بشري لوجان اوتوماتيك بلأسواق

**hemagohary** · 06-02-2012 01:43 AM

حضرتك حجزت فين انا سالت فى التوكيل وقلولى بعد 3 شهور الاستلام من فضللك تدينى العنوان بالظبط

**georgedada82** · 06-02-2012 03:20 AM

نصيحة استني محمد ذكي وهو موزع معتمد من التوكيل انا سالت في التوكيل وانا بشتري من اسكندرية قالي استلام كمان 3 شهور اتصلت بمحمد ذكي وروحت واستلمت خلال تلات ايام وبدون اوفر برايس فممكن ينزلها قبل التوكيل ... وده اللي بيحصل

**gebreel** · 06-02-2012 07:43 AM

المشاركة الأصلية كتبت بواسطة georgedada82

نصيحة استني محمد ذكي وهو موزع معتمد من التوكيل انا سالت في التوكيل وانا بشتري من اسكندرية قالي استلام كمان 3 شهور اتصلت بمحمد ذكي وروحت واستلمت خلال تلات ايام وبدون اوفر برايس فممكن ينزلها قبل التوكيل ... وده اللي بيحصل

بالظبط كدة محمد زكي هيسلم ان شاء الله اخر الشهر هو و السبع

**wassim_nasser** · 06-02-2012 08:48 AM

محمد زكى والسبع كموزعين معتمدين بيسلموا قبل التوكيل .. ليه؟ .. سألت الناس اللي ف التوكيل قالولي انهم بيجيبوا دفعه اللوجان و يقعدوا يبيعوا فيهم واحده واحده والمكسب بيكون بطئ (أيامها ماكانتش اللوجان انتشرت زي دلوقتى) .. لكن محمد زكى و السبع بيدولهم الدفعه كلها مره واحده و يحصلوا تمنها فالمكسب بيكون سريع .. ده غير انهم بيلبسوا الموزع المعتمد الحاجات اللي مش شغالة أوى .. يعنى مثلا هاتلاقي اللوجان الفاضية مش مطلوبه زي الهاف والفول ومع ذلك لو الدفعة اللي جايه من بره فيها 5 أو 10 عربيات لوجان فاضية لازم الموزع يستلم الدفعه كاملة .. يعنى القصة كلها تجارة ومكسب .. عشان كده الموزع المعتمد احسن ف مواعيد الاستلام

**gebreel** · 06-02-2012 11:35 AM

الكلام ده من مندوب جوة السبع في موضوع التسليم هو ان الموزع بيدفع نص ثمن العربيات قبل ما تتشخن من المغرب و النص الثاني بيندفع اما توصل للميناء فبالتالي الفلوس للعربيات كلها بتبقى مدفوعة مرة واحدة في حين ان التوكيل مبيشتغلش بفلوسه بيلم الحجوزات و ثمن الدفعات و يشتري على قدهم

الموزع بيبقى ليه حصة على كل مركب بتدخل فالتوكيل يديهم حصصهم و اللي يتبقى يخده لنفسه

**gebreel** · 06-02-2012 02:49 PM

المشاركة الأصلية كتبت بواسطة zemoss

بس الصراحه الواحد يخاف يجرب بعد ما سمع مشاكل فتيس اللوجان

يا ريت حد يفيدنا

حضرتك مشاكل فتيس اللوجان كانت مشاكل بسيطة يمكن التعايش معاها و اتعملت في الضمان بدون اي مشاكل و بدون ولا مليم + ان رينو من افضل الشركات الفرنسية في الفتيس الاوتوماتيك (من مصدر موثوق منه الكلام ده)

**wassim_nasser** · 06-02-2012 04:37 PM

والله انا رأيى ان أي حاجه مهما اتكتب عنها وعن مشاكلها مش هاتكون زي التجربة العملية .. احنا نستنا و نشوف رأي الاعضاء اللي هايستلموا قريب و نعرف انطباعهم عن العربية و حكاية الفتيس والسحب .. وبالنسبه لقصة موزع معتمد ولا التوكيل مش هاتفرق كتير وان كان كلام الراجل بتاع السبع ده مش منطقي لأن معنى كلامه ان الموزع المعتمد اقوى ماديا من التوكيل وده مستحيل .. وكده كده العربية لازم تنزل ف التوكيل الأول وبعد كده عند الموزعين هو الفرق بس ان الموزع بياخد بالجمله عشان كده التوكيل بيديه أولوية عشان المكسب سريع

-

الموضوع: بشري لوجان اوتوماتيك بلأسواق

LinkBack

أدوات الموضوع

عرض

العرض المتطور

-

-

-

-

-

المواضيع المتشابهه

استرا 2005 اوتوماتيك * لوجان اوتوماتيك 2013

كيا بيكانتو اوتوماتيك ولا افيو اوتوماتيك ولا لوجان اوتوماتيك؟ محتارة جدا

لوجان اوتوماتيك ولا كورولا 2005 اوتوماتيك بنفس السعر

لوجان اوتوماتيك

هو مفيش لوجان سيدان اوتوماتيك وهل ينفع اغير الفتيس اخليه اوتوماتيك

الكلمات الدلالية لهذا الموضوع

المفضلات

المفضلات

ضوابط المشاركة