الفتيس الأوتوماتيك وعلبة الدركسيون

**yehia** · 30-05-2008 03:00 AM

أنا معايا فولفو 240 ولما وديتها تتصلح اتقاللى ان علبة الفتيس وعلبة الدركسيون عايزين يتغيروا...... وهو فتيس أوتوماتيك... فهل الأفضل الواحد يجيبهم استيراد من الحرفيين ... ولا يبعت يجيبهم جداد من الخارج... بغض النظر طبعا عن فرق السعر الرهيب فى الحالتين... بمعنى آخر هل تركيب أجزاء استيراد بالنسبة لهما قد يشكل خطرا على سلامة السيارة ولا اتكل على الله وخلاص؟

30-05-2008 11:46 AM

مش مستاهله خالص تجبهم من بره ياباشا...ماهو اصلا القطع الاستيراد بتكون جايه من بره :)
احنا بنجيب الحاجه من بره لما تكون مش موجوده هنا بس ....غير كده ليه توجع دماغك
وتستنى...ومصاريف شحن ...وجمركه ...وقرف..وممكن الحاجه كمان ماتكونش نمره واحد...

بس ايه اللى حصل يخللى الميكانيكى يقولك..تغير الفتيس وعلبة الدريكسيون وش كده
ياريت تقوللى على العيوب اللى فيهم...وان شاء الله اساعدك

....
كده ولا كده اتكل على الله وهات استيراد
وعندك.....سعيد فولفو فى بورسعيد..بنك الاسكان...راجل محترم...وعنده اى حاجه للفولفو...ووارد سويسرا كمان

**Xpert** · 30-05-2008 08:30 PM

المشاركة الأصلية كتبت بواسطة FLYINGPEUGEOT

وعندك.....سعيد فولفو فى بورسعيد..بنك الاسكان...راجل محترم...وعنده اى حاجه للفولفو...ووارد سويسرا كمان

مين سعيد فولفو ده يا ولا ... احنا بتوع سويسرا و عن نفسي ماسمعتش عنه قبل كده :)
بص يا سيدي ..هوه فيه عربيه فولفو جايالنا في السكه و جايه اوتوماتيك .. لو تقدر تاخد منها اللي انت عاوزه .. هيا لسه بتتقطع بره .. و الراجل مسافر حالياُ ...و وارد سويسرا (احنا الاصل

) .. خد الرقم اهه :
الشيخ عصام : 0101608845 .. ده اخو عماد المصري في الدقي علشان استاذ عماد في سويسرا حاليا ً... اتصل بيه قولله بيشوي قالي استاذ عماد هايجيب فولفو 240 اوتوماتيك .. اتاكد العربيه هاتيجي امتي و ظبط معاه قوله انا هاخد كذا و كذا علشان تحجزهم ..;)