المحترم مشرف القسم

**Dr'AhmZZong** · 04-02-2012 03:14 PM

المشاركة الأصلية كتبت بواسطة sehsss

قصدك إيه بالأوضاع، قصدك اوضاع البلد يعني، طيب ماهو البلد أوضاعها سيئة من سنة، إيه اللي جد حتى المتنفس الوحيد للواحد اللي هو المنتدى ما ينفعش حد يعمل فيه موضوع في قالب كوميدي، خلاص بلاها أحسن

إيه الكلام ده يا حسين < إيه بالها احسن ديه > مش إنت اللي تقول كده !!!!!!!!! ولا إيه ؟؟

و كمان هو قصده إن مواضيع الكوميدية ديه خليها في الدردشة .. و المواضيع المهمة خليها في النطاق العام عشان الكل يستفاد من غير أي هزار عشان محدش يزهق ولا يملللللللللل من كتر الهزار في المواضيع المهمة بشكل خاص و القسم بشكل عااااااااااااام ..

و خد بالك إنت هتزعل ناس كتير منك بـ الطريقة ديه ...

**Sehsss** · 04-02-2012 03:28 PM

المشاركة الأصلية كتبت بواسطة ahmazong

إيه الكلام ده يا حسين < إيه بالها احسن ديه > مش إنت اللي تقول كده !!!!!!!!! ولا إيه ؟؟

و كمان هو قصده إن مواضيع الكوميدية ديه خليها في الدردشة .. و المواضيع المهمة خليها في النطاق العام عشان الكل يستفاد من غير أي هزار عشان محدش يزهق ولا يملللللللللل من كتر الهزار في المواضيع المهمة بشكل خاص و القسم بشكل عااااااااااااام ..

و خد بالك إنت هتزعل ناس كتير منك بـ الطريقة ديه ...

هو اللي يقول رأيه بصراحة يزعل الناس منه، سبحان الله

**Dr'AhmZZong** · 04-02-2012 04:03 PM

المشاركة الأصلية كتبت بواسطة Sehsss

هو اللي يقول رأيه بصراحة يزعل الناس منه، سبحان الله

محدش يقدر يقولك ماتقولش رأيك يا sehsss .. الرد ده من حق الجميع ...

أنا من رأي إن الموضوع مش مستاهل كل ده ..

**Ahmed.TV** · 04-02-2012 04:10 PM

تعاطفنا تجاه حبنا لصديق لينا حاجة .. واننا نحكم بالعقل وندير القسم حاجة تانية
وكلكم عارفين بحبى ليكم قد ايه !!
وفى ظل ضغط الظروف وبجى على حساب حاجات كتير فى حياتى عشان خاطر الاعضاء ..
ومع ذلك فى القسم بنحاول نمشى الامور قدر الامكان بالروح
لان لو الامور مشيت رسمى ..حاجات كتير حتتحذف وحيكون كله بقوانين المنتدى

لان الهزار فى كل الموضوعات زاد جدا .. واكتر واحد حاسس بالموضوع ده اللى بيرتب القسم وبينسقه .. والادارة معايا

مش الاعضاء اللى بتدخل وبترد وبتعلق وخلاص .. ولو حد اتكلف بشغل من وراء الكواليس او شغل تجميع وقراءة مجمعة ويبعتها للادارة .. حيعرف ويحس بكلامى

لو حد وقف مع شخص مسئول فى التوكيل .. وقاله انا مش عارف ادخل واقراء الموضوعات .. ومش من شخص واحد .. ده كذا عضو فى القسم وكمان من كذا مسئول .. اشتكوا من تفرع الموضوعات .. واتصلت باعضاء قدامى انتوا فين وليه مش بتدخلوا قالوا عشان القسم دخل فى هزار ومناقشات جانبية كتير جدا ومش بنتشجع ندخل نحط معلومة
ومفروض القسم متخصص فى مجال السيارات

التنفيس اتعمل بيه موضوع للدردشة .. لان لو نفسنا فى كل موضوع بيكتبت ونفسنا عنا روحنا فيه .. المواضيع حتفقد الاساس اللى قايمة عليه والتخصص اللى فيه القسم
يا جماعة عشان محدش يزعل منى .. ويتفهم انى متحامل فى شى .. لان ده مش فى دماغى .. لان انتوا عارفين ان كل ما بقعد معاكم بكلمكم فى الدور اللى علينا كلنا ..

