لو سمحت هو انت جربت رشاشات الفيرنا
ولو جربتها هل فيه اختلاف في السحب
ونسبة توفير البنزين اد ايه مقارنة برشاشاتها الاصلية
انا بفضل الله معنديش مشكلة في الرشاشات بس حريقة بنزين
عرض للطباعة
طب هو فى موديلات منها فيها abs؟؟؟؟؟؟؟؟؟؟؟؟؟؟؟؟؟؟؟؟
باشا الكريستاله حلوه وشهرتها عاليه جدا لكن مع كامل احترامى لها النوبيرا احسن كتير وزى ماقال اخواتنا فى المنتدى المميزات كتيييييييييييييير والعيوب بسيطه ولها حلول وممكن اضيف عيب كمان ان صوتها عالى شويه بس والله فى زيرو صوته اعلى زى اللوجان مثلا.
الخلاصه النوبيرا احسن من الكريستاله بفرق كبير وهى عربيه عائليه واقتصاديه ومحترمه وماسكه سعر.
نسيت كمان اقولك انا مركب صدادات للمساعدين كويسه اوى مع الاحمال التقيله عشان العربيه متهبطش اوى
بيتهيألي النوبيرا تكسب عشان حاجات كتير
و خلي بالك النوبيرا قطع غيرها متوفر و رخيصة و ناس كتير بتفهم في العربية مش معقدة يعني و محتاجة دكتور .. غير كدا منها استيراد كتير يعني لو مش عايز تجيب حاجة صيني ممكن تجيب استيراد .. فا دي ميزة كبيرة و صعب تلاقيها في عربيات تانية
انا مش عايز أزيد على زملائى ......
بس لو قدامك واحد توكل على الله ....
و لو مش قدامك حاول تستنضف واحدة و مش خسارة فيها الفلوس لو حالتها ممتازة
عربية فيها اكتر ماتتمناه او تتوقعه من اى عربية فى نفس فئتها
ثباتها ممتاز جدا معاك ..اول ماغيرت الكاوتشات جت بيها 190 وكانت مستريحة جدا جدا جدا
واسعة ومريحة والاوبشن اللى فيها كتير
من الاخر جرب الفيكتر موديل 2001 وجرب نوبيرا مو1997
هتلاقيهم عربية واحدة فى كل حاجة ثبات وميكانيكا ولو فتحت كبوت اوبترا الجديدة هتلاقيه هو هو بالمللى النوبيرا القديمة كمان
ولازم تجربها وتجرب غيرها اللى من نفس الفئة وحضرتك تحكم بنفسك
عيوبها صاج ضعيف فمحتاجة اهتمام مبالغ فيه ضد البنى ادمين اللى هوايتها تقعد عالعربيات ..حوت بنزين داخل البلد فقط والعكس تماما خارج البلد
ونصيحة لو حضرتك هاتستعملها كتير جوة البلد بلاش منها وماتستهونش بمشكلة البنزين دى لانها تضايق فعلا
مقصاتها مابتعمرش بس الحل زى ما الاعضاء قالوا
واطية جدا بس فى المقابل بيديها ثبات عالطرق السريعة وممكن لو عايز تعليها تعليها لوو حضرتك مش بتاع جرى
دا اللى فاكره فيها