عاوزة اروح سينما

**nonetta** · 31-01-2012 10:41 AM

انا مش من هواة دخول السينما اوي
ولا الفرجة على الافلام

بس احب المرة اللي اروحها كل سنتين يكون فيلم كويس
واحس اني ما رميتش فلوسي في الارض
وما اسمعش كلمتين من زوجي عشان هوا بيدخل معانا غصب عنه
بصراحة انا باعتبر الفلوس اللي بتتصرف في السينما هاتحاسب عليها

ومع ذلك لازم تغيير كل فترة يعني

عاوزة بأة الاخوة مرتادي السينمات يرشحولي فيلم اجنبي عشان زوجي بيتخنق من العربي

كمان العربي المعروض كله ما يتدخلش

حتى لو حد شاف فيلم كارتون حلو بردو مفيش مشكلة يرشحهولي
خاصة اني داخلة اصلا عشان الولاد

عاوزة ترشيحاتكم ويا ريت يكون فيلم محترم نظيف تماما عشان الاولاد

**FunnyMickey** · 31-01-2012 10:58 AM

اخر مره دخلت سينما كان فيلم اسماء
وشفت ساعتها فيلمين عاوز ادخلهم

1- alvin and the chipmunks

والتاني السنافر

وكان فيه كونغفو باندا 2

**SYD** · 31-01-2012 01:23 PM

حضرتك تقصدي سينما ولا روتانا سينما ؟؟؟

اصل السينما دي بقت اولد فاشون old fashion واعتقد مفيش افلام النهاردة بقت مناسبة للأسرة ربنا يخللنا تامر حسني وهاني سلامة بوظوا السينما والذوق والأخلاق والموضة وقصة الشعر وطريقة الكلام

نصيحة لو عايزة حاجة الأولاد ينفعوا يشوفوها ممكن روتانا زمان وافلام فاتن حمامة لكن افلام جديدة لاء

تقبلوا مروري

والله المستعان
،
،

**shaddadfalcon1** · 31-01-2012 02:58 PM

انا دخلت Sherlock Holmes: A Game of Shadows من اسبوعين وكان تحفه وفيلم محترم مفيهوش اي مناظر مخله زي العربي اللي موجود

**human** · 31-01-2012 03:14 PM

خليه هو اللى يختار
عشان تبقى مسئوليته لو طلع وحش

**م/مصطفى محمود** · 31-01-2012 04:46 PM

افضل حاجه حضرتك عملتيها هو موضوع السؤال قبل دخول الفيلم

دخلت من فترة فيلم the immortals وبجد كنت عايز أولع فى السينيما كلها ( بجد أسوأ فيلم دخلتة فى حياتي )

انا برشح برضوا Sherlock Holmes: A Game of Shadows أو السنافر (لو لسة موجود)

**DreAmO** · 31-01-2012 04:52 PM

انصحك بأفلام ال 3d

وتكون افلام كارتون .. مناسبه للجميع

طبعا افضل مكان هو سينمات سيتي ستارز اللي في الدور السادس اعتقد .. لأن في في الدور الارضي

سعر النظاره للثري دي 20 جنيه .. وتذكرة الفيلم حوالي 40 جنيه

حفلات قبل الضهر بتكون التذكره بنصف الثمن

غير كدة ماتدخليش سينما احسن .. وال 200 ولا 300 جنيه اللي هتتصرف في الخروجه اللي هتاخد 3 ساعات ولا اربع ساعات

ممكن تعملي بيهم حفله في البيت مع سهره الفيلم الكوميدي على اي قناة :)

يعني شويه فاكهة مه شويه تسالي لب وحركات مع اكله حلوه وحلويات

اجدع مليون مره من السينما والخروج في الجو دة . واهو في بيتكم