فى النهاية
ممكن يقدم شكوى فى مكانها مش فى موضوع فى القسم .. عشان واضح كدا ان حيكون فى اختلاف فى الراى كتير .. وحيخلى ناس كتير فعلا تزعل من الكلام
وناس كتير تشمت فينا .. وانا الوحيد اللى اعلم بكم الناس المتربصين بالقسم واعضائه .. ونفسهم انهم يقعوا فى بعض .. فمش عاوزين نعطى فرصة لحد يفرح فينا

اما عن اوضاع البلد بتسئ .. فعلا .. وعشان كدا لما بقرا موضوع لزميل واخ معايا فى ازمة بتخض عليه .. واكتشف فى الاخر ان الموضوع هزار !! .. اظن حتى لو عمل موضوع جد بعد كدا .. مش حصدق وحقول لا ده بيهزر بردوا .. والمصداقية حتسقط مننا

وعشان كدا فتحنا موضوع للدردشة والهزار والمقالب وفيه حاجات كتير جدا .. بس احنا نتواجد فيه

**Ahmedmiy** · 04-02-2012 10:24 PM

بسم الله الرحمن الرحيم

وَرَفَعَ أَبَوَيْهِ عَلَى الْعَرْشِ وَخَرُّوا لَهُ سُجَّدًا وَقَالَ يَا أَبَتِ هَذَا تَأْوِيلُ رُؤْيَايَ مِنْ قَبْلُ قَدْ جَعَلَهَا رَبِّي حَقًّا وَقَدْ أَحْسَنَ بِي إِذْ أَخْرَجَنِي مِنَ السِّجْنِ وَجَاءَ بِكُمْ مِنَ الْبَدْوِ مِنْ بَعْدِ أَنْ نَزَغَ الشَّيْطَانُ بَيْنِي وَبَيْنَ إِخْوَتِي إِنَّ رَبِّي لَطِيفٌ لِمَا يَشَاءُ إِنَّهُ هُوَ الْعَلِيمُ الْحَكِيمُ (١٠٠)

السلام عليكم يا صقور نيسان أصدقائى وأحبابى فى الله

منذ أكثر من خمس أسابيع وفى مسجد الشيخ رفعت بجوار المنزل وخطيب المسجد يتناول سورة سيدنا يوسف على مدار خمس خطب لما فيها من آيات تشرح الصدور وتنير العقول ففيها من القصص ما يدور فى الإطار الإجتماعى بين الأباء والأبناء وغيرها الكثير من العلاقات الإجتماعية التى تجعلنا أمام قصص يتعلق بالإطار الذى نتعامل ونعيش فيه الآن ولذا كما جاء فى مقدمة الخطيب فى أول خطبة متعلقة بسورة يوسف أن لنا من هذة السورة العظة والحكمة والراحة لنفوسانا بعد سرد القصص وما مر بسيدنا يوسف عليه السلام .

وقد تعلق بسمعى من أحد الخطب تعليق الشيخ على هذة الآيه الكريمة وتحديداً فى قول :

مِنْ بَعْدِ أَنْ نَزَغَ الشَّيْطَانُ بَيْنِي وَبَيْنَ إِخْوَتِي

وكيف لمن يعرف قصة سيدنا يوسف عليه السلام بعد ما حدث له من أخواته بدايه من حسدهم له وظنهم أن الأب يحب يوسف وأخيه أكثر منهم ثم تدبير إلقاءه فى البئر و بيعه لأحد ملوك مصر ثم موقف زوجة الملك معه ثم دخول السجن ثم خروجه من السجن وتمكين الله له أن يكون على رأس إدارة أحوال مصر الإقتصادية والمواقف التى كانت بينه وبين أخواته .

