بص يا ريس اولا المسدس اللي مع حضرتك يعتبر في حكم السلاح الحي طالما صوت و متعدل يضرب بلي و طبعا خطر عليك برده لاكتر من سبب اولهم لأن الخامة المخصصة لصنع المسدسات الصوت متستحملش زي الحي و فيه تعديل كمان
و لينا زميل ربنا يشفيه كان معاه برده مسدس صوت معدل و النتيجة وقع منه بدون ما يقصد و البلي رد في عينه و النتيجة البلي استقرت داخل الرأس و الحمد الله عاش لكن النتيجة عينه اتصفت و شلل نصفي و ربنا يستر ع الجميع
اما السبب الثاني لو حضرتك اتمسكت بيه هيبقي حيازة سلاح بدون ترخيص و مينفعش تقول اصل صوت و مش صوت لأن الظابط ممكن يحرزه و يقولك يتعرض ع المعمل الجنائي و هو اللي يحدد اذا كان صوت فقط و لا صوت و متعدل و راكبله طبة و لا ماسورة مششخنة في التقرير و ساعتها حضرتك بتشرف في الحجز و حتي لو اتضح انه صوت فقط غير معدل معتقدش ان يكون فيه امل انك تسترده

و عامة قبل حتي ما تستخدم مسدس خرز بتاع اطفال لازم تكون عارف قواعد السلامة و الامان في السلاح زي التعامل دايما مع السلاح ع انه متعمر و جاهز للضرب دايما - يكون قفل الامان شغال - متوجههوش في اتجاه اي شخص او لازم قبل ما توجهه تكون عارف الوجهة - بعيدا عن متناول الاطفال - الالمام باستخدامه و فكه و تركيبه و صيانته

و بالنسبة الرماية حضرتك ممكن تشترك في تدريب الرماية في اي نادي و بتتعلم النيشان سواء بندقية او مسدس ضغط هوا ياما لو عايز خرطوش بتشترك برده لكن اغلي طبعا و علبة الخرطوش بتكون عليك

بالنسبة السلاح الحي لازم يكون معاك سلاح مرخص و معاك رخصة حمل سلاح و بتدخل ميدان الرماية و تتدرب ع ضرب النار

فيه فكرة لو تحب تأخذ بها و هي ان المسدس اللي بيضرب بلي زي مقولت يعتبر في حكم السلاح الحي بالاضافة ان لما بيصيب اينعم اصابته بتكون قوية لكن كأنك ضربت واحد بطوبة بس شديدة
ممكن تشوف مسدس صيد ضغط هوا و تحط فيه الرش المدبب اعتقد تأثيره هيكون اقوي

و اكيد طالما دخلت منتدي خاص بالصيد فقط انهم يمنعوا حاجة زي كده
زي عندنا في منتدي رابطة الصيد و الرماية احنا كادارة بنمنع اي حاجة غير خاصة بالصيد بري او بحري و نهري او الرماية فمتزعلش لأن المقصود من ده مصلحتك و مصلحة الهواية نفسها

بالتوفيق ان شاء الله