الموضوع: عايز اسقط موتور لهوندا سيفيك 1993

المشاركة الأصلية كتبت بواسطة So0o0o0Fa

يا جماعة عشان انا معنديش احتكاك قوي بس انا اسمع عن موتور SIR 170 hp يا ريت تقولولي اسمه ايه و سعره و مميزاته و عيوبه و لو حبيت اجيبه منين

ياباشا اهلا بيك ونورت القسم

بالنسبة للمحرك اللى انت عايزة هيكون b16a4/b16a5 الجيل الثالث ودة فية منة اتوماتيك ومانيوال

قوة المحرك دة 174 حصان مع فلتر اسبور + بوجيهات ايريديم او سبليت فاير هيبقى اداءة صاروخى جدا بس اهم حاجة لو عايز قوة المحرك كاملة يبقى هتمون 95 لازم كشرط اساسى

انت شوف طبيعة سواقتك بتميل للمانيوال ولا للاتو

عموما عشان تبقى عارف تمن المحرك 10000 الاف جنية مع التظبيط والمصنعيات بيقفل 13500 عشان يستقط على عربيتك ودة الطبيعى لكن لو ظهرت حاجات تانية عايزة تتغير يبقى تعمل حسابك عليها

عموما السعر دة بيشمل ( كنترول + ضفيرة + عفشة امامية + فتيس )

وعشان تاخد الاداء مظبوط لازم تغير الشكمان بواحد كامل 2.25 بوصة

مميزاتة : طلقة مش هقول غير كدة اجرى مع اى عربية براحتك , ناعم , صوتة حلو جدا لما ال vtec بيشتغل , استهلاكة للبنزين ممتاز طول مانت ماعديتش 130 كم

عيوبة : لازم بنزين 95 عشان تلاقى الاداء بتاعة بس هو شغال ب92 عادى بس هتلاقى المكنة مخنوقة او بمعنى اصح بتمشى بثلاث ارباع قوتها

- استهلاكة فى البنزين بيعلى اوى لما بتشد او بتجيب سرعات عالية

- عايز نوع زيت نظيف ودرجة لزوجة عالية وبينزل قبل ميعادة بحوالى 2000 كم لو انت بتحرق وبتقرص

- قطع غيارة غالية شوية يعنى سير الكاتينة + تيل الفرامل + جوانات كل دة اغلى من العادى بحوالى 80 جنية فى كل حاجة

من الاخر محرك ممتاز قوى صاروخى سرعات عالية جدا 260 كم و 250 كم , تسارع فى 7 ثوانى , ويستاهل كل جنية يدفع فية بس اهم حاجة تجيبة من على نص اصلى هيبقى احلى وموديل 96 وانت طالع لحد 2000 ويكون يابانى او امريكى فقط لاغير لان دول اقوى فئتين