فكان تعليق الشيخ على هذا القول أن سيدنا يوسف بعد المرور بكل هذة الصعاب وفى النهاية بعد ما أصبح له سلطه وسلطان عندما تحدث لأبيه قال كتحليل لما حدث له من أخواته أن الشيطان هو من أفسد العلاقة بينهم .

وعلشان كده يا صقور نيسان عايز أذكركم أن عند كل إعلان عن مقابلة للصقور كان غالبا ما يحدث أمر ما

ومن العجيب أيضاً أن فى أحد الخطب عن سورة سيدنا يوسف عليه السلام تحدث الخطيب عن الحسد وكيف أنه جاء ذكره خمس مرات فى القرآن الكريم

وذكر حديث عن رسول الله صلى الله عليه وسلم وكنت لأول مرة أسمعه فقال عليه الصلاة والسلام ( أن العين لتدخل الرجل القبر )

وعلشان كده بكل محبه وصدق وبرجاء أنتظر أن يستجيب الجميع له أن تكون هذة المشاركة هى أخر مشاركة فى هذا الموضوع ونترك الموضوع حتى يبتعد عن صفحات قسم نيسان ويذهب إلى الأرشيف بلا رجعه ويأتى بدلاً منه فى فى صدارة صفحات وموضوعات القسم إبداعات صقورنيسان المميزة .

ودعونا بكل إصرار وقوة نتمسك بما يجمعنا فى قسم نيسان ....

أحبكم فى الله يا صقور نيسان

اللهم صلى وسلم على خير خلقك محمد ابن عبد الله خاتم الأنبياء والمرسلين بالرحمة والهدى للعالمين

