ركبت جي بي اس تراكينج وهايل فعلا

**medododo** · 04-02-2012 02:37 PM

مبروك متابع باهتمام

**Nistelrooy** · 04-02-2012 02:44 PM

اكيد اكيد مافيش لعب في كهربا العربية ولا الضفيرة .. الواحد خايف علي الضمان برضوا .

**Astra200** · 04-02-2012 07:19 PM

المشاركة الأصلية كتبت بواسطة me_medoo

مبروك الجهاز يا باشا ... بس صحيح الشريحه الي بتنحط فيه أشتراكها كام في الشهر ... وعلى فكره الاجهزة دي أحسن ميت مره من أجهزة الانزار الي بتتفك بسرعه ...

وأحسن كمان من شفرة العربية بتاعت المتور ... والي يدحك مره كنت شاري عربية رينو 2011 لوجن وقال ايه فيها شفرة ... المهم الواد الكهربائي قلي تتحداني أشغلك العربية بشفرة موس ومفك ، قلتلو أتحداك ... بس على شرط متخربليش حاجة ولا تكسرش حاجه قالي ماشي وفعلا مفيش خمس دقايق ولقيت العربية دايرة ولا مفتاح ولا ديولو ههههههههههههههه ضربت كف على كف ورحت تاني يوم لتوكيل رينو حكيتلوهم علي حصل وقلتلهم مستعد اجبلكم الواد هنا يشغلكلم اي عربية عوزينها فلقيتهم قالو جايز ومعقبوش على كلامي لأنهم عرفين انها شفرات وهميه وكده وكده واي عربية ممكن تتسرق .

ما هي العربية حتدور شوية وبعدين حتفصل
واحد صاحبي عمل مفتاح ودور العربية دارت بس وقفت بعد كده

**SYD** · 04-02-2012 08:23 PM

المشاركة الأصلية كتبت بواسطة astra200

ما هي العربية حتدور شوية وبعدين حتفصل
واحد صاحبي عمل مفتاح ودور العربية دارت بس وقفت بعد كده

حضرتك تقصد الأيموبلايزر

فعلا العربية تدور وتبطل بعد بالظبط ثانيتين او اقل
انا عربيتي كدة لو دارت بمفتاح مش متشفر

والله المستعان
،
،

**alaamousa** · 04-02-2012 09:23 PM

السلام عليكم استاذ كريم في انتظار العرض ان شاء الله والتجربة

**م/محمد صلاح** · 05-02-2012 03:52 AM

السلام عليكم ورحمة الله وبركاته
ماشاء الله الموضوع جاذب اهتمام الناس كلها وربنا يسترها على الجميع
اولا مبروك يا كيمو التركيب ... انا كمان ركبته عندى فى العربيه

يا جماعه الشركه دى بتاعة صديق ليا وان شاء الله هاينزلوا عروضهم واعلانهم على المنتدى هنا قريب جدا
وانا بحاول اساعد معاهم لان الناس فعلا زى ماقال كريم مضغوطين جدا جدا

وهحاول هنا ان شاء الله ارد على استفسارات بعض الناس على قد ماقدر طبعا بعد اذن كريم باشا

الشركه ان شاء الله هاتنزل بموديلين للجهاز احدهم بالبطاريه والاخر بدون بطاريه وان كنت اعتقد ان اللى بدون بطاريه هايكون الاقبال عليه ضعيف نظرا لان اى حد هايسرق العربيه ممكن يشيل البطاريه بتاعتها

مجموعة العمل عباره عن مهندسين بس ومافيش فنيين والله على ما اقول شهيد ... اللى بيركب الجهاز واللى بيعمله الصيانه مهندس ودى اكبر ميزه
ثانيا الجهاز ممكن تركب عليه اى خاصيه انت عايزها ... يعنى لو عايزه كمان يقفل السنتر وقزاز العربيه ممكن اضافة الاوبشن ده لان زى ماقولتلكوا القائمين على التركيب والصيانه مهندسين

وللاجابه على بعض الاستفسارات

الجهاز ممكن يتنقل من مكان لمكان عادى جدا يعنى لو غيرت العربيه هاتشيله وتركبه فى التانيه

الموقع اللى بتشوف من خلاله عربيتك مالوش اى اشتراك شهرى لان ده الموقع بتاع الشركه نفسها وبتدخل عليه بيوزر نيم وباسوورد خاصه بيك انت

الشريحه اللى متركبه فى الجهاز بتبقى بنظام الكارت وبتشحنها بأى مبلغ انت عايزه واعتقد 5 جنيه كفايه لانها بتتصل بيك بس وانت مابتردش

زى ماقال كريم ان البروسيسور سيمنز ودى ميزه هايله

الضمان سنه حقيقيه فعلا والناس محترمين جدا فى تعاملهم ده غير انك ممكن تكلم المهندس فى اى وقت لو فى اى استفسار او حاجه عايز تسأل عنها وبيرد عليك بنفسه

ان شاء الله هايبقى فيه عرض خاص للمنتدى ولأول 50 جهاز يتركبوا

مافيش اى لعب فى الضفيره خااااالص وهاتتفاجئ بجد وقت التركيب

انا حاولت ارد على استفسارات الناس كلها وتحت امركوا فى اى استفسارات تانيه ان شاء الله

**SYD** · 05-02-2012 04:23 AM

برجاء الرد علي السؤال الوارد في هذه المشاركة

http://www.nilemotors.net/Nile/27009...post3874090971

والله المستعان
،
،

-

-

-

الموضوع: ركبت جي بي اس تراكينج وهايل فعلا

LinkBack

أدوات الموضوع

عرض

-

-

-

-

المواضيع المتشابهه

ركبت الجلينا

ركبت الشماسات

هي الأفيو فعلا سيارة سيئة فعلا ؟؟؟؟

هى الأفيو فعلا سيارة سيئة فعلا ؟؟؟؟ ( مشاركات خارج الموضوع )

ركبت فرش للجين2

الكلمات الدلالية لهذا الموضوع

المفضلات

المفضلات

ضوابط المشاركة