الحاقووونى بسرعة بخصوص بومة 2007

**doosha_19263** · 31-01-2012 12:04 AM

[justify]
[justify]
[OVERLINE]
السلام عليكم ورحمة الله وبركاتة
انا يا شباب معايا بومة 2007 اوتوماتك كلاسيك
وحصلت عندى مصيبة النهاردة فالعربية
انا كنت بغسل العربية النهاردة من جوة فجت مية على التابلةو والعدادات فنضفتها بقماشة ناشفة بس فوجأت ان عداد الكيلو متر مش شغال خالص ولا اى حاجة باينة على الشاشة
رحت وديتها عند الكهربائى فقالى الطبعة بتاعت الشاشة اتحرقت وهتلك لوحة عدادات استيراد احن من انك تصلحها فجبت وحدة استيراد عملت 850 جنية بس ظهرت حاجة غريبة اوى
عداد الكيلو متر عامل 213000 كيلو متر والاول عندى كان عامل 89500 كيلو متر
رحت رجعت للراجل بتاع الاستيراد قلى عادى روح لاى حد بتاع تصليح شاشات ديجيتال وهو يظبطهولك فى القاهرة
فهل الكلام ده صحيح ؟ ولا الراجل بيشتغلنى ؟ ولو فى حد فالقاهرة بيظبط العدادات دى فين؟ وبتتكلف كام ؟
اسف على الاطالة وارجوا الافادة افادكم الله
[/justify]

**eldell** · 31-01-2012 12:12 AM

اها فى ناس بتنزل العداد وكان فى واحد فى المنيل صاحبى كان بيكلمنى عنه وكان عملها عنده وخد 100 جنيه وكان فى مركز عامل اعلان هنا بينزل العداد برضه

**doosha_19263** · 02-02-2012 12:20 AM

المشاركة الأصلية كتبت بواسطة eldell

اها فى ناس بتنزل العداد وكان فى واحد فى المنيل صاحبى كان بيكلمنى عنه وكان عملها عنده وخد 100 جنيه وكان فى مركز عامل اعلان هنا بينزل العداد برضه

طب ممكن ياباشا لو فيها تعب تجبلى عنوان الراجل ده فين بالظبط

**eldell** · 06-02-2012 09:04 PM

بص ياباشا دلوقتى لو انت جااااى من ناحيه كبرى قصر النيل ووصلت للكبرى الصغير الى بعده وداخل اول الدقى هتلاقى كبرى هتنزل من تحته يمين هتمشى شويه وهتلف من اول لفه شمال هتمشى شويه هتلاقى بنزينه على يمينك بعدها على طول فى شارع صغير هو فى اول الشارع ده على اليمين ومعلش اتاخرت عليك بس والله لسه عارف العنوان من صاحبى