sony gt 600 & 700

**m7mda7md** · 03-02-2012 10:59 AM

عشان اكون دقيق.....واضح ان الحماسه اخدتني و اتكلمت كلام مطلق و عن حاجه مجربتهاش.......الكاسيت السوني ال 500 احسن من اي كاسيت بايونيير 3 باند .......للأسف مجربتش بايونيير 5 باند حتي........لما بعت الكاسيت البايونيير ال كان عندي سمعت بعدها بفتره -كبيره للأسف -كاسيت سوني 3 باند بس مقارنه غير متناسقه ابدا لأن البايونيير كان شغال علي بيضاوي كينوود 400 وات و مدور سوني كمبوننت 260 وات و السوني كان شغال علي سوني 300 وات تقريبا و سماعات ستوك لانسر كريستاله بالإضافه للفتره بين الاتنين.......ال كرهني اكتر ف بايونيير و خلاني من غير ما اشعر اتكلم بشكل مطلق هي السماعات البايونيير ال 500 وات بصوتها التعبان من وحهه نظري.......كان نفسي اجرب كاسيت بايونيير 5 او 7 باند عشان الصوره تكتمل بس محصلش للأسف

**elshinzawy** · 04-02-2012 12:32 PM

والله ياشباب البيونير جميل قوى بس طبعا ينقصه الاوبشنز اللى فى السونى بس فعلا ياباشا السماعات البيونير ال 500 مش تمام مش مستحمله الكاسيت لكن فعلا ال 400 التايلاندى محترمه جدا عنها لكن للاسف اغلى منها ومش موجوده

**skabash** · 05-02-2012 06:38 PM

ياجماعه انا عندى سى دى رود ستار اللى بينزل مع العربيه الفيرنا 2007 ومركب جى ام سيمفونى 6400 وصب جى بى ال 1000 وات مع سماعات سونى اكسبلود 400 وات ولكن الصوت عندى مكتوم ورحت للى مركبهم قالى السبب السى دى رود ستار صوته سئ جدا وطلب منى اركب سى دى بايونيير وقال لى هاتشوف الفرق
هل فعلا الكلام ده صحيح ولا هو مش عارف يظبت الجى ام مع العلم ان الباص جيد جدا بس الصو ت مكتوم و التربل مش حلو برجاء من الاخوه الافاده وهل الزيرو باور ها يحل المشكله ولا اغير السى دى

**m7mda7md** · 06-02-2012 12:12 PM

فعلا السبب الكاسيت.....بس قولي هتدفع كام و اقولك تجيب ايه؟

**skabash** · 07-02-2012 07:57 PM

هاادفع 600 تقريبا بس احس بالفرق فى الصوت

**m7mda7md** · 08-02-2012 12:27 AM

متقلقش اي كاسيت ماركه محترمه هتحس بفرق رهيب في الصوت......هات‎ سوني cdx-GT500U‏ و انت مش هتنزل من العربيه لحظه

**skabash** · 08-02-2012 07:34 PM

ايه الثقه الكبيره دى ؟ معقوله صوت السونى احسن من صوت البيونيير اللى بيركبوا الكاسيت بيقولوا غير كده خالص وهل الجماعه اللى بيبيعوا وعندهم تركيب ممكن يجربوا لى الاثنين واللى صوته احسن اختاره ولا ده صعب ؟

**m7mda7md** · 08-02-2012 08:18 PM

هو مش معني كلامي ان سوني احسن من بايونيير.......ده مش قصدي بس اقصد ان الكاسيت السوني ده ممتاز......ال بيقول عليه وحش ده حاجه من اتنين......جرب حاجه احسن منه و دي ممكن تكون حاجه بايونيير عاليه انا مجربتهاش او واحد ‏-مش عاوز اغلط-مش عارف يظبط الكاسيت و بالتالي مش واخد صوت كويس ف بيقول ده كاسيت وحش و هثبتلك كلامي بموقف حصل معايا شخصيا.......انا من اسيوط و عندنا وقتها اتنين مشهورين جدا لبيع و صيانه و تركيب عدد الصوت و لما سمعت صوت الكاسيت عند واحد صاحبي و قررت اجيبه روحت لواحد قالي السعر كذا و بعدها روحت للتاني اشوف السعر عنده و اقسم بالله قالي ده كاسيت وحش و مش بجيبه عشان مفهوش اكواليزر بيز و ميد و تريبل تظبط منه الصوت‏!‏!!!!!!!!!!!!!!!! خد عندك واحد عربجي حنطور بيقول علي حاجه سوني 7 باند مفهوش اكواليزر

**skabash** · 09-02-2012 05:24 PM

انا كده اتشجعت وانشاء الله هاجيب السونى 500 وحاسس ان صوته هايطلع احسن من بايونيير 2350 نفس السعر تقريبا لان 7 بند اكوليزر يعطى مجال كبير للتحكم فى الصوت خصوصا انا عندى جى ام وبازوكا عاليين جدا

**m7mda7md** · 10-02-2012 12:24 AM

المشاركة الأصلية كتبت بواسطة skabash

انا كده اتشجعت وإن شاء الله هاجيب السونى 500 وحاسس ان صوته هايطلع احسن من بايونيير 2350 نفس السعر تقريبا لان 7 بند اكوليزر يعطى مجال كبير للتحكم فى الصوت خصوصا انا عندى جى ام وبازوكا عاليين جدا

هههههههههههههههههه.....انا خايف عليك و الله.....هزودلك الطينه بله و بما ان العربيه فيرنا هاتلها سماعات سوني 16 سم كمبوننت و اقطعلك دراعيني و رجليا ان مشيت من العربيه

.......انا حاسس ان الكاسيت ده مع صب او بازوكا هيعلم علي اي كاسيت بايونيير حتي لو 26 باند اكواليزر.....اصل الكاسيت ده مع السماعات السوني الكمبوننت بالذات بيدي تريبل و ميد رينج فوق الوهم فوق الوهم ....يا سلام بأه مع البازوكا .....تخرج كل حاجه من مكانها مرتاحه....اهم حاجه لو جبت الكاسيت تقولي عشان ارسيك ع ليلته

الموضوع: sony gt 600 & 700

LinkBack

أدوات الموضوع

عرض

-

-

-

-

-

-

المواضيع المتشابهه

Sony gm

Sony xperia s

PSP Sony

sony cd

mp3 sony 2gb

الكلمات الدلالية لهذا الموضوع

المفضلات

المفضلات

ضوابط المشاركة