انا بفكر اجيب نوبيرا ممكن حد يكلمنى عن مميزاتها وعيوبها
عرض للطباعة
انا بفكر اجيب نوبيرا ممكن حد يكلمنى عن مميزاتها وعيوبها
مميزاات
موتور حلو ف السفر و واسعة ( لو طويل زى حالاتى حتبقى مش اوى )
قطع الغيار متوفرة و بدرجااات من الاصلى للكورى للصينى و التايوانى كماان
فيها كل الكماليات الازااز و التكيف و الباور حلو
و ثباتها محترم
العيوب لا علاج ليها
الشكل من برة ( اذواق)
البومبية اللى ع الكبووت ( ان الكابوت بيبقى منفخ شوية) لازم تلاقيه متطبق من الاساتذة اللى بيجلسو عليها
عيوب تتصلح (لو ظهرت معااك) او الشائعة
جلب المقصاات ( لو بتمشى ف حتت مكسرة كتير ) و الحل تغير الجلب ب تويوتا ( لو حالة المقص سليمة) او تغير المقص كاامل ب اسباانى
استهلاك البنزين زى اى 1600 بس لوعديت ال 3000 ار بى ام انت كدة حتخرب بيتك ب ايدك :))
لو عاوز توفر ممكن تغير الرشاشات ب فيرنا و خلصت ع كدة
و تربيط عفشة كل شهر او اتنين ب 10 ج و خلصت
عربية من الاخر هاتسبها يبقى تركب المانى
السلام عليكم انا العربيه معايا بقالها سنتين ووالله فحت وردم واسعه ومريحه وقطع غيار رخيصه جدا مقارنه بغيرها من العربيات استهلاكها فالبنزين انا شايفو والله معقول جدا عيوبها بقا العيب الشائع وهو جلب المقصات ودى بصراحه بايخه جدا وانا بالفعل غيرتهم بفرنا بس برضو بعد 4 اشهر باظو تانى بس للامانه انا كلت بيها مطبات والله مش تبوظ مقصات دى تقطم عربيات وطبعا انتو عرفين الحفر الى فبلدنا والطرق المحترمه والمطبات المفاجئه الى بتلاقيه على الطرق وانتا طبعا ماشى على سرعه مثلا 120 الباقى من العيوب الى زى اى عربيه اه نسيت اقولك ان عيبها التانى ان الاتوماتيك منها سيئ جدا وده مزعلنى لان رجل الواحد فالزحمه بتقف من الضغط على الدبرياج
تحياتى
متشكر اوى للناس اللى ردت وياريت برده اللى بتوقع معاه اى مشاكل ليه يفيدنا ؟؟؟؟؟؟
و الله كما سبقني الاخوان العربية معاي من الزيرو اتوماتيك 2008 لا عيوب لها غير العفشة و بدأت بالاستبدال بالاسباني و هي واطية شوية تاخد بالك من المطبات خاصة لو محمل لكن فيما عدا ذلك وحش جبار و خاصة عند ازمة البنزين كنت باحط 92 و من يومها استخدمه لان حسيت اني غيرت العربية فاقت جداااااااااااااا و زي الفل زي ما باقول لابني العربية دي عربية من الجيل القديم اللي بيتحمل البهدلة و لكن مع الموديلات الجديدة في شوية الرفاهية اللي علي قدي كده و مركب لها وحدات رفع و الحمد لله ربنا يحفظها لي
عربية ممتازة بصراحة بالنسبة لسعرها
اعتمادية . واسعة جدا . مريحة في السفر . ثبات عالي "اعلى من حاجات كتير زيرو" . موتور قوي جدا
عيوبها استهلاك البنزين في البلد بس معظم ال 1.6 كدا . العفشة و دي زي ما قالوا ليها علاج
بصراحة صعب اني افرط في العربية دي غير لو قدامي حاجة الماني
تسلموا يا رجاله اوى ع الردود اللى خلتنى احبها اكتر مانا بحبها
بس تفكتروا لو حطتها مع الانسر الكريستاله فى مقارنة مين اللى هيكسب؟؟؟؟؟
معايا نوبيرا ومش هضيف على الزملاء غير حاجة واحدة
هتلاقي فين عربية بالمميزات دي كلها بالسعر اللي بتتباع بيه فعلا قيمة اعلا من تمنها مقارنة بحاجات كتير