ارجو من الخبراء تسعير النترا 2007 التفاصيل فى الموضوع

**ahmedshouk** · 31-01-2012 05:11 AM

السلام عليكم ورحمة الله وبركاته بعد التحيه
اود من سيادتكم تسعير هذه السياره وجزاكم الله خيرا

النترا 2007 اتوماتيك خاليجى عامله (66000 كيلوا) عداد شرعى بها اربع وحدات رفع وانزار (تكييف بكر) وكاسيت سونى لايوجد او مافيهاش abs (الرخصه فيها سنه و 3 شهور)
العربيه رشه اكصدامين مع العلم ان الاكصدام الامامى فيه شرخ عرضى بطول النمر يعنى عاوز معجون ورش الخلفى عاوز يترش لان البويه مقشره الباب الخلفى يمين كان فيه حكه وجبها على البارد ورشها بسبرى يعنى معرفش هيحتاج يترش والا لاء فى نقرتين فى باب السواق عملهم بمعالج حجم الواحده يعادل حجم النص جنيه الفضه او اقل حاجه بسيطه غير كده العربيه فبريكه
يعنى العربيه فبريكه 3 بيبان وسقف وشنطه واربع رفارف حالة الكوتش 60 %
الصالون جلد فرش الفبريكه بس كرسى السواق مقشر بمساحة دائره قطرها 10 سم
بطريه جديده والموتور بحاله جيده و التكييف يعمل بكفأه بالنسبه لطقم السيرفيس لو العربيه محتاجه طقم سيرفيس هيأثر على السعر فى قد ايه
العربيه( مافيهاش) ايرباج والا اى بى اس والا جنوط والا فوانيس شبوره يعنى (اتوماتيك فاضيه) زياده انزار و4 وحدات رفع
وجزاكم الله خيرا

**engahmedsamy** · 31-01-2012 06:02 AM

ممكن 68 الله اعلم

**ahmedshouk** · 31-01-2012 06:33 AM

المشاركة الأصلية كتبت بواسطة engahmedsamy

ممكن 68 الله اعلم

مشكور على الرد
والله السوق المصرى فعلا محير لدرجه غريبه تدخل على كونتاكت كار تلاقى اسعار غريبه تروح السوق تلاقى اسعار اغرب
تعد على النت وتسئل الناس تقولك الصح والملاك مش عجبهم طبعا
اعمل ايه اقطع نفسى اصوت والم الناس عليا ويقولوا الواد اتجنن
بقالى شهريين بدور على عربيه ومن كتر لغبطت الاسعار الواحد مبقاش عارف راسه من رجليه
ارجوا الافاده يا اخونا معلومه قليله تمنع بلاوى كتيره وهنيالك يا فاعل الخير والثواب

**M.Elgergawy** · 31-01-2012 12:24 PM

صديق ليا لسه شاري واحدة 2007 كاملة مانيوال فابريكة بالكامل عداد 13 الف كم فعلا فعلا فعلا ب 71 الف

**M.Al-Hefnawy** · 31-01-2012 04:31 PM

عشان الرش والشغل اللي اللي فيها هي تعمل فعلاً 68.

بالنسبة للسيور ما تقلقش لأن سير الكاتينة فيها حديد مش بيتغير يعني لو هتغير هتغير سير الدينامو والتكييف ومش هتلاقيهم غاليين فمش هيأسروا. موفق ان شاء الله

**ahmedshouk** · 31-01-2012 07:39 PM

المشاركة الأصلية كتبت بواسطة egy77

عشان الرش والشغل اللي اللي فيها هي تعمل فعلاً 68.

بالنسبة للسيور ما تقلقش لأن سير الكاتينة فيها حديد مش بيتغير يعني لو هتغير هتغير سير الدينامو والتكييف ومش هتلاقيهم غاليين فمش هيأسروا. موفق ان شاء الله

متشكر يا غالى وانا بردو كونت بستفسر فى مصر موتورز نفس السعر اتقالى لحد مافيش غير واحد قالى من
من 68000 الى 75000
فى السوق كلوا بيطلب 75000 تجار طبعا