سبحان الله وبحمد سبحان الله العظيم

لا إله إلا أنت سبحانك أنى كنت من الظالمين

لا حول ولا قوة إلا بالله

**SonaSteel** · 04-02-2012 11:52 PM

يا الله ........... لا حول ولا قوة الا بالله
يعني ايش حال انكم اعضاء منتدي نيسان ..... بيتنا التاني كلنــــا
انا مكنتش متخيل ان ده هايحصل بين اعضاء نيسان .... سبحان الله بعد المستوي والمكانة اللي وصلنالها وده علشان خاطر موضوع انا افتكرته جد و طلع في الاخر هزار ؟؟؟
والفترة الاخيرة التهريج والمزاح وصل لاعماق المواضيع كلها لدرجة اني قعدت فترة مدخلش المنتدي حوالي اسبوع او 10 ايام ..... مش عارف لاحظتم ده ولا لأ
لاني كل ما ادخل المنتدي الاقي مواضيع جديدة واتفتحت لاول مرة ... يمكن يوميها والقي عدد الماشركات كبيرة
واول ما اخش الاقي 90% من المشاركات كلها تصب في قالب المزاح والشات
وده شيء ظريف بس ميحصلش في كل موضوع لدرجة ان يغلب طابع التهريج علي مواضيع المنتدي ونقول ديه حرية رد او كل واحد يرد براحته .
الموضوع مش عايزينه يمشي كده علشان اللي عارف واللي ميعرفش المنتدي ده وصل للمكانة ديه ازاي بتعب وسهر ايام وشهور ومكالمات ولف ودوران شهور بحالها و اسم (نيسان نايل موتورز) بقي معروف عند اكبر وكلاء السيارات في مصر والشرق الاوسط بفضل الله ثم احمد مصطفي والاعضاء النشطاء اللي قلبهم علي المنتدي واللي يمكن كانوا بيسيبوا بيتهم واهلهم وبيرجعوا متأخر علشان يكبروا اسم المنتدي ويوصلوه للي احنا فيه
ويمكن ده اللي حسيتوا بيه و حبيتوا تنضموا ليه لانكم في وسط حاجة كبيرة واسم معروف و كل ده قصاد علاقات طيبة ومعرفة بالناس اللي متتعوضش بفلوس.
--------------------------------------------
انا بصراحة كنت متضايق من المواضيع اللي كانت بتتفتح بالشكل ده و كان بعد كده بتاخد مسار تاني لدرجة ان المواضيع تتفتح بعد كده بغرض تاني خالص ويبقي كلها تهريج
اعتقد احنا موصلناش للمرحلة ديه ......... ومحبش اننا نوصل للمرحلة ديه
و عملنا مواضيع خريطة نيسان واحمد كل مقابلة يقول احنا وصلنا لغاية فين ونخلي بالنا من النقد البناء ومن كلامنا لان دلوقتي المنتدي بقي علي مرئ ومسمع مش من افراد بس لالالا
لا من اعضاء وافراد ومؤسسات و وكلات ........ يعني مش زي زمان بيت مقفول علينا لا الحمد لله بفضل الله
المكان بقي ليه اسمه وسمعته .
-------------------------------------------
وللاسف محدش بيقرا قوانين المنتدي ........... انا قريتها مرة زمان وعرفت ايه اللي ممكن اقع فيه ومعملوش لاني مقدرش اقعد يوم بعيد عن المنتدي .... بس لما لقيت نفسي بعدت عنه الفترة ديه لدرجة اني بقيت مش عايز اخشه
لقيت في حاجة غلط ومينفعش كده ولازم نرجع زي زمان بالرغم من اني كنت لوحدي كنت بحاول اخلي روح اجتماعية ظريفة بين اعضاء المنتدي وكانت كل مشاركة فيها افادة ومزاح في نفس الوقت ويمكن بفضل الله خدت افضل عضو اجتماعي بترشيح الاعضاء حبايبي في المنتدي هنا ومع ذلك مستحملتش كل ده .
وياريييييييت المنتدي يبقي مكان خدمي اولا واخيرا و الاعضاء كلهم يستفيدوا منه والمواضيع الجانبيه ليها مواضيع خاصة ممكن نتكلم فيها الي ان يشاء الله.
------------------------------------------
اخيرا .......... انا بتمني ان المنتدي يرجع تاني زي الاول .... واللي حصل ده ميحصلش تاني علشان احنا اخوات واصحاب و النقاش الحاد اللي حصل ده ميحصلش تاني
لان اولا واخيرا ده بيتنا الثاني و انا شخصيا مقدرش استغني عنه .... اعتقد اننا كلنا كده
ولو حد المنتدي بالنسبة ليه المنتدي مكان ياخد منه مصلحته او مكان يفرج فيه همه بصرف النظر عن شعور الاخرين
اعتقد انه مش هيلاقي ترحيب بين اهل البيت .
-----------------------------------------
ياريت ياشباب نخلي بالنا من المنتدي لانه بقي اكتر من مكان بنتقابل فيه ورا شاشات كمبيوتر
ده بقي علاقات وصداقات وعيش وملح ........ ولو نخاف عليه زي بيتنا وشغلنا ان شاء الله نحافظ عليه
وكمان لسه بنقول المنتدي هايبقي حاجة تانية خالص و هيتوسع ومحتاجين نشاط وهمة كل واحد وانا لاحظت في الفترة الاخيرة ان عدد المشرفين زاد عندنا في القسم وده شيء في حد ذاته كويس .... يعني ربنا يجزيهم عنا خير والمفروض نساعدهم لان كلنا مسئولين وده بيتنا اولا واخيرا
فمينفعش يوصل في الاخر لنقاشات و خلافات علي مواضيع .... انا اسف في اللفظ متستاهلش؟؟؟
وياريت كلنا نلطف الاجواء و منزايديش علي بعضينا والاخلافات ديه تتحل في المقابلات الاسبوعية اللي بنعملها لان ده مش مكانها ....... ده للمواضيع اللي بينا.
اما المواضيع اللي الادارة ليها علاقه بيها ....... يببقي في المكان بتاعها .
وانا احب اشكر المشرفين والادراة بصراحة اللي متابعينا مش مجرد تطبيق عقوبات وخلاص.
-----------------------------------
والكلام ده كان عموما وياريت يا محمد تطلب من الادارة تقفل الموضوع هنا لغاية ما نتقابل ونتكلم براحتنا ان شاء الله.

