الموضوع: مهزله موتور باسات 98

المشاركة الأصلية كتبت بواسطة alzelafy

بدايه المشوار من 4 شهور العربيه 1600 اوتوماتيك نزلنا الحرفيين لفينا على نفس الموتور مش موجود نهائى و دخلونا فى حوارات تانيه و مواتير 1800 و 1600 بس مش بتوعها جولف 4 و بورا خلافه .... كام يا رجاله 11000 و من الاخر و النهايه ب 9000 بالتركيب و الاستلام موتور 1800 على الفتيس ال 1600 الميكانيكة قال طالما 9 يبقى نجيب عربيه كامله متقطعه و نستفيد بالفتيس و العفشه و باقى العربيه كمان ...... كلام جميل ..... رحنا بورسعيد عند واحد شغال فى الجمله جبنا عربيه كامله ب 8200 جنيه عبارة عن موتور 1800 بالفتيس المانيوال بالكبالن و العفشه الاماميه و الاسكاترا و الاكصدامات و الشنطه و الكبوت و الرفارف ::::::: كل الدنيا عدا الاربع جنوط و السقف و الاربع كراسى اى مسمار تانى خدناة ::::::: كلام جميل
المهزله:
تسقيط الموتور ال 1800 على الفتيس ال 1600 الاوتوماتيك بتاع العربيه _ الموتور فاجر _ الفتيس ما بينقلش العربيه بتطلع على الثالث و بترجع مفيش نقلات استشرنا الكهربائى جه و شاف قال الكنترول دة مانيوال مش هيدى اشارة للفتيس عشان ينقل رجعو كنترول ال 1600 و بالفعل ركبناة تانى و دورنا و كودنا و مشينا اول و تانى و تالت و العربيه تتخنق و تقطع و تضرب مدافع من الشكمان بدايه من سرعه 70 تقريبا زى ما يكون حد بيشدها لورا او ان العربيه شدة عربيه نقل وراها و مش قادرة تسرع عن كدة ؟؟؟؟؟؟؟ نكشف كمبيوتر كلو تمام مفيش اى مشكله طيب ايه المشكله ؟؟؟؟ كنترول ال 1600 على الموتور ال 1800 و لا فتيس ال 1600 على الموتور ال 1800 ؟؟؟؟ رغم ان كل ما اشوف باسات مسقطه الاقى الموتور دة نازل فيها عادى طيب فى ايه عندنا مش عارف :::::::::؟؟؟؟؟؟؟ يا ريت لو حد سقط الموتور دة يقولنا ايه الحل الموتور مكتوب عليه 5v يعنى 20 صباب


المهزله التانيه:
نزلنا بورسعيد نجيب موتور 1600 اوريجنال عشان ننتهى بكام ب 4000 ج رجعنا ركب يا عم الموتور مش بتاعها موتور 95 قديم مفيهوش حساس كامه و البوابه واير مش كهرباء رجع الموتور رجعنا الموتور فين الفلوس مفيش فلوس استنو لما يتباع .... استنينا

المهزله الثالثه
صاحب العربيه حلف 100 يمين مش راجع الا بموتور العربيه الاوريجنال و هيفكو من عربيه و بالفعل لفينا على الدنيا كلها مش موجود الا عند واحد بس و معاملتو اعوز بالله و الله لو بيبيع موتور طيارة كان اتكلم باسلوب احسن من كدة حوال 3 ساعات بنخلص فيه و بننزل من السعر الخرافى اللى طلبو تخيلو كام ؟؟؟؟؟؟ 12000 بالفتيس المانيوال قلنالو ليه يا عم دا احنا جايبين عربيه كامله ب 8200 ضحك و قال طيب جاينلى ليه حكينالو قصه الموتور ال 1800 و الفتيس و عرف يصطادنا صح لما لقانا ملهوفين على الموتور و خلصناة على 9 بالعافيه بس راجل بخيييل جدا جدا يعنى بايع الموتور بضعف سعرو و مستخسر فينا قربه المياة يديهالنا قلنالو اعتبر انك مغدينا قال ما ينفعش غدا كمان دا انا كدة خسران ؟؟؟؟؟؟؟ و بعد ما خدنا الموتور قابلنا واحد و قلنالو على الراجل دة قال دا شيخ منصر مش تاجر و محدش بيدخلو ؟؟؟ عموما خير و ما حدش بيتعلم بالساهل العربيه صرفت اكتر من 25000 عشان موتور و لسه مش عارفين هتضبط و لا لا الموتور ال 1600 بيركب لسه بس يا ريت لو حد يفيدنا و يعرفنا ايه مشكله الموتور ال 1800 مع الفتيس ؟؟؟؟؟

من الاول خالص كنت تسال الفتيس هاينفع على الموتور ولا لا؟؟؟بس عدت خلاص
اما سقطت الموتور 1800 وما نفعش على الاتو كنت يا تركب الفتيس المانوال اللى جاى معاة يا تشترى فتيس اوتو بكنترولة للموتور 1800 (دة اذا مكنش نفس اللى عندك )
وبعدين انت غلطان مفيش حد يشترى وبعد كدة يجرب انت الاول تسال وتلف وتبقى عارف هاتجيب اية والشرا دة اخر حاجة

المشاركة الأصلية كتبت بواسطة ehab_mansour

أولا معلش هو قدرصاحب العربية كده وربنا يعوض عليه
ثانيا حضرتك اللي فكرلك و سقطلك و أشار عليك من الأول للأسف مش فاهم لأن
1- المحرك ال 1600 الاوريجينال بفتيسه الأوتوماتيك ده له ضفيرة و كنترول خاصة بيه
2- المحرك ال 1800 بفتيسه المانيوال له كنترول و ضفيره خاص بيه
حضرتك مينفعش بأي حال انك تركب محرك 1800 كان بفتيس مانيوال علي فتيس اتوماتيك لأن باختصار شديد مستحيل المحرك ده بضفيرته ينفع مكان ده لاختلاف الفتيس

يعني كان المفروض من الأول هتغير يبقي تشتري نص بمحرك 1800 بفتيسه الاوتوماتيك دة تشيله بكل حاجه بالضفيره بالكنترول و تحطه مكان القديم و تفك القديم بفتيسه و ممكن تبيع الفتيس القديم

باختصار شديد مينفعش ابدا اسقط موتور من غير فتيسه و كنتروله و ضفيرته و حتي لو ممكن يحصل في المانيوال فهو مينفعش ابدا في الاوتوماتيك
كل اللي حصل معاك ده سببه ان اللي سقطلك ملهوش في فولكس اصلا و لا ينفع يشتغل فيها

دا ملخص الحوار اللى حصل معاك والبشمهندس أيهاب قالك على الخلاصه
اللى سقطلك المكنه دا اخره يصلح عربيه 132مع احترامى لأى مالك ليها يقراء المشاركه فى يوم من الأيام كلو بيفتي واحنا وراهم