميل

بس طبعا بيأثر على كفائة التكييف بس بتاخد متعة

فى العادية ففتحة السقف عادية مش بانوراما اوى بي هية كبيرة روح اركبها فى معرض لو عجبتك توكل على الله

بالنسبة لأنها تتكسر فا على فكرة هية مش سهلة الكسر بس اكيد قابلة للكسر و زى ما Tyler_Durden قالك ممكن الطوبة تيجى فى الزجاج الامامى او الخلفى فا هية هية

**didomotors** · 07-07-2008 02:27 PM

how to fix it ???

**fahd_628** · 07-07-2008 04:33 PM

how to fix it ???

تغيرها لو حصل حاجة مفيش حل غير كدة

**Sharky** · 07-07-2008 07:24 PM

طبعا أوبشن رائع و ممتع و خاصة فتح السقف بتاعة الميجان بانوراما
و بالنسبة للطوب فدا إحتمال صعب لإن إللى بيحدف طوب أكيد مش حبحدفه من فوق و بيحدفه فى الشارع فيبقى الزجاج الامامى و الخلفى و الفوانيس هما المعرضين أكتر للكسر بيما فتحة السقف فنادرا لما تتعرض لذلك

و بالنسبة لملائمتة للجو فهو ملائم جدا لإن من المعروف إن الأمطار عندنا أقل كثيرا من أوربا بلد صنع السيارة و الحرارة طبعا محتاجة فتحة سقف من أجل إدخال الهواء

**Ayman_A1** · 09-07-2008 08:49 PM

هو عموما دخول ضوء شمس ولو جزئى أكيد بيرفع من درجة حرارة الجو داخل الصالون .. وفى اجماع ان تكيف الميجان مش قوى .. فهل حيتحمل حرارة زيادة كمان؟
لأن فى الصيف أعتقد أن أغلب الناس حتشغل التكييف وقليل اللى حيقدر يستغنى عنه علشان يفتح فتحة السقف.
ويايت بردوا حد يفيدنا عن احوالها مع الشتاء .. لأن فى عربيات زى اللانسر مثلا بتشتى على الراكب :)

**fahd_628** · 10-07-2008 12:32 AM

هو عموما دخول ضوء شمس ولو جزئى أكيد بيرفع من درجة حرارة الجو داخل الصالون .. وفى اجماع ان تكيف الميجان مش قوى .. فهل حيتحمل حرارة زيادة كمان؟
لأن فى الصيف أعتقد أن أغلب الناس حتشغل التكييف وقليل اللى حيقدر يستغنى عنه علشان يفتح فتحة السقف.
ويايت بردوا حد يفيدنا عن احوالها مع الشتاء .. لأن فى عربيات زى اللانسر مثلا بتشتى على الراكب :)

حضرتك طبعا كلامك صح بالنسبة لأشعة الشمس فا طبعا بتزود درجة الحرارة بس عادى جدا حضرتك ممكن ممكن تقفل الستارة دية ( مش عارف اسمها اية بس جت فى دماغى ستارة ) و مش حيخشلك شمس ولا كانها موجودة خالص ( دة طبعا لو حضرتك عاوز ) بس انا عن نفسى بكون فاتح الستارة و مشغل التكييف و الجو بيبقى تمام بس بتعلى المروحة شوية يعنى تخليها على 3 او 3,5

و حكاية تسريب المياة فا دية متقلقش منها لأنة معمول حساب كل الكلام دة