بعد اذن حضرتك اسمحلي ارد :)
في مقولة شهيرة بتقول (افضل سعر مقابل افضل اداء )
انتا لما تركب تربو علي ماتور زي دة .... يبقي انتا بتظلم نفسك وبتظلم العربية وبتهين التربو
لسبب بسيط .. مثلا الميفيك 2.4 .. ماتور بيطلع قوة حصان من 160 حتي 165 حصان علي حسب حالتو ونظافة البنزين
لما تيجي تركبلو تربو .. دي تبقي خطوة ممتازة .. لأن الماتور اصلا قوي وتبقي رميت فلوسك صح
لكن هل يرضي ربنا تتكلم في ماتور 1400 - 1500
اقوي حاجة تتكلم فيها 100 - 99 حصان دة لو جابهم اصلا
تركبلو تربو مصاريفو تتعدي ال 10 الاف جنية عشان توصل لقوة المايفيك (الي تكلفتو من 4- 5 ) ؟
دة غير انك هتضر ولازم تركب بساتم سبور .. تيتانيوم .. ولازم وحتما هتركب وش سلندر تيتانيم عشان ولا البستم يتكسر من القوة .. ولا وش السلندر يتشرخ من قوة البستم
وفي الاخر مش هيكمل معاك سنة او سنتين وهيطير
لأأن مفيش حد محترف في مصر بيتربن .. وحط تحتها 100 خط وانا واعي للكلام الي بقولو
والناس الي بتربن هنا صح (بيريح دماغو .. بيعمل نظام ) .. Plug and play الي هوا هات جاهز وركب
زي الايفو مثلا او m
فا متتعبش نفسك وترمي فلوس في الارض وترجع تندم
الحل البديل
شوف اية المواتير النضيفة الي ينفع تركب علي الحوض عندك
وهات ماتور عفي وركبو وظبط نفسك في المرور
المفضلات