**Youssef.Awad** · 05-02-2012 01:54 AM

اولا: انا متفق مع احمد مصطفى - احمد محسن - حسين جمال - بيشوى فى كل كلمة كتبوها
ثانيا: هاعرض على حضراتكم احصائيات هامة تبرهن وتؤكد مكانة قسم نيسان التى ارتفعت فى الاونة الاخيرة واليوم تحديدا نجد الاتى
(1)
المنتدى اليابانى

المركز الاول لميتسوبيشى ب5571 موضوع و69891 مشاهدة
المركز الثانى لنيسان ب4157 موضوع (بفارق 1414) و62848 مشاهدة (بفارق 7043)
أى ان الفارق من السهل جدااا الوصول اليه فى فترة وجيزة لنكون رقم واحد فى المنتدى اليابانى
وهذا بفضل الله ثم بتكاتفنا معا ومواضيعنا المفيدة وتقارير الصيانات وغيرها
والمقصود هنا هو كيفية الوصول للزيادة النوعية فى المواضيع وبالتالى يتبعها زيادة كمية وليس العكس
وعلى ما اتذكر انه قبل عامين كان الارقام اقل بكتير جداا عن الان

(2)
المنتدى الكورى والماليزى

اعداد المشاهدة تتراوح بين 100 - 140 الف
واعداد المواضيع فى كل قسم فرعى يتراوح بين 5 - 10 الاف موضوع
ودى مرحلة ثانية فى هدفنا باذن الله (منافسة المنتدى الكورى)

(3)
المنتدى الاوروبى

ومن الملاحظ ان اكبر 3 اقسام فى الاوروبى هى
اوبل ب5244 موضوع و107247 مشاهدة
فيات ب5266 موضوع و107143 مشاهدة
رينو ب7170 موضوع و107059 مشاهدة
ودى مرحلة ثالثة للمنافسة على عدد المواضيع ومتوسط المشاهدات

ثالثا: وأخيرا .. ياريت حضراتكم تاخدوا بالكم من اسماء المتواجدون حاليا بالقسم اسفل عناوين المواضيع

وشوفوا بنفسكم واتأكدوا ان كتير من خارج نيسان اصبحوا زوار دائمين عندنا من جهة
ومن جهة تانية .. اعضاء كتير جدااا يكتفون بالمشاهدة وليس المشاركة بفعالية

**Ahmedmiy** · 05-02-2012 02:31 AM

بسم الله الرحمن الرحيم

اللهم صلى وسلم على نبينا محمد خاتم الرسل للعالمين

أخى العزيز والحبيب يوسف بعت لك رسالة على الخاص ولكن لم تظهر عندى بلوحة التحكم

وكنت عايز أقول أن المشاركة الأخيرة الرائعة جدا بكل ما فيها من إحصائيات تستحق بإمتياز شديد أن تكون موضوع جديد حتى نعرف جميعاً ما وصل له القسم بفضل الله ويكون ذلك دافع للصقور لإظهار المواهب إن شاء الله .

علشان واضح أنك عايز المنافسة مع كل أقسام النايل موتورز وكده حنافس جميع شركات السيارت فى مصر وده عايز صقور متوحشة جداً .

أحبك فى الله يوسف

سبحان الله العظيم وبحمده

لا حول ولا قوة إلا بالله

الحمد لله